Avel em fenn

Yann-Bêr Piriou, skrivagner ha bet kelenner en deus bevet e vugaleaj ha krennardiezh e Kaledonia Nevez gant e dud. Kontet en doa e 2013 da Dugdual Karluer e sell war mod bevañ an dud eno ha dreist-holl an darempredoù etre ar C'hanaki hag ar galboched. Setu lodenn gentañ un heuliad a ziskoach e sell.
Ur gronikenn gant eilveidi Lise Diwan Karaez, Inès, Solveig ha Tereza, bet oc'h atersiñ un desaverez givri e Plougastell-Daoulas.
Keleier ar vro hag ar bed gant Yuna Kojean
Eil lodenn Pennad-kaoz ar sizhun : Roiñ un eil vuhez d'an dafar d'ober àr-dro ar pouponed, setu ar pezh a vez kaset da benn get an embregerezh Ti Koantik. Ezel emañ a Chouette Coop bremañ, ur SIC a ra ar mem labour evit ar levrioù. Ur valeadenn a vo graet a-hed ar sizhun get Séverine Inkermann, e Kervigneg.

200 a dud oa deuet dirak prefeti Kemper dimeurzh da souten Matthieu Guillemot, mouezh-aotreet difennerien ospital Karaez. D’ar 14 a viz Gwengolo arlene o devoa aloubet burevioù Ajañs Rannvro ar Yec’hed e Kemper da c’houlenn-groñs e vije addigoret urjañsoù Karaez noz-ha-deiz. Jean Pirou a zo ezel deus ar CGT.
Ar gronikenn Barzhaz war al levr Ar vein war an hent, gant Magali Baron deus Kuzul ar Brezhoneg.
Keleier ar vro hag ar bed kinniget gant Metig Jakez Vargas
Lodenn diwezhañ Pennad-kaoz ar sizhun war diskouezadeg ar Roc'h Ugu : Efed

Penaos e tremen an traoù evit [Ar Redadeg] (https://www.facebook.com/ar.redadeg/photos_by) ar wezh-mañ? 5 deiz 'zo e loc'he an dud a Rosko. Arriued oant e hanternoz ar vro d'ar Meurzh 21 a viz Mae etre Dinan ha Lambal. Muioc'h a resisadurioù get Katell Grall, e burev ar Redadeg hag o labourat evit Skipailh Kreiz Ar Redadeg (SKAR).

Roiñ un eil vuhez d'an dafar d'ober àr-dro ar pouponed, setu ar pezh a vez kaset da benn get an embregerezh Ti Koantik. Ezel emañ a Chouette Coop bremañ, ur SIC a ra ar mem labour evit ar levrioù. Ur valeadenn a vo graet a-hed ar sizhun get Séverine Inkermann, e Kervigneg. An tamm kentañ da glevout tro 45' er podkast-mañ.

Adkavit ivez rubrikenn neventioù Brezhoweb get Florent Grouin a-ziàr Barzaz-Breiz labour Kervarker, en [Istor livet] (https://www.brezhoweb.bzh/Barzhaz-breizh-kervarker-skrivagner-falser_fiche_4373.html) .

[Keleier ar vro] (https://radiobreizh.bzh/programme/1) get Metig Jakez-Vargas. Avel em fenn oa kinniget dre-eeun a Bondi e studio RBG get Enora Molac.

200 a dud oa deuet dirak prefeti Kemper dimeurzh da souten Matthieu Guillemot, mouezh-aotreet difennerien ospital Karaez. Ambrouget e oa bet gant ar bobl tud betek ar c’homiserdi ma oa sañset da respont da c’houlennoù ar boliserien. Un 10 stourmer bennaket zo galvet betek an 28 a viz Mae da zont d’an archerdi. Tamallet zo dezhe bezañ bac’het tud e ti an ARS ha bezañ bet feuls eno. D’ar 14 a viz Gwengolo arlene o devoa aloubet burevioù Ajañs Rannvro ar Yec’hed e Kemper da c’houlenn-groñs e vije addigoret urjañsoù Karaez noz-ha-deiz. Un emglev oa bet sinet evit se e fin miz Here arlene met abaoe n’eo ket bet lakaet en pleustr. Sindikalourien eo ar pep brasañ eus an dud galvet da vont da di ar polis. En o-zouesk 6 den eus CGT ospital Brest-Karaez ha 3 eus ar CFDT. Ur vodadeg vras zo rakwelet dimerc’her 22 a viz Mae e Kemper pa vo goulennataet sekretourien-veur an daou sindikad er c’homiserdi. Hiroc'h gant Jean Pirou, eus CGT Karaez.

