Trouz er gêr

An eil abadenn gant Typhaine Corre.

Nevez flamm eo an daouad Luarka. Seniñ a raio Paul Le Moigne ha Benjamin Toupin e Montroulez disadorn hag e Sant Segal disul. Benjamin a son akordeoñs a zisplego deomp penaos eo deuet ar soñj d'an daou vignon sevel un daouad sonerezh hengounel Breizh pa oant o veajiñ e Bro-Spagn.
Embannet eo an abadenn gant Maëlys Poublanc

En abadenn emaomp hiziv gant Kristel Chevalier a zo psikologourez. Anv 'vo ganti eus ar c'hudennoù DYS a zo e-touez kement tra 'zo TND (troubles neurodéveloppementaux). