Avel em fenn

Barzh an abadenn-mañ e komz Riwana ar Gall a-ziar he labour èl mestrez-poull, ha dreistoll a-ziar he labour get divroidi edan an oed. Modarall e klevit an eil lodenn ag ar gronikenn Barzaz a-ziar an dastumad barzhonegoù 'E ty an archeteclin' get Iwan Couée, ha kavet 'vo en-dro Kristian ar Braz e pennad-kaoz ar sizhun.
Keleier ar vro get Anton Burel, animiñ get Emrys van Seventer

Un tammig emañ berroc'h an abadenn hiniv, a gaoz da broblemoù teknikel barzh an abadenn tre g'an hent; troc'het int bet ag ar podkast.
Hiniv e klevit Claire le Moign a Gouel Broadel ar brezhoneg é reiñ doereioù GBB: an anvioù kentañ, ar bilhederezh klok a zo bremañ da gaouet enlinenn, hag an eil emvod aoziñ, hag a vo d'ar 31 a viz Genveur e Ti ar vro Kemperle.
Klevet vo ivez ur gronikenn Barzaz, a-ziar an dastumad barzhonegoù En Ti An Archeteklin get Iwan Couée, ha kavet vo en-dro Kristian ar Bras e pennad-kaoz ar sizhun.
Keleier ar Vro get Metig Jakez-Vargas, hag Emrys é animiñ ar radio!

L’Homme-Poisson, un abadenn c’hoariva skrivet ha c'hoariet gant David Walh a vo d’an 20 a viz Genver er sal Ar Champ Au Roy e Gwengamp. Hiroc’h nebeut gant Tomaz Kloareg, leurenner anezhañ, ouzh mikro Typhaine Leon, deus Radio Kreizh Breizh - Radio Treger Goueloù.
Un enkadenn a zo gant kalz a verkoù dilhad ba bro C’hall...abalamour da betra ? Respontoù gant Maïwenn Raynaudon, deus ar gelaouenn Bretons.
Kristian Braz diwar-benn e labour troer hag ar skrivagnerien a blij dezhañ.
Keleier ar vro hag ar bed : Aodren Trehin
Stajiadez Stumdi Gwengamp : Morgane Suire, mersi bras dezhi !
Buheziñ : Yann Boishardy

An eil sizhunvez gant Kristian Braz, skrivagner ha troer anezhañ, lakaet e vez ar gaoz diwar-benn ar bed politikel er bloavezhioù 80.
Un abadenn nevez a zo da welout war chadenn Brezhoweb, Brezhoneg Komedi Klub eo he anv. Florent Grouin, a lâr muioc’h diwar-se.
Poltred Breizhad gant Denez !
Stajiadez : Morgane Suire
Buheziñ ha teknik : Yann Boishardy

An abadenn hiniv zo èl un heuliadenn àr kani dec'h! Neuze, c'hwi glevey c'hoazh ur wezh tud Tanork é komz ag o strollad metal, doc'h mikro Gregory a Radio Balises. Klevet vo ivez an eil hanterenn ag ar gronikenn Barzaz a-ziar ar livr A-drek kerreg Tevrieg get Hervé Sébille-Kernaudour.
Aveid ar wezh ziwezhañ ar sizhun-mañ e klevit Kristian ar Bras e pennad-koaz ar sizhun, mes.... donet a rey en-dro ar sizhun-ma'za! Pennad-kaoz ar pemzekteiz an hani eo!
Abadenn animet get Emrys

A gaoz da gudennoù teknikel n'eus ket bet ag ar c'heleier barzh an abadenn-mañ, ha chanchet eo bet un tammig an urzh!
Klevet vez ar lodenn gentan ag un atersadenn get ar strollad Tanork, graet get Gregory a Radio Balises. Ar bare metal-mañ zo e-touesk an anvioù kentañ embannet aveid GBB ar ble-mañ.
Hanterenn gentañ ur gronikenn Barzaz vo klevet ivez, a-ziar ar romant A-drek kerreg Tevrieg get Hervé Sébille-Kernaudour. Ur romant aveid ar grennarded an hani eo.
C'hwi gavey en-dro Kristian ar Braz doc'h mikro Yann Boishardy e Pennad-kaoz ar sizhun, ha doere personel zo get ho animatour ag an devezh ivez: Neshka a vo adalek bremañ Emrys, ker emañ-eñ é ober transition jener!

Didier Dreo, gitarour ha kaner anezhañ, evit ur rakres nevez «Kanaouennoù ba tal ar bern foenn». Istorioù deus an amzer gwechall kontet gant e familh.
Pennad kaoz ar sizhun : div lodenn gant Kristian Braz diwar-benn e darempredoù gant ar brezhoneg hag ar broioù e lec'h ma en doa bevet.
Keleier ar vro : Metig Jakez-Vargas
Teknik : mersi bras da Sahel Frangeul !
Buheziñ : Yann Boishardy

Enez Berder zo ur gaer a enezenn e kumun Larmor-Baden er Mod-Bihan. Bepred o deus bet plijadur an dud da vonet da vale du-hont, aveit profitiñ ag an natur hag ar glad. Mes petra zo arriv ? Prenet an enezenn get ar strollad Giboire abenn sevel ur leti chik ha cheuc'h ha betonsiñ an enezenn abenn krouiñ ur pezh parkva. N'eo ket bet a-du get kement-se tud ar vro, ha ind da stourm a-enep ar raktres. Gounezet o deus er lez-varn, mes n'eo ket achu ar stourm... Ha bremañ eo daet er-maez ur livr leun a raktresoù aveid kroeiñ un dazonet d'an enezenn lec'h ma c'helley rac'h an dud tenniñ splet anezhi, en ur mod holldegemerus ha padus.
Emrys a Radio Bro Gwened en deus komzet get Brendan Budok ag ar stourm, ar livr, ha liammoù personnel Brendan get an enezenn.

Pennad kaoz ar sizhun gant Kristian Braz, skrivagner, troer, paotr ar radio...a gont e vugaleaj er Fouilhez. Penaos oa ar vuhez eno evit ur bugel e-kreizh ar c’hantved tremenet ?
Ha penaos eo ar vuhez e Kreizh-Breizh evit an estranjourien.rezed ? Petra ar ra ar C’HADA, ar Greizenn Degemer Evit Goulennerien Bod evit sikour anezhe ? Rsspontoù gant Azélice Kras a labour evit ar C'HADA e Rostren.
Georges Courtois, un den en doa graet ur skrapadenn ostaj e Palez Justis Naoned e 1985. Setu ur pennad kinniget gant ar gelaouenn Bretons ha Maïwenn Raynaudon, penn-redaktourez anezhi.
Keleier ar vro : Aodren Trehin
Teknik an abadenn : Sahel Frangeul
Buheziñ : Yann Boishardy

Kristian Rivoalen a ginnigur sonadeg aozet gantañ ha gant arzourien.ezed all tro dro kanaouennoù Nedeleg e brezhoneg a vo d'an 28 aviz Kerdu en iliz chapistr Rostren.
Jean-Alain Thomas a lak ar gaoz diwar-benn ar yezhoù e Aljeri hag e bro Togo e lec’h en doa bevet pa oa yaouank.
Ha deus ar vroadelourien vreizhat eo anv gant Maïwenn Raynaudon, penn- redaktourez ar gelaouenn Bretons.
Keleier ar vro : Anton Burel
Buheziñ ha teknik : Yann Boishardy