Kokennig ar son

E miz Kerdu 'oamp bet da vizitañ bugale Skol Diwan Lannuon! Degemer mat-kaer 'oamp bet.
E fin an abadenn ur gontadenn, hini N'Dio, ur c’honikl bihan a blijfe dezhañ hadañ mell er savanenn...

E Kokennig ar Son evit kregiñ gant ar bloaz :
Ur valeadenn gant Valentin eus Ti ar C'hoadoù en heñchoù treuz diwar ar c'hleuzioù. Gwelet a reot eo posubl fardañ ur saladenn gant tout pezh e vez kavet war an hent!
Ur gontadenn kontet gant Gireg Konan : Ha perak en deus an avank al lost plat ??

Aï eo an nevez-hañv hag al laboused a vez o kanañ ! N'eo ket aes derc'hel deus anv pep hini, gouzout piv a gan peseurt melodi ! Setu neuze, dre zestennoù brav eston Madalen an Amour un tamm sell war al labous o kanañ en he jardin deus abred beure betek fin an deiz. Madalen a gas anomp en ur farsadenn hengounel ha graet gant bern tud e Breizh : ijinañ pezh a vez lâret etre loened.
Deuit ganimp da selaou pezh a lâr

Aï eo an nevez-hañv hag al laboused a vez o kanañ ! N'eo ket aes derc'hel deus anv pep hini, gouzout piv a gan peseurt melodi ! Setu neuze, dre zestennoù brav eston Madalen an Amour un tamm sell war al labous o kanañ en he jardin deus abred beure betek fin an deiz. Madalen a gas anomp en ur farsadenn hengounel ha graet gant bern tud e Breizh : ijinañ pezh a vez lâret etre loened.
Deuit ganimp da selaou pezh a lâr ar mouilc'hi, ar piged, ar goelaned hag ar richoned !

Hiriv e vo klevet kontadenn Mab Bro Iwerzhon. Marc'harid he deus choazet kontañ deoc'h ar gontadenn-mañ tennet deus al levr Kontadennoù Bro Skos.
Kontañ a ra istor mab Bro Iwerzhon a glask war-lerc'h ur plac'h gant blev du 'vel ar bran. Mont a ra war hentoù ar vro ha kejañ a ra gant Mab ar Bed. Goulenn a ra digantañ da eurediñ unan deus e verc'h. Ar roue a c'houlennas kalz a dra digantañ ha 'benn 'fin ar gont e tec'has kuit unan deus e verc'h gant mab roue Iwerzhon.

Gwilhom Tell a zo un istor bet skrivet e 1300 ha kontañ a ra istor Gessler a oa ur beli gwir dindan urzh ar familh Hasbourg. Er bloavezhioù-se e oa bet ur reveulzi e Helvetia, lec'h e oa staliet Gessler. Setu amañ mojenn Gwilhom Tell, an hini en doa nac'het soubliñ dirak tok Gessler hag en doa ranket tennañ ur saezh en un aval a oa bet lakaet war benn e vab, 100 metrad deusañ.
Ur marvailh helvetiat lennet amañ gant Sylvie Dunkan, kempennet gant Angels Gardella, troet e brezhoneg diwar ar c'hatalaneg gant Gwenola Ar beg-Rossinyol ha Gwenael Emelyanoffhag embannet gant An Here e 1993.

Salud deoc’h bugale, degemer mat en abadenn Kokennig ar son. Ha gwelet ho ‘p eus gleskerien pe raned, tousegi, gweronnelled ha sourded abaoe an abadenn diwezhañ ? Mintin-mañ omp gant Valentin adarre, tro-dro d’e boull-dour ! Pebezh plijadur bezañ e-touesk an divelfenneged. An divelfenneged a zo al loened a vev e div elfenn, elfenn an dour, hag elfenn an douar. Kregiñ a reont o vuhez en dour ha war-lerc’h e teuont maez da vevañ er c’hoadoù, pe un tamm en dour c’hoazh evit ar re a blij dezho neuial evel ar oueronelled.
Kendalc’het meump gant Valentin da dapout loenigoù ha da gomz diwar o fenn. Bern traoù a zo da zeskiñ war al loened gant Valentin !

Bet omp gant Valentin deus Ti ar C'hoadoù tro-dro d'ar poull-dour da sellet pizh deus an divelfenneged. Ar re se a zo ur familh gant pevar loen enni : ar sourded, ar oueronnelled, ar raned hag an tousegi. En abadenn gentañ e ouiomp hirorc'h war o doare d'ober uioù en dour, peseurt ment o deus, penaos e vevont er fin !
Deuit ganimp tro-dro d'ar poull !

Ha plij a ra deoc'h naetaat ho kroc'hen gant ur soevon ? Ha goût a rit penaos 'vez graet soevon ?
Mona Guyomard a zo farderez soevon. Bet omp o welet 'nezhi d'ober ur soevon blev ! Ha klasket meump ivez un nebeut respontoù da goulennoù an dud tro-dro deomp : penaos 'ra al loened evit bezañ propr ma ne implijont ket ar soevon ? Ha perak e vez klogorennoù gant ar soevon ?
Un tamm abadenn da selaou dindan ar strinkadenn !

Izold Guegan en deus studiet kalz ar ieroglifoù hag ar piramidennoù. Bet eo meur a wezh e meur a biramidenn ! Kontañ a ra deomp penaos eo savet, da betra servije ha ma oa ieroglifoù e-barzh.