Avel em fenn

Un diskouezadeg nevez a zo e diskouezva Liv an Dour e Sant-Konan, stok deus Mirdi ar Resistañs. Un diskouezadeg gant François Mayu a zo bet o pourmen war Hentig an Intronezed, ul lec'h anavezet mat deus ar Brezel Bed Kentañ. Eno en deus kavet milieroù a tammoù houarn ha gante en deus savet telwennoù ha livadurioù. En diskouezva e vo betek an 12 a viz Mae. Liloe Hemmert, a labour e Mirdi ar Rezistañs ha ganti omp bet o pourmen en diskouezva.

Un Ti embann nevez a zo bet savet un nebeut bloavezhioù zo e Douarnenez. Foin e anv. Solenn Caroff a gomz diontañ deus mikro Marianne Vaidie.
Ar gronikenn Daouarn ha Pri lec'h ma tispleg Awen Prigent afer kevrinus ha skiantel al livioù e bed ar poderezh.
Keleier ar Vro hag ar Bed kinniget gant Metig Jakez Vargas
Eil lodenn Pennad-kaoz ar sizhun war ar c'hleuzioù, Juliette Cabaço-Roger a gont petra eo enklask diwezhañ Splann ! anvet "Kleuzioù ha girzhier en arvar"

Un diskouezadeg nevez a zo e diskouezva Liv an Dour e Sant-Konan, stok deus Mirdi ar Resistañs. Un diskouezadeg gant François Mayu a zo bet o pourmen war Hentig an Intronezed, ul lec'h anavezet mat deus ar Brezel Bed Kentañ. Eno en deus kavet milieroù a tammoù houarn ha gante en deus savet telwennoù ha livadurioù. En diskouezva e vo betek an 12 a viz Mae. Liloe Hemmert, a labour e Mirdi ar Rezistañs ha ganti omp bet o pourmen en diskouezva.
Eil lodenn ar gronikenn Las Entrevistas gant Gisel Sparza Sepulveda deus mikro Anjela Stephan evit kontañ pezh a ra gant he strollad c'hoariva e Bro Chile, La Obra.
Keleier ar vro hag ar bed kaset da benn gant Erwan Blanchard
Trede lodenn Pennad-kaoz ar sizhun war ar c'hleuzioù, hiriv omp gant Juliette Cabaço-Roger a gont enklask diwezhañ Splann ! war ar girzhier.

Un adskignadenn deus un atersadenn war-eeun a oa bet graet gant Yann Ar C'horr e-skeud ar festival Plié Deplié a vo deus ar 15 betek ar 17 a viz Meurzh.
Keleier ar vro hag ar bed gant Anton Burel
Lodenn diwezhañ Pennad-kaoz ar sizhun gant Romain Sponnagel krouer al label nevez anvet Ar folk

Un atersadenn gant Elouan Saoz evit komz deus an EP niverel bet embannet gant ar C'hreiz Breizh Akademi #9 e-skeud sonadegoù an nevez-hañv
Ar gronikenn Las Entrevistas gant Gisel Sparza Sepuldeva deus mikro Anjela Stephan bet e bro Chile. Honnezh a gomz deus ar strollad La Obra he deus savet gant Celine Soun.
Keleier ar vro hag ar bed gant Tomaz Laken
Pevare lodenn Pennad-kaoz ar sizhun gant Romain Sponnagel evit komz deus ul label nevez savet : Ar folk

Elouan Saoz a zo deuet e studio RKB da ginnig penaos eo bet embannet ar pemp ton gant ar C'hreiz Breizh Akademi #9, anvet Bruulu. Ar sorserien, Boked eured, Skolader Yaouank, Noz kent aveit 'n hinour, N'ho 'p eus ket soñj plac'hig, setu anv ar pemp ton bet choazet gant ar strollad, e-skeud sonadegoù an nevez-hañv, d'ar 6 a viz Ebrel e Maoron, d'an 12 a viz Ebrel e Plouguerne. Ha bez oa ivez ur sonadeg d'an 9 a viz Meurzh e Sant Ave.

En abadenn hiriv e adkavehet:

- Jorj Belz, o kas ur predegenn a-zivous glad sonennoù a vro Gwened pedet get Kanerion Bro Boio a benn Disul 17 a viz Meurzh, hag o kanal doc'h ar mikro er studio, brokus.

- Romain Sponnagel hag e embregerezh nevez Arfolk (teirvet tamm a B/Pennad-kaoz ar sizhun)

- Daouarn ha pri get Awen Prigent, a-ziàr ar poderezh.

Keleier ar vro n'eus ket en enroladenn-mañ. Avel em fenn a zo bet kaset get Enora, a studio RBG e Pondi.

Hiriv b'an abadenn:

- Piv oa Hélène Jegado, ar lazherez arsenik? Muioc'h get an heñterez Severine Even he deus labouret àr ar vaouez he doa lazhet ur bochad tud e kreiz an XIXvet kantved e Breizh. Un atersadenn get Morgane Cotten (Radio Kerne).

- Muioc'h a-zivoud ar label Arfolk get ar rener Romain Sponnagel (eil tamm Pennad-kaoz ar sizhun-mañ!)

- [Pennad-kaoz] (https://www.brezhoweb.bzh/Pennad-kaoz_337.html) get Magali Baron, aterset get Lionel Buhannic evit Brezhoweb. Un eskemm get Florent Grouin, karget a produiñ evit ar chadenn tele àr internet.

[Keleier ar vro] (https://radiobreizh.bzh/programme/1) get Anton Burel dre-eeun a Roazhon. Avel em fenn a zo bet kaset get Enora Molac (RBG) dre-eeun a Bondi.

Adlañset program boutin Avel em fenn!

Er podkast-mañ e klevehet:

- Resisadurioù a-ziàr an dysménorhée (loéradoù/amzerioù poanius) get testeni Marie Goyet ha displegadennoù ar medisin staliet e Sizun Benjamin Franckaert. Atersadennoù kaset get Yuna Cojean.

- [Arfolk] (https://arfolk.bzh/) , setu distro ar label nevez-kozh! Barregezhioù produiñ Coop Breizh a vez tapet getoñ. Muioc'h get ar rener Romain Sponnagel, a-hed ar sizhun-mañ.

- Distro prantad [Ar Prizioù] (https://www.youtube.com/watch?v=3yMqEiCcvjE) , ar blez mañ e vo b'An Naoned. Muioc'h a-ziàr an darvoud e kompagnunezh Mael Gwenneg, rener ar programmoù brezhonek e Fr3.

Adkavit ivez kronikenn fizik Loeiz Belleg a-ziàr ar zero ha [ Keleier ar vro & ar bed] (https://radiobreizh.bzh/programme/1) kinniget dre-eeun a Landerne (Arvorig FM) get Erwan Blanchard. Avel em fenn a zo bet kaset dre-eeun a Bondi e studio RBG get Enora Molac.


Poltred a-gleiz: Romain Sponnagel, rener Arfolk.

Bec’h zo war ar servijoù yec’hed er vro war digarez e vank tud da labourat en ospitalioù, ispisial e Aodoù-an-Arvor : e Lannuon e vo krennet degemer an urjañsoù bemnoz betek an hañv da vihanañ. Hag e Gwengamp emañ e sell Ajañs Rannvro ar Yec’hed da serriñ ar servij gwilioudiñ ha da grennañ ar surjianerezh noz-deiz en ospital. Gallout a rafe an diouer a dud bezañ diskoulmet buan a-walc’h koulskoude. Met Penaos ‘ta ?

O tegemer medesined eus Kuba, eme lod. Da goulz ar C’hovid-19 dija e oa bet ur c’henlabour etre ar Frañs ha Republik ar C’haraib da gas labourerien eus Kuba d’an Antilhez. Hag e-kreiz miz C’hwevrer - souezhusat tra ! - pedet e oa bet Otto Vaillant, kannad Kuba, da zont da Wengamp gant Vincent Le Meaux, prezidant tolpad kêrioù Gwengamp-Pempoull. En deiz-se e oa bet renablet an ezhommoù tud e pep servij gant sikour sindikadoù an ospital. Ha da heul e oa bet graet un emvod kelaouiñ war an ton bras. Abretoc’h e-kerzh an devezh en doa bet tro Tomaz Laken da c’houlennata Gael Roblin, koñsailher e Gwengamp, a oa diwanet en e benn ar mennozh goulenn sikour digant Kuba

Kannad Kuba en doa respontet « Ya ! Gallout a reomp kas medesined eus Kuba da Wengamp ! ». Met un dekred a vo afer digant ar gouarnamant d’ober deus ar c’homzoù-se dont da wir.

Daoust d’un embargo amerikan a bad abaoe ouzhpenn 60 vloaz e vez arc’hantet gant Kuba ur warez sokial digoust evit an holl. Stank-hardizh eo ar vedesined war an enezenn. 8 medesin zo evit 1000 a dud.
Ha dre-se e vez kaset medesined gant Kuba da galz a vroioù er bed. Ar brigadennoù-se zo un doare arm diplomatek efedus hag ur vammenn arc’hant evit gouarnamant Kuba. Hennezh a vira gantañ ul lodenn eus an arc’hant a vez roet dezhañ gant ar broioù o c’houlenn sikour. Reiñ a ra ar peurrest d’e vedesined divroet o deus ur gopr uheloc’h evit an hini o dije war an enezenn memes tra.
Diskuliet eo bet gant ONGoù zo ar c’hontrad a liamm medesined divroet Kuba ouzh o gouarnamant. Vincent Le Meaux, prezidant tolpad kêrioù Gwengamp-Pempoull, en doa disklêriet e miz C’hwevrer e tleje ar vedesined kuban a zeuje bezañ paeet kenkoulz ha re ar vro.

Pennad-kaoz gant Tomaz Laken