Avel em fenn
Radio Bro Gwened
Avel Em Fenn - Merc'her 12 a viz Meurzh
Barzh an abadenn-mañ: Brieg Guervenno a gomz a-ziar e vuhez e bed ar sonerezh hag a-ziar e bladenn nevez en un atersadenn graet da radio Kerne; distro ar gronikenn Barzaz; Eflamm Louis a gont e skiant-prenet èl prezidant Kerlenn Pondi e pennad-kaoz ar sizhun. Keleier get Metig Jakez-Vargas
Avel Em Fenn - Gwener 7 a viz Meurzh
Abadenn an noz kent devezh etrevroadel ar moezi hag ar jeneroù minorisaet - neuze toud ar sonennoù barzh an abadenn-mañ vez klevet bouezhioù merc'hed enne!
Modarall: un atersadenn get Lucie Guilcher, dastumourez sonennoù àr Enez Sun, graet da stajiadez RBG, Agnès Le Pimpec; kronikenn Yec'hed Alan Goulven; Claire Le Moign ag aozadur Gouel Broadel ar Brezhoneg a ra da ouiet anvioù ar strolladou kentañ a vo klevet ar blez-mañ; ha rann diwezhañ hon tro e mirdi ar c'hartennoù-post e Baod get Mikael ar Bihannig. Aodren Trehin a gas ar c'heleier ar-eeun ag ar studio.
Avel Em Fenn - Yaou 6 a viz Meurzh
Barzh an abadenn-mañ: tud Roudour zo tremenet e studio RBG doc'htu goude o abadenn kazetennerezh e ti-kêr Pondi aveid laret kaer get Neshka a-ziar ar stummadur nevez a grogey e miz Gwenholon e Pondi! Modarall e kendalc'homb hon droiad e mirdi ar c'hartennoù-post e Baod get Mikael ar Bihannig, e kont Mael Gwenneg petra vo e Bali Breizh an dibenn-sizhun-mañ, hag e vez kaset ar c'heleier get Gwenvael Delanoe.
Avel Em Fenn - Merc'her 5 a viz Meurzh
Plié/Déplié a zo ur festival war-dro an akordeoñs e lec'h zo moien da deskiñ seniñ muzik ar Balkans gant Anton Girard, soner boest an diaoul. Muioc’h a didouroù gant ar soner akordeoñs Yann Ar C’horr ouzh mikro Maelle Auzias , deus Radio Kreizh Breizh.
Tara Adeux, deus Brudañ ha Skignañ a ra tro ar 5 radio e brezhoneg a-benn reiñ deomp keloù fresk-bouilh.
Ha Mikael ar Bihannig a gont da Neshka deus RBG penaos e c'hell ar c'hartennoù-post sikour an dud bremañ d'ober enklaskoù war an traoù kozh : a bep sort 'vez kavet er c'hartennoù post !
Keleier ar vro hag ar bed : N'eus ket, re fall e oa ar son !
Buheziñ an abadenn : Yann Boishardy
Avel Em Fenn - Meurzh 4 a viz Meurzh
D’an 8 an viz Meurzh e vo Devezh Etrevroadel Gwirioù ar Maouezed : neuze petra vo kinniget gant Antidotes, ur gevredigezh deus Rostren ? Muioc’h a didouroù gant Rozali ha Loeizon, izili eus ar gevredigezh ouzh mikro Yann Boishardy, deus Radio Kreizh Breizh.
Gant Maïwenn Raynaudon , penn-redaktourez ar gelaouenn Bretons, e vez anv deus ur renkadur etre kerioù Breizh kinnget ar miz-mañ gant ar gelaouenn.
Er mirdi ar gartenn-bost e Baod emaomp gant Mikael ar Bihannig ouzh mikro Neshka, deus Radio Bro Gwened ! Komz a ra Mikael deus istor ar gartenn-bost, ha diskouezh a ra ur gartenn-bost a zo testeni deus un darvoud a-bouez e istor ar brezhoneg.
Keleier ar vro hag ar bed : Anton Burel
Meteo : Marc'harid Dunkan
Buheziñ : Yann Boishardy
Avel Em Fenn - Gwener 28 a viz C'hwevrer
Anv vez ag ober bourrapl ur bouchad en abadenn-mañ: un atersadenn get Yannig Doujet a-ziar filaj Lokuon hag un adskignadenn ag un istoer laret get Marc-Antoine ag Histoires Au Bout Du Fil, a gaoz ma oe un abadenn-skoazell aveite an devezh àrlerc'h. Skignet zo bet ivez ar lodenn zivezhan ag an eskemm etre Annie Ebrel ha Marsel Gwilhouz er bleadoù 80 - ha lakaet ar gaoz àr ar fest-noz ramzel en e enor, èl just. Ar c'heleier vez kaset get Erwan Blanchard.
Avel Em Fenn - Lun 3 a viz Meurzh
Ral eo met Enora Person, a zo deuet da vezañ komandantez ar vag vras L’atalante, ur vatimant deus an Ifremer. Pauline Le Peculier, anavezet mat ganti bed ar mor, he deus sevenet un teulfilm diwar-benn Enora. Kontiñ a ra ar perak hag ar penaos ouzh mikroYann Boishardy, deus Radio Kreizh-Breizh.
Bang, setu anv ur serienn bolis eus bro Gembre skignet gant Brezhoweb. Muioc'h gant Florent Grouin.
E penn kentan an ugentved kantved ar gartenn-bost oa un doare da gehentiñ gant an dud. Ar sizhun-mañ e reomp un droiad er mirdi ar gartenn-bost ba Baod gant Mikael ar Bihannig, goulennaet gant Neshka deus Radio Bro Gwened. Hiriv, e vez kinniget ar mirdi hag ar mod e vez diskouezhet ar c'hartennoù-post gant Mikael.
Keleier ar vro gant Erwan Blanchard
Meteo gant Marc'harid, stajiadez deus Roudour.
Teknik : Gweltaz Heno
Buheziñ an abadenn : Yann Boishardy
Avel Em Fenn - Yaou 27 a viz C'hwevrer
Un atersadenn get Aodren Trehin a-ziar afer Fañch an Oriant, ha doereioù a-ziar Fañch Angers vez klevet barzh an abadenn-mañ; modarall ivez ar pevarvet rann ag an atersadenn get Marsel Gwilhouz, Mael Gwenneg a lar deomp petra zo àr ar stern get Frañs 3 aveit an dibenn-sizhun, hag Aodren a gas ar c'heleier, sikouret get hor stajiad Ruben.
Avel Em Fenn - Merc'her 26 a viz C'hwevrer
Ur reportaj ag ar Roue Waroc'h get tud liesseurt: kanerion, barnourion hag un dansour! Un eskemmig get Clara Thabard a greizenn sevenadurel Perenn e Klegereg a-ziar ar pezh ar vez groeit gete da geñver miz ar brezhoneg, hag an teirvet lodenn ag hon adskignadenn ag an atersadenn istoerel groeit da Annie Ebrel get Marsel Gwilhouz. Ar c'heleier vez kaset àr-eeun ag ar studio get Aodren Trehin hag hor stajiad Konan.