Pennad-kaoz gant Aliette Guinebaud ha Sarah Barnier, stajiadezed e Radio Kreiz Breizh

Eilveidi Lise Diwan Karaez o deus savet un nebeut kronikoù evit Radio Kreiz Breizh. Skignet 'zo bet unan dionte a oa diwar-benn ar 7 breur.
Savet eo bet an ti-embann Lennomp ur bloaz 'zo. O raktres kentañ a zo embann 4 levr, daou evit ar vugale ha daou evit ar re koshoc'h, bet skrivet gant Yann-Fañch Jacq ha Maïwenn Morvan. Ar pal eo e vefe bet rakprennet etre kant ugent ha daou c'hant ugent skouerenn deus pep levr ha moullañ anezho e miz Even.
[Maïwenn Morvan a gont hirorc'h deomp war ar gevredigezh, o fal hag al levrioù.] (https://www.radiobreizh.bzh/episode/62642)
Keleier ar vro hag ar bed gant Tomaz Laken
Trede lodenn Pennad-kaoz ar sizhun war diskouezadeg nevez ar Roc'h Ugu war ar vevliesseurted gant an heñcherez Salomé Rouaut.
Ar gronikenn 'Zhpenn ar Vretoned 'zo gant Benjamin Bouard war [ar C'hroateg e Burgenland] (https://www.radiobreizh.bzh/episode/62494)

Evit kavout diskoulmoù d'ar fed e vez moulet re a levr, dispignet kalz avenergiezh evit o werzhañ da c'houde hag implijet kalz arc'hant hag a zanvez evit o sevel eo bet krouet an ti-embann Lennomp gant Yann-Fañch Jacq ha meur a reoù all. O raktres kentañ a zo embann 4 levr, daou evit ar vugale ha daou evit ar re koshoc'h, bet skrivet gant Yann-Fañch Jacq ha Maïwenn Morvan. Ar pal eo e vefe bet rakprennet etre kant ugent ha daou c'hant ugent skouerenn deus pep levr ha moullañ anezho e miz Even.
Maïwenn Morvan a gont hirorc'h deomp war ar gevredigezh, o fal hag al levrioù.

Tomaz Laken a zo bet d'ar gwener 10 a viz Mae da welet tud strollad Mouezh Paotred Breizh a oa o lidañ o 30 vloaz. Un digarez evit komz gant Vizant Abaziou ha Yann-Ber Premel deus al lazoù-kanañ.
Keleier ar vro hag ar bed kinniget gant Metig Jakez Vargas
Ur gronikenn war ar Redadeg savet gant Maïwenn ha Gwenannig deus Lise Diwan Karaez, bet int o atersiñ Hervé Baron.

Ur c’haer a zeiz-ha-bloaz oa bet lidet e-pad « pont » hir Yaou Bask ! Hini Mouezh Paotred Breizh. 30 vloaz zo e oa bet savet al laz-kanañ gwazed. Hag ouzhpenn 400 sonadeg zo bet graet gante abaoe. Da lidañ an traoù war an ton bras e oa bet pedet 5 strollad all da gemer perzh er gouel ha da ginnig d’an dud sonadegoù betek disadorn. Ur gouel aozet gant sikour kêr Garaez ha leurenn Glenmor. Tost da gant pevar-ugent arzour zo bet o c’hoari da geñver an deiz-ha-bloaz mar plij ! Digwener 10 a viz Mae e oa bet ur sonadeg e iliz Poullaouen gant laz-kanañ Paotred Bro-Bagan ha Mouezh Paotred Breizh. Un digarez da c’houlennata kanerien eus ar strolladoù-se, Visant Abaziou ha Yann-Bêr Premel hag a zo eñ bet 20 vloaz o kanañ gant Paotred Breizh ha bet ivez e-mesk krouerien al laz-kanañ. Displeget o deus penaos e oa bet savet diwar atiz mignoned eus Bro-Gembre...

Pennad-kaoz gant Tomaz Laken

(Poltred Facebook MPB)

Diskouehadeg ar vevlisseurted er Roc'h Ugu get Salomé Rouault (eil tamm Pennad-kaoz ar sizhun) da glevout e fin an abadenn. Ur sujed get Maëlle Ausias (RKB).

Un daouad kanerezed fest-noz nevez a zo: an c'hoarezed Guelou (Awena & Klervi). Un atersadenn get Klervi Guelou e penn kommañs an abadenn. Dielloù kaset get Tomaz Laken (RKB) & foto a-gleiz get Eric Legret.

Hop Hop Hop! kronikenn Yfig Kalvez & Gwenole Ollivier (D'Istribilh) evit Arvorig FM.

Keleier ar vro get Yuna Cojean, Avel em fenn kaset dre-eeun a Bondi get Enora Molac.

Ur marc'had eo deuet de vout an c'hoari Magic. Get degadoù a viliadoù a c'hartennoù e c'heller gounid argant en ur preniñ ha gwerzhiñ ar re-se: setu ar pezh displeget get Riwan Marhic en doa krouet e chadenn [Magic Passion Carton] (https://www.youtube.com/@passioncarton) ar blez paset. Muioc'h getoñ e penn kommañs an abadenn.

EFED, em soñjal àr ar vevliesseurted a zo un diskouehadeg staliet er Roc'h Ugu. Muioc'h a-hed ar suhun mañ e kompagnunezh Salomé Rouault a zo henterez enno. Ur rubrikenn kaset get Maëlle Ausias (RKB).

Ar Redadeg a grogay a benn Digwener, loc'hiñ a ray a Blogo! Un digarez interesus evit FR3 Breizh da heuliiñ an darvoud a-hed ar sizhun, setu ar pezh a vez displeget get rener ar programoù e brezhoneg Mael Gwenneg.

En abadenn e adkavehet ivez 5vet tamm ar rubrikenn yec'hed, a-ziàr istoér ar vaksin get ar medisin-bet Alan Goulwen.

Keleier ar vro & ar bed get Erwan Blanchard, da adkavouit [AZE] (https://radiobreizh.bzh/programme/1) a-bezh. Avel em fenn oa skignet dre-eeun a Bondi ha kaset get Enora Molac.