Avel em fenn

Kalzik a dud a zo bet stummet gant Roudour. Koulskoude n’eo ket aes deskiñ ur yezh penn da benn, neuze peseurt hentenn e vez implijet gant ar stummerien. rezed a-benn lakaat ar stajidi, stajiadezed da deskiñ ?
Sedrig Laur, merour an ebregerezh, a zo aterset gant Tomaz Le Gourrierec, stajiad Roudour ba Lannuon.
Juliette Cabaçao Roger, kazetennerez ha kenurhierez Splann, a ro keloù deus an endro ouzh mikro Enora Molac, deus Radio BOA
Yvette Le Gac oa yaouank tout e-pad an Eil-Brezel Bed. Koulskoude e terc’hel soñj deus ar mare-mañ ha deus ar soudarded alamaned. Met ne oa ket ken diaes ha se ar vuhez er maezioù hervezi peogwir ne vanke boued tamm ebet.
Teknik an abadenn : Mael Krenn
Buheziñ : Yann Boishardy

Anavezet mat eo ar micher vras, evel e vez lâret deus ar bigi ez ae da besketa ar moru betek Douar Nevez. Se oa gwechall met hiriv an deiz, penaos eo ar vuhez war vord ar stêr ha ba bae Pempoull ha peseurt darempredoù o deus an dud gant ar mor ? Maïna Sparfel, karget eus raktresoù sevenadurel e Milmarin a ginnig ar mirdi.
Gant Maïwenn Raynaudon, penn-redaktourez ar gelaouenn Bretons, e vo kaozet deus ul levr diwar-benn an Eil Brezel-Bed e Breizh.
Tud Yvette Le Gac a oa o terc'hel ur menaj e Roc'h Ugu neuze he deus tremenet he yaouankiz war an dachenn-mañ, ur mare a eürusted.
Keleier ar vro hag ar bed : Aodren Trehin
Teknik : Mael Krenn
Buheziñ an abadenn : Yann Boishardy

Meurlarjez Gwengamp ? Un digarez evit tud deus bro Dreger da vezañ asambles er straedoù. Kanaouennouù, huchadennoù ha c’hoarzadennoù... Ar bloazh-mañ e vez lidet ar peoc’h. Cyrille le Penvern a lâr deomp muioc’h diwar-benn ar fest-mañ.
Ar Roc’h Ugu ? Ur c’hastell savet a-us ar stêr Trev.
Betek 1958 e veze peizanted war an dachenn. Unan deus o bugale eo Yvette Le Gac. Ha penaos oa ar vuhez du-hont ? Yvette a digor he boest fotoioù ha splujañ a ra ba e envorennoù evit kontañ deus he bugaleaj.
Juliette Cabaçao Roger, deus Splann a gas deomp keloù fresk-bouilh deus an endro.
Ar milinoù, ur roll pouezus gante e Breizh gwechall. N'eus ket kement a se hiriv met gant 13 munut e Breizh, kinniget gant Dewi Sibiril e vez lakaet ar wel warne. Muioc'h gant Florent Grouin.
Teknik an abadenn : Mael Krenn
Keleier ar vro : Metig Jakez Vargas
Buheziñ an abadenn : Yann Boishardy

Barzh an abadenn-mañ e gont Mannaig le Dortz a Di ar Vro Bro Pondi petra vez graet àr zouar bro Pondi da-geñver miz ar brezhoneg. Ha bras awalc'h eo bro Pondi - tout kreiz bro Gwened zo a-barzh! Klevet vo ivez ar lodenn ziwezhañ ag ar pennad-kaoz get Eflamm Louis, bet prezidant a Gerlenn Pondi, ha Loeiz Bellec a gomz en e gronikenn 'Ar Hentoù an Antroposen' ag ar stad skrijus lec'h m'en em gav bed ar skiantoù er Stadoù-Unanet a-c'houde mard eo daet Donald Trump da vout prezidant ag ar vro.

Ur 'Pondi Special' eo an abadenn-mañ! Klevet e vo Maksim Crahé, prezidant Kan Ar Bobl, é komz a-ziar an tolpadoù-bro hag ar final bras e Pondi, a vo dalc'het e penn kentañ miz Ebrel. Oc'hpenn-se e kendalc'homp ar gaozeadenn get Eflamm Louis, bet prezidant a Gerlenn Pondi, ha Mael Gwenneg a Frañs 3 a gomz a Brizioù Dazont ar Brezhoneg.
Gwenvael Delanoe a gas Keleier ar vro hag ar bed.

Barzh an abadenn-mañ: Brieg Guervenno a gomz a-ziar e vuhez e bed ar sonerezh hag a-ziar e bladenn nevez en un atersadenn graet da radio Kerne; distro ar gronikenn Barzaz; Eflamm Louis a gont e skiant-prenet èl prezidant Kerlenn Pondi e pennad-kaoz ar sizhun. Keleier get Metig Jakez-Vargas

Abadenn an noz kent devezh etrevroadel ar moezi hag ar jeneroù minorisaet - neuze toud ar sonennoù barzh an abadenn-mañ vez klevet bouezhioù merc'hed enne!
Modarall: un atersadenn get Lucie Guilcher, dastumourez sonennoù àr Enez Sun, graet da stajiadez RBG, Agnès Le Pimpec; kronikenn Yec'hed Alan Goulven; Claire Le Moign ag aozadur Gouel Broadel ar Brezhoneg a ra da ouiet anvioù ar strolladou kentañ a vo klevet ar blez-mañ; ha rann diwezhañ hon tro e mirdi ar c'hartennoù-post e Baod get Mikael ar Bihannig. Aodren Trehin a gas ar c'heleier ar-eeun ag ar studio.

Barzh an abadenn-mañ: tud Roudour zo tremenet e studio RBG doc'htu goude o abadenn kazetennerezh e ti-kêr Pondi aveid laret kaer get Neshka a-ziar ar stummadur nevez a grogey e miz Gwenholon e Pondi! Modarall e kendalc'homb hon droiad e mirdi ar c'hartennoù-post e Baod get Mikael ar Bihannig, e kont Mael Gwenneg petra vo e Bali Breizh an dibenn-sizhun-mañ, hag e vez kaset ar c'heleier get Gwenvael Delanoe.

Plié/Déplié a zo ur festival war-dro an akordeoñs e lec'h zo moien da deskiñ seniñ muzik ar Balkans gant Anton Girard, soner boest an diaoul. Muioc’h a didouroù gant ar soner akordeoñs Yann Ar C’horr ouzh mikro Maelle Auzias , deus Radio Kreizh Breizh.
Tara Adeux, deus Brudañ ha Skignañ a ra tro ar 5 radio e brezhoneg a-benn reiñ deomp keloù fresk-bouilh.
Ha Mikael ar Bihannig a gont da Neshka deus RBG penaos e c'hell ar c'hartennoù-post sikour an dud bremañ d'ober enklaskoù war an traoù kozh : a bep sort 'vez kavet er c'hartennoù post !
Keleier ar vro hag ar bed : N'eus ket, re fall e oa ar son !
Buheziñ an abadenn : Yann Boishardy

Lan a dud zo bet e fest ar Roue Waroch e Pleskob ar ble-mañ, ha Neshka oe eno da laret kaer get sonerion, barnourion hag un dansour entanet. Chelaouet doc'hte barzh ar reportaj-mañ!