Trouz er gêr
Arvorig FM
A corps heureux gant Helene Conan.
Nevez en em lakaet war ar vicher yogathérapeute eo Helene Conan. Penaos ober evit adkavout ar sioulder, ar fiziañs ennomp ha bezañ mat er c'horf hag er spered? Dre ar yoga hag ar yogathérapie marteze. Ar yogathérapie a c'hell ivez skoazellañ klañvourien, sikour anezho da harpañ aesoc'h dre o c'hleñved, da zisteraat efedoù kleñved ha louzeier.
Gant Karolina.
Kenliorzhañ e Logonna.
Hiziv emaomp e Logonna gant Gwenole Korneg ha Tristan Kerdraon. Un tamm douar o deus er barrez hag ez eus bet savet c'hoant enno ober ul liorzh hag a vo labouret gant tud all. Digor eo an abadenn d'an holl dud a fello tostaat , digor da gement den no c'hoant mont da liorzhañ ganto. Dre ma z'aio an traoù war-raok 'vo gwelet ganto piv 'deuio ha petra da ober ouzhpenn liorzhañ. An neb a garo a c'hello kinnig tra pe dra, soñjoù a bep seurt evit plijout d an holl.
Evit gouzout hiroc'h [gwaloe29@hotmail.com] (mailto:gwaloe29@hotmail.com)
Gant Karolina.
War roudoù Prosper Proux ha Charlez Rolland 2.
Greomp ton adarre da barrez Gwerliskin. Gwerliskin, bro ar c'hanaouennoù hag ar barzhonegoù! Fañch an Uhel hag Anatole ar Braz 'oa bet betek Gwerliskin evit klevet ha dastum kanaouennoù digant tud ar barrez. Kendalc'homp gant ar bourmenadenn da zispenn roudoù Prosper Proux ha Charlez Rolland da heul Jean Pierre Quere ha Sylvain ar Rouz.
Gant Karolina
War roudoù Prosper Proux ha Charlez Rolland 1.
Da vare 50 vet bloaz ar pezh 'zo anvet "Les petites cités de caractères" oa bet kinniget gant parrez Gwerliskin un abadenn anvet "Dimanche de caractère" war-dro tud Gwerliskin. Un digarez oa da reiñ ton d'ar brezhoneg, da sevenadur Breizh, da c'hlad ar barrez hag ivez da enoriñ daou varzh, Prosper Proux ha Charlez Rolland, chomet 'barzh memor Gwerliskiniz.
Ur valeadenn gant Sylvain le Roux ha Jean-Pierre Quere, kanerien festoù-noz o daou.
Gant Karolina.
MEAD, ur savenn nevez evit prizañ an IAoù e brezhoneg hag e kembraeg
Ar sizhun dremenet e oa bodet e Plouzane skipailhoù ar raktres B-Monde/Agyle Cymru a labour war un ostilh prizañ an naouegezhioù artifisiel (IA) e kembraeg hag e brezhoneg. Ar yezhoniourez Mélanie Jouitteau a labour war ar savenn-se a vez graet MEAD anezhi.
Embannet eo an abadenn-mañ gant Maëlys Poublanc
Devezh ar brezhoneg e Plougastell 2.
Hag e kendalc'homp ganti!
Gant Gaelle Kervella skolaerez e Diwan Brest, Mathieu Gwern eus "Krank Du", Trifina Baudu eus "Sked", Loeiza eus Skolaj Diwan ar Releg, Anjela Stefan kelennerez e lise Diwan Karaez, ha liseidi Karaez aozet ganto an atalier "1,2,3 C'hoari!".
Gant Karolina.
Devezh ar brezhoneg e Plougastell 1.
Devezh ar brezhoneg a zo bet e miz Meurzh, gant Kuzul Departamant Penn-ar-Bed. An abadenn a zo bet kenaozet gant Sked. Kinniget ez 'eus bet d'ar yaouankizoù ar vro d'en em gavout asambles evit reiñ ton d'ar brezhoneg ha broudañ ar skolidi da genderc'hel gant ar yezh er skolajoù. Da zudiañ an holl ez eus bet kinniget atalieroù a bep seurt.
Klevet 'vo : Ronan eus Sked, gant an atalier c'hoarioù koad, Fionat Perret eus "Le cirque à Leon", Joelle Perrot eus "Amnesty Etrevroadel", Tangi Daniel eus "Dizale", hag Erell Coupier, e-karg eus ar brezhoneg en Departamant.
Gant Karolina.
An daouad sonerezh Luarka
Nevez flamm eo an daouad Luarka. Seniñ a raio Paul Le Moigne ha Benjamin Toupin e Montroulez disadorn hag e Sant Segal disul. Benjamin a son akordeoñs a zisplego deomp penaos eo deuet ar soñj d'an daou vignon sevel un daouad sonerezh hengounel Breizh pa oant o veajiñ e Bro-Spagn.
Embannet eo an abadenn gant Maëlys Poublanc
Petra eo bezañ DYS?
En abadenn emaomp hiziv gant Kristel Chevalier a zo psikologourez. Anv 'vo ganti eus ar c'hudennoù DYS a zo e-touez kement tra 'zo TND (troubles neurodéveloppementaux). Displeget 'vo ganti gant peseurt DYSoù e c'hell a re yaouank bezañ tapet rak estreget unan a zo. Hag hervez an DYS ez eus diaesterioù disheñvel diouzh ar vugale. Ganti 'vo lavaret petra 'zo kaoz d an DYSoù, penaos ober evit deskiñ bevañ gant seurt kudennoù ha dreist-holl dont a-benn da vont dreist ar skoilhoù-se diwar-goust o skol. Kristel a zo bet gopret gant Diwan ha Kelenn evit kinnig stummadurioù d'an danvez skolaerien ha skolaerezed, stummadurioù war-zu ar bsikologiezh hag ar bedagogiezh evit sikour anezho da ober gant bugale dreistordinal.
Da gaout ivez en abadenn: testeni Lomig, skolajiad anezhañ ha tapet gant meur a z/DYS.
Gant Karolina.
Strollad kaozeadennoù Kastell-Paol.
Bep eil Gwener e en emgav tud strollad Kastell-Paol e Ti Kastelliz. Mont a ra tud a bep seurt: lod a oar kaozeal brezhoneg mat dija, lod all a zo o teskiñ, ha bep taol bodadennoù er mod-se zo un digarez da gaout ur prantad amzer blijadurus ma vez marvailhoù a-vil-vern.
An abadennoù-se zo aozet gant kevredigezh "Accueil du Haut-Leon"