Faltazi radio
Arvorig FM
An hini a ganne e-pad an noz
Faltazi radio – kempennet gant skolajidi ar pempet klas, skolaj Diwan Penn-ar-Bed
An hini a ganne e-pad an noz
N’eus fin ebet da zevezh labour Fanta Lezoualc’h. N’eo ket trawalc’h dezhi labourat war an deiz, ret mat dezhi mont diouzh noz da gannañ dilhad he gwaz hag he daou vugel. Gant piv en em gavo er poull-kannñ e-kreiz an noz ?
Diwar ur vojenn dastumet gant Anatol ar Braz, er bloavezh 1890 e Plougastell-Daoulaz.
Tro Gwilherm Postig
Faltazi radio – kempennet gant skolajidi ar pempet klas, skolaj Diwan Penn-ar-Bed
Tro Gwilherm Postig
N’eo ket buhez eeun a ren Gwilherm Postig. Ouzhpenn ur si a zo dezhañ. Ha karout a ra an den e vanne. Betek re. Pa ‘ra e soñj distreiñ d’ar gêr goude straniñ en ostaleri, n’eo ket an hent bras a choazo Gwilherm. Dre ar wenojenn e yaio, a-dreuz parkoù, ha dre greiz koadoù, da hanternoz…
Diwar un istor skrivet gant Emil Souetr, embannet e 1844, troidigezh gant Herve Seubil-Gernodour.
An Ankoù pedet d’ar friko
Faltazi radio – kempennet gant skolajidi ar pempet klas, skolaj Diwan Penn-ar-Bed
An Ankoù pedet d’ar friko
Lazhet eo bet ar gwellañ porc’hell a oa ti Laou ar Braz. Piv ‘ta, nemet Laou ar Braz, en dije kredet pediñ kement-se a dud d’e friko. An holl dud vev er barrez. Hag unan ouzhpenn zoken.
Diwar ur vojenn dastumet gant Anatol ar Braz, e Kemper er bloavezh 1891,
gant Koad.
Bizoù ar c’habiten
Faltazi radio – kempennet gant skolajidi ar pempet klas, skolaj Diwan Penn-ar-Bed
Bizoù ar c’habiten
Klevet he deus Mona Parantoen he mamm-gozh o kontañ istor ar peñse a oa bet pell zo er vro, e Bugelez. An dek korf marv a oa bet kaset war an traezh gant ar mor ha douaret en aod. Ur pikol gwalenn aour a oa war viz ar c’habiten. Ur bizoù brav e vefe, evit ur plac’h yaouank evel Mona...
Diwar ur vojenn dastumet gant Anatol ar Braz, e Perwenan er bloavezh 1881, gant Soaz Tomaz, devezhierez.