Trouz er gêr

E miz Kerzu 2024 e oa bet dalc'het un atalier e brezhoneg diwar-benn ar goañv gant Mireille Arnouat e Ti ar re gozh Lanneur. An annezidi o doa komzet eus :
- ar goañvoù yen-sklas e 1950, 1956 ha 1962
- poazhañ boued d'al loened
- troc'hañ koad d'ober tan
- ober skubellennoù ha paneroù e-korn an oaled
Kaset eo an abadenn gant Maëlys Poublanc

Ar bloaz-mañ e vo eus ar Breiztival evit an 18vet gwech gant ar c'hoant lakaat ar brezhoneg ha sevenadur Breizh da vevañ e Bro Landivizio.
An teatr brezhoneg a zo e-kreiz ar festival. Daou bezh c'hoari farsus a vo kinniget gant tud "Strollad Bro-Landi", da lavaret eo Roger ha Jeanne Pikart, Lisette hag Ifig Jezekel, Kristian Kouls, Claude Leon ha Kristiane Pikart.
En abadenn hiziv 'vo klevet program ar festival hag ivez daou bezh-c’hoariva: "An daou lapous" hag "Un devezh glav".
Gant Karolina

Komañset vo an abadenn gant gerioù ar sex kinniget gant Mikeal Madek.
Goude-se ez aimp pelloc'h barzh ar gaozeadenn gant Leandre Mandard war an adlodennan. Danvez bandenn-dreset "Champs de bataille".
Hag e vo echuet gant istorioù farsus Yann Bijer war dem ar bizhoni.
Gant Karolina.

Muioc'h muiañ a dud, a gevredigezhioù hag a embregerezhioù a zilez o c'hont X abaoe m'eo bet prenet ar rouedad sokial Twitter gant ar miliarder Elon Musk e 2022. Adalek ar poent-se eo aet war feulsaat an darempredoù hag ar "fake news" war ar rouedad-se. Yann-Vari ar Brusk ha Clyde Dlugy-Belmont, daou implijer bet eus X o deus displeget da Erwan Blanchard perak o deus choazet kuitaat pe bellaat eus ar rouedad sokial-se.
Embannet eo an abadenn gant Maëlys Poublanc.

Digoret' vo an abadenn gant "Froudennoù Jil" ha goude-se 'vo roet ar gaoz da Leandre Mandard. Gantan 'vo kinniget ar BD enklask "Champs de bataille, l'histoire enfouie du remembrement"savet gant Inès Léraud ha Peter Van Hove. Leandre a zo bet kuzulier istorel evit ar raktres-se hag a zo eñ o sevel un dezenn war dem an adlodennañ.
Klozet 'vo gant ul lavarenn displeget gant Dominik Thepaut "Leh ma weler tud o tremen, e tle beza hent pe wenojenn".
Gant Karolina.

Mireille Arnouat a gas an atalieroù e brezhoneg e ti ar re gozh Lanneur a ginnigo ur bilañs eus an abadennoù he doa dalc'het eno e 2024. E eil lodenn an abadenn e vo klevet lodennoù eus an atalier diwar-benn ar bloavezhioù 70. Enrollet e oa bet ar gaozeadenn-se e miz Du.
Kaset eo an abadenn gant Maëlys Poublanc.
Poltred an abadenn : G. Roblin

Kendalc'het vo da ober anv gant Marion Gwenn ha Gégé Gwenn eus "Pilhoù", pladenn gentañ ar strollad Kaolila.
Klozet 'vo an abadenn gant istorioù Yann Bijer.
Gant Karolina

Pladenn gentañ strollad Kaolila a zo "Pilhoù". Ur strollad gant kanerezed ha sonerien tan hag imor enno!
Muioc'h vo klevet gant Marion Gwenn a zo kanerez er strollad abaoe ar penn kentañ, ha gant he zad ivez a gustum skrivañ kanaouennoù evito.
Klozet 'vo an abadenn gant Mikeal Madeg ha gerioù ar sex.
Gant Karolina

Koumoul a zo un heuliad sevenet gant Loig ar Moign ha produet gant Tita Productions & France 3.
Emañ ar marv e-kreiz an afer! Hag ur sell flemmus war ar gevredigezh a-vremañ....ha fent du!
Muioc'h a vo klevet gant Loig ar Moign, Yann-Edern Jourdan, Loeiza Beauvir ha Chan Prouf, bet enrollet 'kerzh devezh filmañ diwezhañ e studio Streat ar Skol Sant Kadou.
Ha gerioù ar sex 5 da gaout fin an abadenn!
Gant Karolina

Tour-tan a zo pladenn nevesañ Noah Roudaut, ur bladenn gouestlet d an handpann ha d'ar beatbox.
Noah a gemer perzh ivez barzh troiad Nedeleg "Brennig Productions".
Displegadennoù gant Noah ha Jean-Luc Roudaut.
Klozet 'vo an abadenn gant ur c'hrenn-lavar displeget gant Domnique Thepaut : "Ober kalz a deil gant nebeud a houzer"
Gant Karolina.