Trouz er gêr

Klervi Rouyer ha Neven Ar Penneg eus strollad Endro zo o klask arc'hant evit sevel o fladenn. An delennerez hag ar soner gitar o deus graet un droiad gant ur vag dre lien e-pad an hañv o seniñ e porzhioù hag e tavarnioù zo.
War-lerc'h e vo klevet Maryvonne Berthou, Helle hag he mab Neven kemeret ganto perzh en ur raktres savet gant Ti ar vro Leon diwar-benn fablennoù Yann ar Feunteun war Youtube.

"Paroles de Sénans". Ul levr skrivet gant Yann Riou ha Pierre-Yves Kersulec, embannet gant Yoran Embanner.
Al levr-mañ a zo bet savet diwar pennadoù-kaoz graet gant Pierre-Yves Kersulec hag an Inizourien.
Ul levr testennoù eo, diwar-benn ar beskerezh, a lak war-wel ivez eñvorennoù ha buhezegezh tud an Enez.
Pierre-Yves Kersulec enrollet gant Karolina.

Graet e vo anaoudegezh gant Maelys Poublanc, animatourez nevez Arvorig FM. Aterset en deus Klervi Lintanf deus Ti ar Vro bro Leon. Kinniget e vo program miz Du.
E eil lodenn an abadenn : ur strollad tud Yaouank, Tanmat, bet enrollet e studio ar radio !

Un diskouezadeg gouestlet da relijionoù Afrika a zo da zizoleiñ betek an 3 a viz Kerzu e abati Daoulaz. Kinniget e vez deomp gant Elodie Simon, heñcherez.
Klevet e vo ivez Mikael Konk, kenaozer teletoñs Plougin ouzh mikro Maelys Poublanc.

Disoñjal, ur film berr e galleg hag e brezhoneg diwar-benn koll ar yezh, zo bet skignet evit ar wech kentañ e-pad festival european film berr Brest.
Klevet e vo Janig Bodioù, komedianez, ha Madeleine Guillo-Leal, saverez ha skrivagnerez ar film.
Ha war-lerc'h, ur pennad-kaoz gant Laurence Lavrand a skriv levrioù evit ar vugale hag ar grennarded, enrollet gant Hermine de Kerorguen.
Un abadenn enrollet gant Maëlys.

Evit an daou-ugentvet gwech e vo aozet "Breizh a gan" gant kevredad "Kanomp Breizh".
Daou zevezh gouestlet d'ar c'han a-gor e brezhoneg a vo displeget deomp gant Youenn Boulig ha Yann-Ber Thomin.
Kaoz 'vo ivez diwar-benn abadennoù kinniget gant ar gevredigezh "Gorre ha Goueled". C'hoariva 'vo gant strollad ar Vro Bagan (War hent Youenn Gwernig), un atalier sonerezh akordeoñs gant Hyacinthe le Henaff hag ivez un diskouezadeg gouestlet da zilhad bro Kernevodez.
Muioc'h a ditouroù gant Serj an Huede enrollet gant Karolina.

Diwar-benn un enklask kaset da benn gant Roger Bossard, Guy Ducellier ha Paul Mesangroas evit adkavout ul laouer-vez eus ar Grenn-amzer, a oa aet diwar-wel poent bennak... A c'heller da welet hiziv an deiz 'barzh liorzh ar chapel e Lokrist, damdost ouzh Gwinevez !
Roger Bossard enrollet gant Karolina

Ar strollad Ar Vro Bagan e Plougerne n'eus kinniget e-pad ar vakañsoù ur staj C'hoariva evit ar vugale : "Ar medisin en despet dezhañ" ha "Mister Ker Ys".
En eil lodenn an abadenn : ur reportaj savet gant Hermine de Kerorguen, gant ar strollad deskidi a zesk dañsoù hengounel Breizh gant kevredigezh Setu e Brest.

Bloaz 'zo 'zo bet roet lañs gant sonerien yaouank eus Penn-ar-Bed da "Karaoké Social Club".
Klevet 'vo unan eus izili ar strollad, Justine Morvan, sonerez trombon anezhi.
Un digarez da lakaat ar gaoz war rakresoù all Justine hag a zo ivez aktourez e-mesk traoù all.
Enrollet gant Karolina.

Kevredigezh BCD (Bretagne, Culture, Diversité) kinniget gant Tudi Kernalegenn da geñver un abadenn gant" Kafe Brezhoneg ". Ur brezegenn aozet hag enrollet gant Ti ar Vro-Leon staliet e Lesneven.
Hag e vo graet anv ivez eus levrioù nevez gant an ti-embann Aber. Klevet 'vo Pierrette Kermoal ouzh mikro Marsel Modir.
Un abadenn gant Karolina