Peoc'h ba'l loch !

Ur brassell war al lennegezh e brezhoneg betek an deiz herie renet gant Cédric Choplin, Myriam Guillevic, Tristan Loarer ha Paskal Rannou. Levr e galleg evit kement den dedennet gant ar pezh a zo bet hag a vez c'hoazh skrivet e brezhoneg...evel un akt a feiz en amzer da zont hom yezh.
Embannet gant an ti-embann [Editions des Montagnes Noires] (https://edmontagnesnoires.weebly.com/) e 2024
Abadenn enrollet e miz Kerdu 2025 gant Tomaz Laquaine-Jakez
Sonerezh
Yann-Bêr Piriou & Didier Squiban, Den ebet (Kestell traezh evit kezeg mor)
Yann-Fañch Kemener, Milc'hwid ar serr-noz
Alan Stivell, Planedenn
Brueg Gerveno, Emgann Kergidu
Tangi ar Gall-Carré & Tifenn ar C'horr, Promesaoù
Annie Ebrel, Ar barzh paour
Gilles Servat, Ar brezoneg eo ma bro
Juaneco y su Combo, El Brujo

Dédé Morin a zo anavezet evel paotr an akordeons 'ba Plouigno, ha Rolland Derrien evel hini ar c'hoariva er veilhadegoù gant Kanfarted Lanleya. O daou o deus un tamm buhez dreistordinal, gant al labour-douar, ar vro o kemm, hag ar sonerezh e-kreiz. Ur galon deus ar re vrassan o deus o daou bepred ! Dédé Morin a zo bet sorc'hennet gant an akordeon a viskoazh. Kontan a ra e vuhez 'vel paotr hanter dall, bet 'ba Naoned er skol, soutennet kalz gant e vamm, ha deuet da vezan soner a-vicher.
Leiz a istorioù frommus neuze en abadenn-man gant Rolland Derrien ha Dede Morin

Un abadenn gant Morgane Lincy Fercot. Honnezh 'zo ur plac'h yaouank, startijenn enni ha troet war ar video abaoe pell. 'Man o paouez dont maez he zeul film kentan, un documentaire anvet Championnes, war ur sujed ispisial tre : ar skipailh foot gant merc'hed kentan, bet savet gant merc'hed an uzin Chaffoteaux e Sant Brieg. Ar skipailh man an hini eo a zo deuet da vezan skipailh foot merc'hed a vicher an EAG, En avant Guingamp.
Evit eil rann an abadenn gouestlet d'ar sujed-man ez a Morgane donnoc'h war plas ar merc'hed er foot ha pezh he deus dizoloet o sevel ar film-man.

Jean-Paul Quere a zo bez-presidant ar gevredigezh Leucemie Espoir Celine ha Stephane, ur gevredigezh a sikour an dud tapet gant klenvedoù gwad hag o familh. Kavout ul lojeiz e-kichen an ospital, rein titouroù war an doare ma dremen an traoù, embann ul levr rekipeoù a galite evit an dud klanv ha chom asambles, skoaz ouzh skoaz. Un atersadenn evit kompren ivez gwelloc'h peseurt labour don a vez graet gant tout ar c'hevredigezhioù a sikour an dud klanv.

Un abadenn gant Morgane Lincy Fercot. Honnezh 'zo ur plac'h yaouank, startijenn enni ha troet war ar video abaoe pell. 'Man o paouez dont maez he zeul film kentan, un documentaire anvet Championnes, war ur sujed ispisial tre : ar skipailh foot gant merc'hed kentan, bet savet gant merc'hed an uzin Chaffoteaux e Sant Brieg. Ar skipailh man an hini eo a zo deuet da vezan skipailh foot merc'hed a vicher an EAG, En avant Guingamp.
Morgane a gonta deomp e korf div abadenn Peoc'h ba'l loch penaos eo n'em gavet da sevennin ar film man, petra he deus bet c'hoant da gontan gant ar film man, piv eo an dud bet aterset, hag ivez penaos en deus he film chenchet un tamm plas ar merc'hed o c'hoari foot e bed ar sport.

Bet omp o komz deus hentoù treuz Bro Blestin gant Michel Faour, Jean-Yves Le Coat, Pierrick Hennequin, Daniel Rolland, Henri Kerguinteuil hag Yvon Le Penven e sal Lanvaeleg.
Deuet ar c'houmoul war lerc'h oto RKB betek bourk Lanvaeleg, ha ranket meump mont da goudorin e sal ar gumun evit gellet evan banc'h kafe ha konto deus al labour er c'hoadeier ha deus ar gevredigezh Henchou don Lanvaeleg. Bec'h de'i evit un eurvezh e brezhoneg, leun a fent hag a splujo ac'hanoc'h e hentoù treuz ar vro-man.

