Avel em fenn
Radio Bro Gwened
Awel Em Fenn - Merc'her 21 a viz Mae
Aet eo d'an anaon Ronan al Louarn: Anton Burel en deus aterset Lena Louarn a-ziàr he envorennoù geton, ha barzh an atersadenn hiniv e klevit ar gaozeadenn-mañ, asambl get lodennoù a brezegenn Gael Roblin ag e zivout er vanifestadeg e Roazhon d'ar 17 a viz Mae.
Liseidi Lise Diwan Gwened o deus savet un diskouezadeg anvet 'Komzoù Brezel'. Implijet o deus dielloù Radio Bro Gwened ag atersadennoù graet get Monik ar Boulch. Klevet a rit muioc'h doc'h mikro Gael an Du.
Ha just awalc'h, pennad-kaoz ar sizhun e ta ah ar memb dielloù-se: Monik ar Boulch é komz get Thérèse Provost e 1993 a-ziàr ar louzoù aveid aesaat kleñvedoù ha drougoù.
Modarall barzh hos abadenn: lizher-doereioù Splann, hag el rezon ar c'heleier, kaset get Gwenvael Delanoe.
Awel Em Fenn - Gwener 23 a viz Mae
Hadomp espirañs! Chetu tem an abadenn-mañ. Na bout e seblant bout du awalc'h stad ar bed er c'hours-mañ, eh es moian hadiñ espirañs ur seurt. Barzh hos abadenn hiniv e kont Anna Preden penaos e treuzkas ar pezh a zo a-bouez dezhi - an arz, ar brezhoneg, an natur hag an en-dro - en he labour, en he abadennoù get ar re vras hag ar re vihan, en he zaolennoù. Ha displeg a ra un tammig penaos gober ar pazennoù kentañ davet bout emren a-fed boued.
Loeiz Beleg a ra ar liamm etre ar skiant-faltazi hag ar skiant-gwirion en e gronikenn Ar Hentoù an Antroposen: penaos en doa ragwelet Isaac Asimoz e furchehe mab-den un deiz bennag penaos tenniñ energiezh an heol ag an egor, a-benn en-devout trawalc'h a dredan aveid an douar?
Hag aveid ar wezh ziwezhañ 'barzh an heuliadenn-mañ e vo klevet bouezh Thérèse Provost a Velrand, plac'h ar louzoù hag ar remedioù-gegin, aterset e 1993 get Monik ar Boulch. Komz a ra a zrougoù bihan pemdeziek ha penaos gober àr o zro get ar pezh a vez kavet er gegin hag er jardrin. Emren ha lec'hel, mod ar re gozh.
Avel Em Fenn - Yaou 22 a viz Mae
Reportaj ag ar vanifestadeg a zo bet e Roazhon disadorn d'ar 17 a viz Mae: klevet e vo doc'h mikro Neshka Tangi Louarn a gKevre Breizh, Anne-Sophie Brats, prezidantez Diwan, Hélène, kelennourez, ur paotr ag ar strollad Dispac'h, ur plac'h bet liseadez e Diwan, Davyth Hicks ag ELEN, eilvouezhiet get Maxime Crahé, hag Alan Stivell.
Modarall: ar pedervet lodenn ag ar gaozeadenn etre Thérèse Provost ha Monik ar Boulch a zielloù Radio Bro Gwened, an teirvet lodenn a zoereioù Splann aveid ar miz-mañ, hag ar c'heleier get Erwan Blanchard.
Avel Em Fenn - Meurzh 20 a viz Mae
30 vloazh skolaj Diwan Bro Dreger, eil lodenn : tu zo klevout Gwenola Coïc kelennerez ha renerez ar skolaj, Tifenn, kasourez met klevet e vez ivez merc'hed bet skolajiadezed e Plijidi bloavezhioù zo.
Thérèse Provost a anav mad he louzoù. Ar vaol, pe ar mauve, an avron, pe an achillée, hag ar soubenn-linad : gout a ra aesaat ur bern traoù gant plant he jardrin ! He a zo ouzh mikro Monik Ar Boulch, e-barzh ar pennad-kaoz-mañ, tennet deus dielloù Radio Bro Gwened.
Roazhon underground c'hoazh ? Setu ar goulenn savet gant ar gelaouenn Bretons. Muioc'h gant Maïwenn Raynaudon, penn-redaktourez ar gelaouenn.
Keleier ar vro : Aodren Trehen
Stajiad : Youenn
Buheziñ ha teknik : Yann Boishardy
Avel Em Fenn - Lun 19 a viz Mae
Ar brezhoneg, un aergelc'h plijus, ur familh : d'an 9 a viz Mae eo bet lidet 30 vloazh skolaj Diwan Bro Dreger e Plijidi. Yann Boishardy, deus Radio Kreizh Breizh, en deus aterset skolajiadezed, kelennerien ha kerent ar skolaj.
Fest-noz pe bal folk ? Setu ur sujed kinniget gant Brezhoweb en abadenn 13 munut e Breizh. Florent Grouin a lavar muioc’h deomp.
