Avel em fenn

Dek vloazh zo eo bet krouet ar pikbzh a zo deuet da vezañ ur seurt gwenn-ha-du niverel evit ar vro. Christian Demeurrée-Vallée, sekretour ar gevredigezh a gomz diwar-benn istor hag emdroadur ar pikbzh ouzh mikro Marianne Vaidie, eus Radio Kerne.
Timothée Mesager, alias Tim Lipouz, a zo ur c’heginer a-feson. Entanet eo gant ur boued mat evit ar yec’hed e lec’h e kavont o flas, penn-da-benn, plant ha bezhin. Setu perak en deus ijinet atalieroù kegiña evit reiñ d’ar re all da dizoleiñ ar pezh en deus desket.
Marianne Raynaudon, penn-redaktourez eus ar gelaouenn Bretons a ginnig an niverenn diwezhañ gouestlet d'ar stourm pennoù-sardin Douarnenez, 100 vloazh a zo.
Keleir ar vro hag ar bed : Anton Burel hag Erwan Blanchard
Teknik : Mael Krenn
Buheziñ an abadenn : Yann Boishardy

Digarezit, kudennoù teknik a zo bet e-pad an abadenn : berr eo ar podkast.
«Koumoul» ? Un heuliad skignet war Frañs 3. Nikol Kolik, mamm Alan, a zo war ur c'houmoulenn, o c’hortoz he mab, chomet bev war an douar. Hag he zo karget gant an ankou da degemer ar re varv. E miz kerdu e oa an holl skipailh er studio Streat ar Skol, e Menez Are evit aozañ an eil c’houlzad. Ha Loik Ar Mogn, ar sevener, a lavar muioc'h ouzh mikro Yann Boishardy, eus Radio Kreizh Breizh.
Florent Grouin, eus Brezhoweb, a ginnig ar film mil vrudet "Anv ar rozenn", eilvouezhiet e brezhoneg.
Keleier ar vro hag ar bed, gant Aodren Saner, eus Radio Bro Gwened.
Teknik : Mael Krenn ha Gweltaz Heno
Buheziñ Avel Em Fenn : Yann Boishardy

Titouroù da heul

Titouroù da heul

Anna Vreizh, Nathalie Lemel, pilhaouerezed, Macha, deus Minsk...Kanañ war un ton nerzhus istorioù kriz merc’hed a-wechall hag a-vremañ, merc’hed o deus graet an istor, bras ha bihan, setu ar pezh vez graet gant ar strollad Kaolila. Gégé Gwen neus skrivet pozioù kanet gant Faustine Audebert, Katell Kloarec ha Marion Gwenn, eilet gant Nicola Hayes ouzh ar violoñs ha Doniphan Laporte ouzh ar gitar, ya ur paotr zo ba’n afer ivez ! Ur miz zo eo deuet er maez o fladenn gentañ . Muioc’h gant Marion Gwenn ha Gégé Gwen ouzh mikro Yann Boishardy deus Radio Kreizh Breizh.
Maïwenn Raynaudon a gomz diwar-benn an niverenn ispicial Bretons, diwar ar veajourien, ar beajourezed.
Paperioù, melestradurel, bankoù...Daoust d'an holl skoilhoù-se Eurydice Wicheler ha Quentin Piederriere a zo deuet a-benn d’ober ar pezh o doa huñvreet. Ha choajet neuint goro o saout ur wech bemdez ha bezañ ezel eus Biolait, ur gevredigezh a broduierien.rezed laezh. Dizalc’h hag emren int a-drugarez da-se.
...N'eo ket Ker Ys, anv strollad e fin an abadenn met Ars'Ys, a sen "Gouel Nedeleg" !
Teknik : Gweltaz Heno
Buheziñ an abadenn : Yann Boishardy

