Trouz er gêr

Peñse an Hilda 'zo un darvoud skrijus , c'hoarvezet pell zo ha chomet 'barzh memor ar vro. Er bloavezh 1905 'oa aet an Hilda d'ar strad, ul lestr bras a Vro Zaoz , a rea monedoneoù etre Breizh- Veur ha Sant Malo. E-touez ar veajourien 'oa kalz a werzherien ognon a Vro-Leon o tizreiñ eus o hanter vloavezhiad chinañ. Bez 'oa d'an nebeutañ 150 den 'bourzh ar vatimant ha 6 den hepken 'zo bet saveteet , en o zouez 5 Johni.
Ur pennad-kaoz gant François Seite ha Jean-Marie Balanant.
Gant Karolina.

Seniñ a raio an triad Devojke e Landevenneg disul. Agnès Dauneau a gonto deomp penaos eo bet savet ar strollad-se a gan kanaouennoù eus ar Balkanioù.
Kampionad ar bagadoù kentañ hag eil rummad a vo dalc'het e-pad an dibenn-sizhun e Sant Brieg. Erwan Blanchard en deus heuliet pleustradeg bagad Landerne a gemero perzh e eil rummad ar c'hampionad. Klevet e vo Mael Thomas, penn-soner ar strollad ha Liam Dlugy-Belmont a son ar biniou bras.
Embannet eo an abadenn gant Maëlys Poublanc

An eil abadenn diwar-benn "Bleunioù Sivi" gant Anne-Marie Soubigou hag Elisa Douillard.
Gant Karolina.

Bleunioù Sivi a zo ur c'helc'h keltiek anavezet mat o dilhadoù livioù flamm dezho! Ganto 'vo lidet er bloaz-mañ o fevar ha pevar-ugent bloaz hag abadennoù a vo e Plougastell da lidañ kement-mañ!
Klevet 'vo Anne-Marie Soubigou , gwrierez er c'helc'h hag Elisa Douillard, dañserez.
En abadenn ivez "Alc’hwezioù Brezhoneg" gant Mikael Madeg hag "Emgann Kergidu" gant Dominique Thepaut.
Gant Karolina.

Ar bloaz-mañ e lido Gwarez filmoù Breizh e 40 vloaz. Mevena Guillouzic-Gouret a zo karget gant an talvoudekaat enlinenn hag ar raktresoù e brezhoneg a gonto istor ar gevredigezh deomp. Abadennoù a vo kinniget da geñver an deiz-ha-bloaz-se.
Embannet eo an abadenn gant Maëlys Poublanc

O paouez bezañ embannet emañ al levr "Le K barré, lettre interdite" gant an ti-embann Locus Solus. Ul labour enklask kaset a-benn gant Jaques André, arbenniget war al lizherennañ ha gant Yann Riou en doa skrivet ur pennad gouestlet d'ar sujed-se en doa graet perzh e 1992 dija. En abadenn-mañ e kinnigo Yann Riou istor al lizherenn Ꝃ ha penaos eo bet difennet da skrivañ anezhi ouzh paperioù ofisiel.
Embannet eo an abadenn-mañ gant Maëlys Poublanc

Betek d'an 8 a viz Meurzh e vo diskouezet "Une belle grève de femmes" e Landerne. Savet eo bet an diskouezadeg-se gant Institud an istor sokial (IHS-CGT) da geñver 100 vloaz harz-labour ar micherourezed e Douarnenez. Mael Tomaz eus Strollad al Loar ruz a ginnigo an diskouezadeg deomp.
Mikeal Konk eus ar gevredigezh Brezhoneg e bro an aberioù a lakao ar gaoz war ar brezegenn a vo dalc'het warc'hoazh gant Rozenn Vilin e Plougin da geñver mizvezh ar brezhoneg.
Embannet eo an abadenn gant Maëlys Poublanc.

Deomp da bourmen war roudoù hent an daou Eskob e Penn ar C'hrann. Ur bourmenadenn aozet gant tud Ti ar Vro Landerne-Daoulaz 'teid kanol ar Morbig .
Klozet 'vo an abadenn gant "Emgann Kergiduu" kinniget gant Dominique Thepaut.
Gant Karolina.

Un tamm pennad-kaoz gant ar skrivagnerez Laurence Lavrand diwar-benn he romant embannet gant al Liamm "Berr he botez" hag ivez he levr a vo embannet dizale gant Lennomp " Gwalleurioù un debrerez linad".
Gant Karolina.

Da geñver 60 vloaz ar strollad "Ar vro Bagan" en doa kinniget ar c'helenner Erwan Hupel ur brezegenn diwar-benn istor ar c'hoariva e brezhoneg. Enrollet e oa bet e mediaoueg Blougerne d'ar 24 a viz Genver 2026.