Iwan Couée, skiantour mes ivez skrivagner, a zo o paouez embann un torkad barzhonegoù nevez anvet En Ty an Archeteclin. Un anv kevrinus evit ul levr leun a varzhonegoù skrabus ha sutil war santimantoù don hag un doare dezhañ da welet ar bed. Goude Arall, e levr barzhonegoù kentañ bet embannet e 2024, setu Iwan Couée distroet buan gant ul levr all. Evel ur galv.
Aterset eo bet dre bellgomz evit displegañ donder e labour, diskoachañ ar c'hevrinoù ha lakaat da gompren e zoare da skrivañ ha da dreiñ barzhonegoù kembraek ha spagnolek.

Yann Paranthoen, ar piker son. An anv-mañ a vez klevet muioc'h muiañ mare-mañ e Aodoù an Arvor, Yann Paranthoen a zo anavezet evel mestr ar son radio, mestr an abadennoù radio a galite uhel, gant ur sutilded na vez klevet lec'h ebet all. Yann Paranthoen a zo ganet e 1935 en Enez Veur ha marv e 2005. Daoust ma vez klevet e anv gwezh ha gwezhall eo start anavezout resis al labour en deus graet gant e abadennoù pa oa o labourat e France Culture. Un nebeut bloavezhioù 'zo eo bet asantet gant e vugale numerizañ sonioù gantañ ha tapet eo bet al labourat bras divent mañ gantar al Logelloù, staliet e Perwenan.
Savet o deus ur c'houlzad kentañ tro dro da labour son Yann Paranthoen, tri devezh darvoudoù anvet Piker Son, deus ar 15 betek an 18 a viz Genver 2026. Ha d'an 18 a viz Genver eo bet skignet ur teul-film sevenet gant Thierry Compain, anvet Yann Paranthoen, piker son, le tailleur de son. Leun chouk e oa ar C'hafe Theodore e Lokemo lec'h ma oa bet skignet ar film. Thierry Compain a zo bet tost deus Yann Paranthoen, ha gwelet 'vez mat o sellet deus e deul film en doa komprenet bern traoù war sutilded labour Paranthoen. E deul film a zo da vat un nor da zigoriñ evit bezan splujet 'ba kalite abadennoù Yann. Setu neuze un abadenn, Peoc'h ba'l Loch, gant Thierry Compain, en deus asantet, ha mersi ha gourc'hemennoù dezhan, komz deus Yann Paranthoen, ha deus an Enez Veur.

Leandre Mandard en deus renet asambles gant Pascal Ory un holloueziadur diwar-benn sevenadur ha kevredigezh Breizh Uhel. Un doare vrav ha dedennus da lakaat war wel perzhioù dibar ar vro-mañ, da c'houzout hiroc'h war istor ar vro, istor ar yezh, doare gwiskañ, keginañ, sevel tier hag all, dre sell meur a skiantourien ha skiantourezed.
Un atersadenn kaset da benn gant Tomaz Laken e miz Kerzu 2025

Hiriv en abadenn Peoc'h ba'l loch e gaozimp deus ar BBTK, ar bak micherel kentañ e brezhoneg. Ur rann gouestlet d'al labour animatour pe animatourez. Pe vefe gant ar vugale er c'hreizennoù dudi pe gant ar re gozh en EHPADoù. A viskoazh eo bet ur pal stummañ tud d'ur vicher e brezhoneg. E bed an animañ, ar vuheziñ, e oa bet digoret dija un tamm muioc'h evit ugent vloaz 'zo ar stummadur DABU, BAFA e galleg, kentañ e brezhoneg, hag ur sapre emgann e oa bet.
An hentad nevez a zo bet digoret e Lise Diwan Karaez e miz Gwengolo 2024 : Bak micherel Buheziñ Bugaleaj ha Tud Kozh. Maïna, Loeïza, Tippi, Jack, ha Zia : 6 skoliad eilvet a zo en em lañset en avañtur-se, asambles gant 8 kelenner.ez.E-pad 3 bloaz e vo heuliet kentelioù hollek gante (brezhoneg, galleg, istor douaroniezh, ekonomiezh, sport, saozneg, arzoù ha matematikoù) met ivez kentelioù micherel evit deskiñ ar vicher buhezour.ez. 14 eurvezh da bep rann, hollek ha micherel. Evit a sell ouzh ar rann vicherel e vez ur meskaj etre kentelioù teorik (metodologiezh ar sevel raktresoù, anaoudegezh er vugale, gwir al labour…), stalioù dizoleiñ teknikoù buheziñ (labour-dorn, c’hoarioù, kanaouennoù), 6 sizhunvezh staj gant bugale, ha raktresoù buheziñ (sevel ur stal margodennoù evit bugale skol Diwan Karaez da skouer, peotramant aozañ c’hoarioù evit degemer an dredeidi el lise).
Klaskomp kompren un tamm petra oe resis ar stummadur-mañ, petra a zegas d'ar re yaouank, ma oa bet ur stourm 'vit gwir evit digeriñ an hentenn ha petra zegas da bed an Deskadurezh e brezhoneg. Klevet 'vo un nebeut liseidi, Anjela Stephan ha Katell Chantreau kelennerezed ar rann BBTK.