Trouz er gêr

Elen Kariou zo a-youl vat gant ar gevredigezh "Karreg Hir" he doa savet "ekomirdi ar vezhinerien" daou-ugent vloaz zo. Dastumadegoù an ekomirdi zo bet dalc'het ha kinniget gant un doare nevez er greizenn skiantel ha sevenadurel Algae digor abaoe miz Gouere e Plougerne. Ur plas bras zo roet d'ar brezhoneg eno.
Muioc'h a ditouroù aze : [www.algae.bzh] (http://www.algae.bzh)
Embannet eo an abadenn-mañ gant Maëlys Poublanc

Akira Peters zo ur skiantour arbenniget war ar bezhin. Labouret en doa e kreizenn viologel Rosko. Displegañ a raio da Erwan Blanchard peseurt efedoù zo war ar bezhin abalamour da cheñchamantoù an hin.

Lakaat war-wel sonerezh Breizh e meur a vro 'zo bet great gant sonerien ha sonerezed Bagad Plougastell 'pad an hañv. Tud o chupennoù gwer 'zo bet o tiskouez o ampartiz e Glasgow, Strakonice ha Taipei da geñver kenstrivadegoù ha festivalioù.
Hiroc'h 'vo klevet gant Loeiza Galeron ha Talwyn Baudu.

Daou atalier kaset gant Mireille Arnouat hag enrollet e ti ar re gozh Lanneur a vo da glevet en abadenn-mañ. An hini kentañ a oa diwar-benn ar c'hezeg hag egile a oa gouestlet d'an dornañ. Enrollet e oant bet e miz Ebrel hag e miz Even.

Iryna Novokhatska ha Lana Udod o deus savet ar gevredigezh "Tanok" a sav arvestoù dañsoù bro Ukren e Brest. An div zo repuadezed eus ar brezel. Iryna a oa saverez korollerezh a-vicher ha Lana a rene raktresoù e bro Ukren. Asambles o deus savet arvestoù ha kentelioù dañs evit en em skoazell, dastum arc'hant evit o bro ha kinnig o sevenadur d'ar Vreizhiz. Warlene e oa aet daveto Nolwenn Pellard he doa desket dañsoù bro Ukren ganto ha kelennet he doa dañsoù Breizh dezho ivez.
Troet eo bet ar pennad-kaoz-se eus an ukraineg d'ar brezhoneg gant Pauline Daniel.
Embannet eo an abadenn-mañ gant Maëlys Poublanc

Elouan ar C'houlz ha Julien Danielo a sone disadorn e Plistin gant an triad Zoñj da geñver ur fest-noz. Un digarez da lakaat ar gaoz war bladenn nevez ar strollad, "Koar", gant ar soner violoñs hag ar soner akordeoñs.
Embannet eo an abadenn-mañ gant Maëlys Poublanc

Eil lodenn ar brezegenn gant Ken George, stourmer evit ar c'herneveureg.
Gant Karolina.

Da geñver "Gorsedd Vreizh Digor" oa bet 'pad an hañv e Lesneven 'oa bet ur brezegenn gant Ken George, a zo moroniour, yezhonour ha barzh ezel eus Gorseth Kernow.
Kalzig a levrioù 'zo bet skrivet gantañ diwar-benn ar yezhoniek keltiek ha geriadurioù kerneveurek ivez.
Setu tem e brezegenn: Azginivelezh ar c'herneveurek.
Gant Karolina

Anaelle Kalloc'h, renerez ekomirdi departamantel Menez-Are a ginnigo programm devezhioù ar glad e milinoù Kerouad e Kommanna.
Justine Morvan a sono gant he strollad nevez "Cheval Jospin" da geñver an abadenn "Soirée du matrimoine" er Garen e Brest disadorn.
Embannet eo an abadenn-mañ gant Maëlys Poublanc

Jeanne Megly zo teknikourez-diellourez. Ar bloaz-mañ he deus labouret war zielloù-son ar radio "Radio Animation Pêche" a skigne abadennoù war-vor er bloavezhioù 70-90. Dalc'het eo an dastumad-se gant Kreizenn an enklaskoù breizhek ha keltiek (CRBC) e Brest. Jeanne Megly he deus niverelaet ar bandennoù-son e Gwarez filmoù Breizh el lec'h ma'z eus mekanikoù arbennik.
Evit gouzout hiroc'h : [https://www.univ-brest.fr/crbc-bibliotheque/fr/ouvrage/fonds-radio-animation-peche] (https://www.univ-brest.fr/crbc-bibliotheque/fr/ouvrage/fonds-radio-animation-peche)
Embannet eo an abadenn-mañ gant Maëlys Poublanc