Alc'hwezioù brezhoneg

Lakaat e zaouarn an eil barzh egile, chom da c'hwitellat, chom da zic'henaouiñ, pleget ganeomp an divrec'h, hemañ ne ehan ket da ehanañ, chom da flaeriañ, hemañ 'zo ganet skuizh, hemañ 'zo chomet da c'horiñ vioù c'hwenn en e wele, gwellañ ma ' z out eo da sachañ da revr,hemañ 'zo ganet skuizh, glaourenniñ...
Chostrom, un den distaouel, ur goular a zen, ur gwrac'hataer, feneant-ki ( -brein, du, sot, laer..)...

Chom da sellet ouzh al laboused ( o vont e-biou), chom war al leur-gêr da harpañ ar mogerioù, un tamm kloc'her n'eo ken, aon da bakañ moc'h bihan, ar re-mañ zo kluchennet, hennezh ne labour na kalz na kran, hemañ zo feneant evel 7 bleiz, e gorf a ra mezh dezhañ, laerezh an amzer, prederiañ ar pevar avel, homañ ne stag netra ouzh he bizied, hemañ a gav dezhañ e teui amann eus an neñv; chomet da vuzhugenniñ, hemañ n'eo ket un andenn...
ul laskenn, landore, lankoun, leubeurc'henn, limantenn, ur gutu, ur skrab e sac'h, ur c'holl-boued, kluchenn...

"N'hor beze ket amzer da dreiñ ar c'hi war-bouez e lost", "hemañ n'eo ket imoret", "sachañ war an ibil a-dreñv (pe an ibil berr)", "gwellañ mar deo hemañ eo mont da bourmen eo", "dont a ra da zuañ e staon", "hennezh a ouie sachañ","ober strapenn d'ar voger", "Mari Strapenn, Mari Laou, ouzhpenn dek eur en he c'hav", "ul lost buoc'h dindan pep dorn", "hemañ zo pleget e zivvrec'h", " reiñ bronn d'ar bal", ruzok, pitilhat...

Un den diegus, "hemañ a gaoze gant diegi reiñ peoc'h", pladorennañ, luduenniñ, labaskennañ, "tennañ da yenañ", "ne m'eus ket amzer da chom da huzuliañ"...

Ur chelgenn, ur flao, ur wreg ozac'h, ur gailhasenn, ur gazeg karos, ur dintin, ur gazeg (enn).

Un aken, un atoudenn, ur vleizenn, ur vuzhugenn, ur gragailherez, ur welfezenn, ur wialenn, ur ganastell, ur gegin, ur gekenn, ur gailhasenn, honnezh 'zo ur wall bezh, pebezh kastolorenn, ur wall giez, pebezh kalastrenn...
Diwar-benn ar re 'zo bragez ganto: bragez ha lostenn 'zo ganti, homañ 'zo bragez gwaz ganti, homañ zo ur chefenn, ur chefez...

Hemañ a gustum arat evel ur staotadenn gole.
Hemañ n'eus nemet beskelli gantañ.
Hemañ n'eus graet nemet barbouilhat.
Labourat evel ma kac'h ar saout en noz.
Buoc’hennet ar park gantañ.
Ober brizh labour.
Bastrouilhañ al labour.
Ne ra na bec'h na briad.
Bizubulat, difarabouilh, dibalamour...

Diwar-benn un den null da labourat!
Bastrouilh, biteller, ur vazh dotu, ur c'hoarier, diskolper, difounser, dirailher, diforc'her, barbouilher...
Ha verboù: strabouilhañ, finouc'hellañ, fourdouilhat, krafouilhañ, gwarigellat, kailharañ, bresañ, tarzhellat, mastrouilhañ, mac'hagnañ....

Startijenn? Nerzh, tizh (labourat gant tizh, an tizh-labour), herr (hemañ zo herr gantañ, diwar-herr), kasetez (hemañ zo kasetez gantañ : al labour pe ivez kaozeal buan), diere (diere zo warnañ, kezeg a ziere), trein (trein zo ganeoc'h), diha (honnezh zo diha warni, meûr (un den meûr, un tamm taol meûr), vi (hennezh zo vi ennañ) bliv (bliv evel ur c'hazh-koad).

Diwar-benn an amzer ha dreist-holl gant ar gerioù "Koumoul" ha "Koabr".
Un tañva: pa z a an deñved da saout ez eus glav da gaout.
Koumoulañ a ra amzer.
Pa vez koumoulek ar walarn 'vez sin fall.
Oa ket ur goabrenn o koc'hennañ an neñvoù.
Koumoul pennoù chas ha dimezelled ar Faou.
Laezh kaouled zo en oabl.
Koabrenn an dristidigezh...