Trouz er gêr
Arvorig FM
Jañ Luk ha Job.
Ur wech ar sizhun ez a Jañ Luk Bergot da di ar gozh er Wourc'h Wenn da gaozeal gant ur strolladig tud kozh. Plijadur o devez oc'h en em gavout asambles ha marvailhat diwar-benn a bep seurt traoù. E-touez ar varvailherien emañ Josef an Habask. Gant an amzer ez eus bet skoulmet mignoniaj etre Jañ Lik ha Job. Job a zo un teod farsus a zen....tro dezho da c'hoarzhin alies. Gant Karolina.
Mirdi ar c'huzh heol
Deomp da heuliañ skolajidi Plouzane ha Lokournan 'bazh mirdi ar c'huzh heol a zo e Lokournan. E 1981 'oa bet digoret ar mirdi-mañ ru Sant Vaze hag emañ 'barzh un ti brav eus an 18 vet kantved. Ul lec'h a zere evit mirdi ar c'huzh heol ma vez lakaet war-wel ennañ glad hag istor Lokournan hag an trowardroioù. Diskouezet 'vez ivez buhez tud ar vro e penn kentañ an 20 vet kantved.
Displegadennoù gant Yann Troc'heris ha Michel an Hir.
Gant Karolina
Brienn gant Teatr Piba.
Brienn eo anv raktres nevesañ Teatr Piba, a zo diwar-benn an Aber-Ac’h hag e endro. E Kerniliz eo bet bodet izili ar gompagnunezh evit ur sizhunvezh lojadenn. An digarez eo bet evito da gas war-raok al labour klask ha skrivañ. A-benn magañ o ijin int bet o welet un dornadig tud e bro an Aberioù hag an trowardroioù: skolidi, tud a vev ha tud a labour eno. Tro eo bet dezho d'en em soñjal war ar mod da sellet ouzh an dour, pouez ar sterioù ha kanolioù er vuhez. Hiziv 'vez kaoz alies diwar-benn an dour met gant ur sell teknikel ha skiantel, kudenn an dour da evañ eo da gentañ. Hag e reer kalz anv eus kalite an dour, ar mod da entent eus outañ, hag evel-se e pellaer kenañ eus ar vuhez hag ar varzhoniezh 'zo e-barzh.
Displegadennoù gant Mona Karoff ha Tomaz Kloareg.
Gant Karolina.
GBB & Kampionad Breizh al lazoù-kanañ
Pauline Daniel a embanno programm Gouel Broadel ar brezhoneg (GBB) a vo dalc'het e-pad an dibenn-sizhun e Mellag
Sterenn ar Gall a ginnigo sketchoù fentus da geñver "GBB komedi kleub" disadorn
Youenn Boulig, kenurzhier Kanomp Breizh a raio anv eus kampionad Breizh al lazoù-kanañ a vo dalc'het d'ar Sul 5 a viz Gouere e Landerne. Ouzh mikro Pauline Daniel e vo.
Un tamm tro e skol labour-douar an Nivod gant Charlez an Dreo ha Lwig Breton
E fin o stummadur war ar brezhoneg o doa gweladennet stajidi eus Roudour skol labour-douar an Nivod e Lopereg. Heñchet e oant gant Charlez an Dreo a zo kelenner war ar brezhoneg er skolaj-lise-se. Lwig Breton, gwenaner, en doa diskouezet dezho an dilhad hag an ostilhoù a ra ganto evit ober war-dro ar gwenan ivez.
Embannet eo an abadenn-mañ gant Maëlys Poublanc
Ober dismegañs d'ar merc'hed 1
Un aken, un atoudenn, ur vleizenn, ur vuzhugenn, ur gragailherez, ur welfezenn, ur wialenn, ur ganastell, ur gegin, ur gekenn, ur gailhasenn, honnezh 'zo ur wall bezh, pebezh kastolorenn, ur wall giez, pebezh kalastrenn...
Diwar-benn ar re 'zo bragez ganto: bragez ha lostenn 'zo ganti, homañ 'zo bragez gwaz ganti, homañ zo ur chefenn, ur chefez...
Deiziataer an dibenn-sizhun
Ul leurenn gouestlet da sonerezh Breizh ha da sonerezh Bro-Iwerzhon a vo kinniget da geñver gouel ar sonerezh e Brest. Aozet eo gant Sked ha Kreizenn an arzoù pobl. Trifina Baudu, kenurzhierez Sked, a embanno ar programm.
"Douartolod" arvest nevez Louis-Jacques Suignard a vo kinniget e Kommanna fenoz. Amañdin al Lann, prezidantez ar gevredigezh Kommannoz a aoz an darvoud a vo ganeomp.
Lisa ar Bras zo tatouerez e Brest
Abaoe miz Gwengolo e labour Lisa ar Bras e saloñs tatouiñ "Lichen" e kreiz-kêr Brest. Er reportaj-se e heuilhimp an arzourez, a vez graet Turbo Trad Tattoo anezhi war ar rouedad sokial Instagram, o tatouiñ Pika gant an teknik "dorn-pik" pe "handpoke" e saozneg.
Embannet eo ar reportaj-mañ gant Maëlys Poublanc