Kreiz Mintin

Pa yit da Gourin 'c'hellit gwelet àr ur rond-point delwenn ar Frankiz stell an hani a zo e New-York. Ur bochad bretoned zo aet d'an tu arall ag ar mor bras ewit kavet ur labour en Amerik. Mamm Lili Urvois zo unan ag ar re zo aet da New-York da c'hounit he zamm-bara ! Ni zo get Lili hiriv, e kompagnunezh Daniel ivez, un ami a Langonned !

Hag ho peus soñj ag ar wezh ketañ oc'h bet en un tren ? Odette, he deus soñj mat ! He doa gounezet ur bilhed en un tombola e Pondi ewit mont d'an Itali.En tren neuze ne oa ket elektrik, ne faote ken d'un den lakaet e benn er-maez a a-gaoz 'vehe kouziet get glaou ! Ni 'gaoja ag ar veajoù get Odette Guilloux ha Bernadette Bozec, div amiez ag Ephad ar Gemene.

Odette Guilloux ha Bernadette Bozeg a goaj deomp hiriv ag achumant ar blez met ivez achumant ar vuhez. Ur bochad traoù 'oa d'ober pa varve un den ag ar familh ! Hag an div amiez a gonta penaos ne oa ket trist berped !

Louis Poulain a soursie ag. ar roñsed ! Monique er Boulc'h doa aterset Louis er bleadoù 90 diàr-benn e vicher. André ar Meut neus kempennet ar son en-dro.

Partiet int ag ar vro met tud zo a lâr int daet en-dro, ar bleidi ! Louise Ourvois, Jude Paboul, Louis-Marie Guennic, Jean maho, Joséphine Darcel 'oe bet aterset get Monique ar Boulc'h er bleadoù 90 ewit kojal ag ar bleidi.

Ni ya da Ganada hiriv ! Gérard Bernard a Spezed a zo o chom a-c'houde 53 blez du-hont. Eñ 'oa e vakañs er Morbihan neuze eo daet d'hor studio ewit kojal ag e vuedigezh ha penaos eo daet da vont da vevañ da Laval e Québec.

Barthélemy zo a barrez Batlame. Eñ neus komañset labourat àr un ti-feurm èl charetour a-raok mont da vout jañdarm àr-lerc'h e servij en Alamagn hag an Aljeri. Ni beus kaojet ag e yaouankiz hag ar labour en un ti-feurm.

Mar welit e Montreal un oto get ur plakenn 56 àrni, ema sur-a-walc'h kani merc'h-gaer Gérard Bernard hag a voura ar Morbihan ! Gérard a zo a Spezet met bevañ a ra e Québec a-ch'oude 53 blez. E vakañs er Morbihan eo daet Gérard da studio RBG ewit kojal ag e vro !

Jean-Marie Bruchec, Marcel Guillomé, Matthieu Héno a gaoja deomp ag ar c'hoarioù breton hiriv ! Monique ar Boulc'h o doa aterset an tri er bleadoù 90 hag André Ar Meut neus kempennet ar son en-dro.

Daomp d'an Ardeven da selaou doc'h Simon Kerzerho. Getoñ e vo komzet ag ar Seizh-Sant, lec'h mand eo é chom, ag ar micherioù en deus graet, ag Enez-Groe, hag a-ziàr ar gevellerezh etre an Ardeven ha Sankt-Märgen e Bro-Alamagn. Sonerezh : José Calloc'h - buhez ar voraerion Kergozien/Durassier - kas-a-barzh Laride