Diaesoc’h-diaesañ eo kavout ur mezeg, ur vezegez, pe c’hoazh bezañ degemeret aes ba un ospital, ba lech’ioù zo. ‘Blam da-se, sitoianed.ezed, sindikalourien.ezed ha tud a labour ba r bed ar yec’hed ba bro Dreger, o deus krouet ar stroll Initiative Urgences Armor Santé Yech’ed. Er mare-mañ, e kinnigont ur roll goulennoù, ur seurt kaier klemmoù diwar-benn ar yec’hed. Gael Roblin, kuzulier-kêr Gwengamp, a lâr muioc’h da Gwenvael Delanoe, deus Radio Breizh.
Florent Grouin, deus Brezhoweb, a gomz diwar-benn rann diwezhañ eus ar c’houlzad Istor Livet, ur rann dediet da Sant-Weltaz.
Ur raktres eus a-bell e oa krouiñ ur menaj gant Eurydice Wicheler ha Quentin Piederriere. Da benn-kentañ tout n’o doa ket soñjet d’en em staliañ ba bro Dreger met kavet o deus eno ur rouedad a vignoned.ezed dreist-holl gant skol Diwan Plonevez-Moedeg, hag ivez pradoù gleb ha geot druz evit sevel o chatal saout laezh. Muioc'h gant Eurydice ouzh mikro Yann Boishardy, deus Radio Kreizh Breizh.
Ha deus laezh ha desaverien saout e vo anv ivez gant ar media enklask Splann Ar gazetenerez Juliette Cabaço-Roger a zo aterset gant Enora Molac, deus Radio Boa.
Teknik : Gweltaz Heno
Buheziñ : Yann Boishardy

Selaouit doc'h Xebax ag ar strollad Euskareg Alda é komz a-ziar ar stourm a-enep ar lojeiz berr dermen, hag Aodren Saner é komz ag he micher divrankerez gwez e rann diwezhan pennad kaoz ar sizhun!

Emañ mikromagouri Youn ha Solena en arvar dre ziouer ag argant!
Sikourit get Mikromagouri Youn ha Solena: [https://www.cotizup.com/sauvons-younhasolena] (https://www.cotizup.com/sauvons-younhasolena)
Laouen a gKeit Vimp Bev a gont penaos e skriv istoerioù aveid ar vugale. Un istoer ho peus da ginnig? Skrivit da [rouzig.kvb@orange.fr] (mailto:rouzig.kvb@orange.fr)
Aodren Saner a zispleg he micher diskourrerez gwez e pennad kaoz ar sizhun

N'ho peus ket kavet c'hoazh ur prof evit an Nedeleg ? Jerom Olivry, skrivagner, ha Kristian Goindin, tresadenner, o deus embannet Atlas ar bedoù faltaziet, . Ennañ e kavoc'h kartennoù e brezhoneg deus bedoù ijinet gant skrivagnerien evel Tolkien, Pratchett pe c'hoazh Paolini. Ur sujed kinniget gant Anton Burel.
Tristan Ar Floc'h a zo o stourm da reizhañ skritur e anv e marilh ar boblañs.
Un anv all, un anv-bihan ar wech-mañ : Augustine eo, titl al levr en deus skrivet Regis Delanoë diwar-benn e vamm-gozh. Deus se eo anv gant Maïwenn Raynaudon, penn-redaktourez ar gelaouenn Bretons.
Start eo sikour an dud a-wechoù ha kouskoulde sed ar pezh e vez graet bemdez gant ar bomperien, ar pomperezed. Setu perak o dez ezhomm da gaozeal etreze goude, pe gant ur psikologour, ur bsikologurez. Muioc'h gant Aodren Saner, pomperez e Berrien.
Teknik : Gweltaz Heno
Buheziñ Avel Em Fenn : Yann Boishardy

Gwelet e vez efedoù ar politikerezhioù frankizou, pa ec’h omp d’an ospital da skouer. Setu ar pezh a displeg Guy, a oa o vanifestiñ e Gwengamp Diryaou tremenet.
Kousto pe gousto e vez klasket epern an arc’hant diwar choug ar gelennerien, ar c’helennerezed, da skouer en ur tennañ arc’hant diwar o c'hopr pa vezont klañv. Neuze dispriz e vez sentet gant ar re a labour bemdez gant ar vugale, ar grennarded ar c’hrennardezed. Anne Koadig, deus Sud Education, a lâr deomp muioc’h.
Florent Grouin, deus Brezhoweb, a ginnig deiziataer an Nedeleg.
Goude an tanioù-gwall ba Menez Are e miz Gouere 2023, Aodren Saner doa c’hoant d’ober un dra bennak evit sikour a re all hag ar sistem yec’hed. Choajet he doa, neuze, d’en em stummañ evel pomperez a youl-vat.
Keleier ar vro hag ar bed : Gwenvael Delanoe
Teknik : Gweltaz Heno
Buheziñ : Yann Boishardy