Trouz er gêr

Disul e embanno ar gevredigezh Ijin ha spered ar vro "Le filet noué et brodé a sa maison : Ti ar Roued Brodet e Plouenan". Yvonne Olivier he deus skrivet pennadoù eus al levr-se. Displegañ a raio deomp perak e felle da izili ar gevredigezh kinnig al labour graet ganto evit gwareziñ ar roued skoulmet ha brodet abaoe 2006.
Embannet eo an abadenn gant Maëlys Poublanc

Un tamm tro e tiegezh an Droellok e Ploñger, bro Lokournan, da vont da heul skolajidi Kerallan Plouzane.
Heñchet gant Martine ar Gall eo bet displeget dezho peseurt legumaj 'vez gounezet en Droellok gant Juliette ha Nicolas, daou labourer-douar yaouank a labour en ur mod biologel ha gant sikour azened.

- Mathieu Herry, prezidant ar Randorade a ginnigo programm an darvoud a vo dalc'het disul e bro Brest.
- Deiziataer ar festoù-noz
Kinniget eo an abadenn gant Maëlys Poublanc

Ha mont a ra war-raok raktres Kristen ar Gars hag ha gwaz Gustav Canales. Bet lakaet e-pleustr ganto war un dachenn vihan e Plouneour-Brignogan un teknik soñjet gant Ernest Götsch hag ez eo ar syntropie.
Displegadennoù 'vo roet ivez gant Kristen diwar-benn ar ZAN, zero artificialisation nette.
Hag ivez en abadenn , "Alc’hwezioù brezhoneg" hag un dro-lavar gant Dominique Thépaut " Oc'h ober e dalaroù emañ".
Gant Karolina.

Levraouegerez eo Morgane Le Coz e kreizenn an enklaskoù breizhek ha keltiek (CRBC) e Brest. Ul lodenn eus he labour zo renabliñ ha gwareziñ levrioù kozh foñs Miorcec de Kerdanet, ur familh eus Lesneven he deus prestet he levraoueg hag he dielloù d'ar CRBC. Un digarez da lakaat ar gaoz war ur vicher ha n'eo ket gwall anavezet.
Embannet eo an abadenn gant Maëlys Poublanc.

"Mamm Douar, Patcha mama" setu anv raktres hag ivez huñvre Kristen ar Gars hag he gwaz Gustavo Canales. Krouet ganto, war un dachenn vihan e Plouneour-Brignogan, ur forestik syntropik, gant gwez ha plant a bep seurt. A zeuo da vezañ sur, a -benn un nebeud bloavezhioù ur c'hoad bras, fonnus ha stank.
Un huñvre rannet ivez gant annezidi ar barrez ha larkoc'h.
Hag ivez en abadenn "Froudennoù Jil" ha "Liorzh Marzhus Ildut".
Gant Karolina

E-pad an dibenn-sizhun e vo dalc'het "Festival ar violoñsoù" e Plouneour-Menez. Solenn Lesuef eus ar gevredigezh "La Vache luthière" a aoz ar festival a vo dre bellgomz evit kinnig programm ar gouel.
En abadenn-mañ e vo lakaet ar gaoz war ar c'h"Karaoke social club" hag a sono e Brest hag e Kemper e-pad an dibenn-sizhun ivez. Da glozañ e vo taolet ur sell ouzh deiziataer ar festoù-noz.
Kinniget eo an abadenn gant Maëlys Poublanc

D'an 9 a viz Even e vo skignet evit ar wech kentañ ar film Karantez Vamm da geñver ar "Queer Brest Fest" e Brest. Justine Morvan, sevenourez an teulfilm-se, a zisplego deomp penaos he deus heuliet Lizig ha Rozenn, mammoù Riwal, war o hent kaout un eil bugel.
Embannet eo an abadenn gant Maëlys Poublanc

An eil abadenn gouestlet da brezegenn Klariz Bailleul kinniget da boent "Eus an deñvalijenn d'ar sklêrijenn". Setu an tem: " Tristan Corbière hag an albom Louis Noir. Ha kuzhet 'vije ar brezhoneg en oberenn-se?".
Hag ivez en abadenn, "Alchezhioù brezhoneg" , ur c'hastad gerioù gant Mikeal Madeg diwar-benn an amzer.
Gant Karolina.

E deiziataer an dibenn-sizhun e reomp anv eus ar "Fest'Yves" a vo dalc'het disul e Brest. Perynn Bleunven hag Elise Desbordes eus an daouad Emezi a embanno o fladenn nevez e memes koulz. Kaozeal a raint eus klipoù an daou don o deus lakaet en-linenn war o chadenn Youtube dija. Da heul e kinnigo Morwenn Le Normand istor ar strollad Blue Glaz a sono evit ar wech kentañ e Bro-Leon an devezh-se.
Embannet eo an abadenn gant Maëlys Poublanc