Kreiz Mintin

Un anv farsus ewid ur benveg brav, an "dreujenn-gaol" "le tronc-de-chou" mem e lec'hioù zo e bro Gallo. N'eo ket ur legumaj met ur glarinetenn. Bep plez 'vez ur festival e Gronvel e-menn 'vez kouviet c'hoariourion treujenn-gaol a bartout. Dominique Jouve 'oa daet de gojal diàr festival er blead 1991, get Monique er Boulc'h ha Christian Duro 'oa eñ daet er blead 1999 doh mikro Germaine Chevillard. En eil lodenn ag en abadenn vo klevet Dominique Jouve en-dro ewid komz ar wezh-mañ diàr ar strollad Quintet Clarinettes hag o fladenn Bazh Du. ¸ Sonerezh : - Quintet Clarinettes : Le chien abboie et la clarinette basse - Marcel Méné - Erik Marchand & Christian Duro : Ton moldav - Quintet Clarinettes : Ton Toke - Quintet Clarinettes : Seénor Domingo

Gannet e kreiz an douar met aet pell àr ar mor, Guy Bigoin e anv, ur martelod a Vubri a gonta e Kreiz Mintin hiriv toud ar pezh neus gwelet er bed a-bezh.

Ni ya d'ober un dro a-barzh atalier Arsène Krom a Gerforn. Arsène 'oa kalvez ha eñ 'ouie toud anvioù ar benvegoù ewit labourat ar c'hoad hag en douar ivez.

Klehier Seglien 'ya da son da 11e. Ni vo ba kompagnunezh Robert Darcel, eñ 'soursie doc'h orolaj ha kloc'h bourc'h Seglien. Eñ 'gonte ur yoc'h traoù a-zivout ar barez hag ar vuhez du-se.

Marse en em choulennit pa eh oc'h o pourmen petra 'signifi anvioù ar lec'hioù e welit àr ho hent, "Ar resto", "ar poull pri" , "botquelen"Peotamant anvioù zo daet da vout dister ba galleg. Daou zen o doa skrivet levrioù a-ziàr orin anvioù lec'hioù o c'humun ha Breizh, ni 'glevo Raymond Brabant ha Michel Priziac komz a-zivout o enklaskoù.

Hiziv eh aomp da Langombrag, e kumun Landaol, da selaou doc'h Gwen ha Sylvie Huon é komz ag an ti ekolo a zo bet savet gete àr o zachenn. Get Gwen ' vo displeget deomp perak o deus graet ar choaz-se, penaos ema bet savet an ti, get pesort danvezioù... ha tout an traoù a zo da ouiet.

Ni 'ya da barez persken hiriv e kompagnuneh Marie Cano. He 'ya da gojal ag ar barrez, ar brezel hag ivez pardon Peneti. E penn en abadenn 'vo klevet Raymond Rivalain hag a oa maer Persken neuze, enrollet get Monique ar Boulc'h er blead 90. Sonerezh : Louis Guilloux : Parrez Perken Maria Hyaric : Kanenn en darbodour

Hiziv e vo komzet diàr-benn ar yezhoù keltek. Ag e-menn ema daet ar yezhoù-se ? Perak e vez graet yezhoù « keltek » anezhe ? Setu ar pezh he doa goulennet Andrea ar Gall get Serj Bozeg, a zo kelennour istoer ha brezhoneg.

Asambl eh omp durant un euriad e Gwiligouac'h, Guilligomarc'h e galleg. Ar gêr-se zo e Penn-ar-bed neoazh ar feson da gomz zo tost ag ar parlant e bro Gwened. Loeiz Konan 'noa aterset ur c'houplad, gannet ha dimizet du-se. Int 'gomz diàr-benn o bugaleaj hag ar barrez.

Dimeurzh peus klevet un abadenn a-ziàr orin ar yezhoù keltek. An eil lodenn a vo klevet hiziv. Ag e-menn ema daet ar yezhoù-se ? Meur a ipotezenn a zo bet savet, ha setu ar pezh a zo bet displeget da Andrea ar Gall get Serj Bozeg.