Ar sizhun-mañ e kinnigomp deoc’h ur pennaod-kaoz tennet deus dielloù Radio Bro Gwened : Thérèse Provost a zo bet aterset gant Monik Le Boulch er bloavezhioù 90. Ar vaouez-mañ a anvez ur bern traoù war al louzoù hag o implij !
Stajiad : Youenn
Buheziñ ha teknik : Yann Boishardy
Awel Em Fenn - Gwener 16 a viz Mae
Arc'hoazh vo stourmet aveid ar brezhoneg! Neuze hon eus adskignet galv Lena Louarn aveid monet da vanifestiñ arc'hoazh. Modarall en deus pellgomzet Neshka get Gwenael Dage, renour Skol an Emsav, hag e gontey deoc'h pep tra a-ziar ur staj berton Gwened a vo aozet e fin ar miz e Kervignag get SAE.
Lodenn ziwezhañ ag ar gaozeadenn etre Yann Boishardy hag Ulysse le Bris zo da glevet ivez, mui ar gronikenn yec'hed get Alan Goulven, lec'h ma komz Alan aveid ar wezh ziwezha én a-ziar ar sclérose en plaques.
Ar c'heleier vez kaset get Anton Burel.
Avel Em Fenn - Yaou 15 a viz Mae
An dibenn-sizhun paset e oe gouel Kleg e Klegereg, ha Neshka oe aze! Chetu ur pennad-kaoz get Rozenn Talec, hag ur reportaj ag ar pred kanet a vez dalc'het pep blé ivez.
Modarall e klevit Mael Gwenneg é komz a-ziar neventioù Frañs 3 ha tud Splann en deus kaset o doereioù deomp ivez!
Ulysse Le Bris a gendalc'h ar gaozeadenn get Yann Boishardy a Radio Kreiz Breizh a-ziar e jardrin, hag Aodren Trehin a lenn ar c'heleier ar-eeun ag ar studio.
Avel Em Fenn - Meurzh 15 a viz Mae
Daoust hag eñ oc’h kustum da lenn e brezhoneg pe eo re diaes evidoc’h ?Diskoulmoù e e vez kavet gant ar gevredigezh Lennomp a-benn aesaat al lennadur en ur labour war ar c’hemmadurioù pe war ar gerioù ral da skouer, a-benn kavout plijadur en ur lenn krouidigezhioù e brezhoneg. Muioc’h gant Yann Fañch Jacq, ezel eus Lennomp.
Ur paotr tost deus an natur eo Ulysse Le Bris ha setu perak n’eo ket entanet gant ar panelloù heol a zo bet staliet er menez. Diskaret eo bet re a wez a-benn staliañ ur raktres un tamm glazwalc’hin, «greenwashing» .
Petra zo nevez gant ar radioioù e brezhoneg ? Se e vez lavaret gant Tara Adeux, plac’h a gehentiñ eus ar rouedad Brudañ ha Skignañ.
Stajiadez Stumdi : Marion
Buheziñ ha teknik : Yann Boishardy
Avel Em Fenn - Meurzh 13 a viz Mae
Gant ar gevredigezh Lennomp eo bet ijinet un doare nevez da werzhañ levrioù e brezhoneg. Rakprenet eo o levrioù ha gwelloc'h c'hoazh : ma z' eo rastellet arc’hant gant al levrioù gwerzet, eo kaset ul lodenn d’ar skolioù e brezhoneg. Muioc'h gant Yann Fañch Jacq diouzhtu.
Ulysse Le Bris, staliet e Laz, a diskouez deomp penaos en deus difuet an ti prenet asamables gant e ch'oar gant raz ha miskantus mesket.
Penaos emañ an traoù evit sevenadur Breizh e Naoned hag e Liger atlantel abaoe int bet distaget deus Breizh ? Lavret e vez gant Maïwenn Raynaudon, penn-redaktourez ar gelaouenn Bretons.
Keleir ar vro : Metig Jakez-Vargas
Teknik ha buheziñ : Yann Boishardy
Avel Em Fenn Lun 12 a viz Mae
Petra eo an Emgavioù Siklosenik, « Les Rencontres Cycloscéniques » ? Ur skipailh tud yaouank a ya da geriadenn ha geriadenn war varc'houarn gant beñveg evit staliañ ul leurenn. Ha piv vo warne ? Arzourien pe arzourezed ar vro, a bep seurt. Muioc'h gant Riwan Le Roy ouzh mikro Yann Boishardy deus Radio Kreizh Breizh.
Ulysse Le Bris en deus prenet ti e zud kuñv gant e c'hoar, e Menezioù Du. Ha choajet en deus difuiñ anezhañ gant miskantus. Dipsleg a ra pep tra da Yann Boishardy, deusRadio Kreizh Breizh.
Gant Florent Grouin, deus Brezhoweb, eo anv deus ar c'houlzad Foeterien, adskignet er mare-mañ war ar chadenn.
Keleier ar vro hag ar bed : Gwenvael Delanoe Ar Berr
Teknik : Mael Krenn
Stajiadez Stumdi : Marion
Buheziñ : Yann Boishardy