Trouz er gêr

Michel Le Guern zo genidik eus Landelo. O chom emañ e Bro-Wened bremañ. Choazet en doa Michel da beurzeskiñ brezhoneg e Kamp etrekeltiek ar vrezhonegerien (KEAV) e Montroulez ar bloaz-mañ. Yann-Fañch Kerneis en doa kinniget dezhañ kontañ un tammig eus e vuhez deomp.

An eil abadenn gant Typhaine Corre.

Setu levr nevesañ Herve Lossec, embannet gant Skol Vreizh, gant tresadennoù Nono!

Daou sujed a z aio da ober korf an abadenn-mañ. Anv 'vo da gentañ eus ur staj c'hoariva gant Strollad ar Vro Bagan. Gant sikour Anna Morvan ha Tiphaine Corre o deus bet tro ar vugale da bleustriñ war daou bezh-c’hoari: Kan ar mor hag ur maner da werzhañ.
Goude-se e vo klevet an abadennig radio bet savet gant stajidi KEAV.
Gant Karolina.

Ur wech ar sizhun ez a Jañ Luk Bergot da di ar gozh er Wourc'h Wenn da gaozeal gant ur strolladig tud kozh. Plijadur o devez oc'h en em gavout asambles ha marvailhat diwar-benn a bep seurt traoù. E-touez ar varvailherien emañ Josef an Habask. Gant an amzer ez eus bet skoulmet mignoniaj etre Jañ Lik ha Job. Job a zo un teod farsus a zen....tro dezho da c'hoarzhin alies. Gant Karolina.

"Kêr Anna, karantez kriz" eo roman nevesañ Goulc'han Kervella, embannet gant "Skrid". Ennañ e kont Goulc'han buhez Roman, Arvoriad yaouank emzivad. Ha buhez Roman ne vo ket didrubuilh...
Gant Karolina.

Deomp da heuliañ skolajidi Plouzane ha Lokournan 'bazh mirdi ar c'huzh heol a zo e Lokournan. E 1981 'oa bet digoret ar mirdi-mañ ru Sant Vaze hag emañ 'barzh un ti brav eus an 18 vet kantved. Ul lec'h a zere evit mirdi ar c'huzh heol ma vez lakaet war-wel ennañ glad hag istor Lokournan hag an trowardroioù. Diskouezet 'vez ivez buhez tud ar vro e penn kentañ an 20 vet kantved.
Displegadennoù gant Yann Troc'heris ha Michel an Hir.
Gant Karolina

Brienn eo anv raktres nevesañ Teatr Piba, a zo diwar-benn an Aber-Ac’h hag e endro. E Kerniliz eo bet bodet izili ar gompagnunezh evit ur sizhunvezh lojadenn. An digarez eo bet evito da gas war-raok al labour klask ha skrivañ. A-benn magañ o ijin int bet o welet un dornadig tud e bro an Aberioù hag an trowardroioù: skolidi, tud a vev ha tud a labour eno. Tro eo bet dezho d'en em soñjal war ar mod da sellet ouzh an dour, pouez ar sterioù ha kanolioù er vuhez. Hiziv 'vez kaoz alies diwar-benn an dour met gant ur sell teknikel ha skiantel, kudenn an dour da evañ eo da gentañ. Hag e reer kalz anv eus kalite an dour, ar mod da entent eus outañ, hag evel-se e pellaer kenañ eus ar vuhez hag ar varzhoniezh 'zo e-barzh.
Displegadennoù gant Mona Karoff ha Tomaz Kloareg.
Gant Karolina.

Pauline Daniel a embanno programm Gouel Broadel ar brezhoneg (GBB) a vo dalc'het e-pad an dibenn-sizhun e Mellag
Sterenn ar Gall a ginnigo sketchoù fentus da geñver "GBB komedi kleub" disadorn
Youenn Boulig, kenurzhier Kanomp Breizh a raio anv eus kampionad Breizh al lazoù-kanañ a vo dalc'het d'ar Sul 5 a viz Gouere e Landerne. Ouzh mikro Pauline Daniel e vo.

E fin o stummadur war ar brezhoneg o doa gweladennet stajidi eus Roudour skol labour-douar an Nivod e Lopereg. Heñchet e oant gant Charlez an Dreo a zo kelenner war ar brezhoneg er skolaj-lise-se. Lwig Breton, gwenaner, en doa diskouezet dezho an dilhad hag an ostilhoù a ra ganto evit ober war-dro ar gwenan ivez.
Embannet eo an abadenn-mañ gant Maëlys Poublanc