Trouz er gêr

An eil abadenn gant Typhaine Corre.

Ul leurenn gouestlet da sonerezh Breizh ha da sonerezh Bro-Iwerzhon a vo kinniget da geñver gouel ar sonerezh e Brest. Aozet eo gant Sked ha Kreizenn an arzoù pobl. Trifina Baudu, kenurzhierez Sked, a embanno ar programm.
"Douartolod" arvest nevez Louis-Jacques Suignard a vo kinniget e Kommanna fenoz. Amañdin al Lann, prezidantez ar gevredigezh Kommannoz a aoz an darvoud a vo ganeomp.

Abaoe miz Gwengolo e labour Lisa ar Bras e saloñs tatouiñ "Lichen" e kreiz-kêr Brest. Er reportaj-se e heuilhimp an arzourez, a vez graet Turbo Trad Tattoo anezhi war ar rouedad sokial Instagram, o tatouiñ Pika gant an teknik "dorn-pik" pe "handpoke" e saozneg.
Embannet eo ar reportaj-mañ gant Maëlys Poublanc

Deomp da heuliañ tud yaouank skolioù ha skolajoù Bro Montroulez! O pourmen int bet e Lokenole e-ser tud strollad Kafe Brezhoneg Henvig, a zo bet an digarez evito da c'houzout hiroc'h diwar-benn istor ha glad ar barrez.
Gant Karolina.

Ar sell a vo lakaet an taol-mañ war an dud a vicher a zo o labour sikour bugale DYS da vont dreist d'o c'hudennoù deskiñ er skol. Kreskiñ ingalded gwirioù ha chañsoù ar vugale er skol eo just a-walc’h pal ar skolioù ebarzhus. Tri den o vo selaouet en abadenn: un ortofonourez, un Aesh(ez) skolaj hag ur c'helenner skolaj-lise. Diouzh o micher o deus ur mod disheñvel da "gompren" ar skol ebarzhus ha da lakaat an doare ober se da dalvezout. Ne vez ket anat teurel evezh ouzh ezhommoù pep den yaouank pa ouezer pegen niverus eo ar c'hlasoù skolajidi. Met daoust d'ar skoilhoù niverus a zo war o hent int youlek holl da stourm evit gwellaat "ar skol evit an holl". Sañset 'neus c'hoant ar c'houarnamant lakaat da briorite an aesaat diouzh an ampech padal ne z a ket war wellaat stad ha kondisionoù labour ar re a ra war-dro ar skolioù ebarzhus.
Gant Karolina.

E miz Meurzh eo bet skolajidi Meskoad Landerne ha skolajidi Traoñ an Elorn Sizun betek Roazhon.
Ar veajig-se, e kêrbenn Breizh, a zo bet an digarez evito da welet lec'hioù anavezet e Roazhon, da gaout prantadoù amzer plijus ha da anavezout gwelloc'h o c'hamaraded.
Gant Karolina.

Olwenn Gilbert eus skipailh aozañ ar festival "Klavieroù er menez" a ginnigo programm ar gouel a vo aozet e-pad an dibenn-sizhun e Sant Riwal.

Deomp dezhi gant an eil abadenn! Kontañ a ra liseidi Tristan Corbière deomp peurrest o beaj. Goude bezañ bet o pourmen e Bala hag er menezioù ez eont bremañ war-zu Cardiff.

Penn kentañ miz Ebrel o deus bet tro liseidi Tristan Corbière Montroulez da vont da veajiñ da Vro-Gembre. Evit kontañ o beaj deomp z 'eus bet savet un abadenn radio ganto. Selaouomp o labour!

Jañ-Luk Moal eus ar gevredigezh C'hoarioù kilhoù bro Leon a ginnigo "gouel ar c'hoarioù" a vo dalc'het disul goude-lein e Lesneven
Un taol sell ouzh deiziataer festoù-noz an dibenn-sizhun