Alc'hwezioù brezhoneg
Arvorig FM
Troioù-lavar diwar-benn an amzer 4.
Gwasket al leueoù bloaz! , al laezh a z a gant an avel, Yann Geravel en deus diliammet e sac'h, avel da zilostañ ar saout, da ziskorniañ saout (avel greñv).
Avel ar C'hanailh kozh.
Kastellet eo an avel (avel gornog).
An avel a zo e revr Chakig Maze (avel zu, avel izel).
Troioù-lavar diwar-benn an amzer 3.
Emañ pilet an avel war e revr , an avel 'zo e toull ar glav (glav da gaout).
Gouzizet emañ an avel (gant ar ster diskennet).
Arnev-vor, amzer fall 'pad daou-ugent devezh.
Alies ar rev gwenn a zeu a-raok ar glav.
Pa zeu an deñved da vezan saout ez eus glav da gaout(db ar c'houmoul).
Emañ ar gazeg c'hlas o c'hoari he fenn bihan.
Emañ ar mor o kizhiera.
Miz Mae glav bemdez zo re, ha bep eil devezh 'zo re nebeut.
Ret eo gouzañv an amzer hag an dud.
Ne c'heller ket cheñch an amzer hag ar merc'hed....
Troioù-lavar diwar-benn an amzer 2.
Ar C'herne n'eus poan mont dreist ar c'hleuz ( mizer n'eus an heol en em ziskouez).
Ur gevnidenn a-raok dek eur, trec'h ar sec'hor d'ar glebor.
An heol en deus savet e vec'h.
C'hwezh peñse a zo!
Emañ ar gazeg koad o c'houlenn glav.
Pa vez gwelet ur gaerell o treuziñ an hent, n'emañ ket pell ar glav.
Emañ Roc'h Siminal oc'h aozañ krampouezh.
Pardon Sant Kadou, glav pe vazhadoù.
Troioù-lavar diwar-benn an amzer 1.
Diwar-benn al loar hag an heol.
Yann gant e forc'had lann.
Al loar 'zo en e gloria mundi.
An heol o tiskouez e lagad.
Emañ an heol o tiskouez e veg (serr-deiz).
Emañ an heol o tiskouez e lost, An heol 'zo o terriñ e c'houzoug, Aet eo an heol e koll-kuzh ...(kuzh-heol).
An heol 'zo oc'h ober lagad bihan (gwall amzer da gaout).
An heol 'zo aet er vallin (aet eo da gousket).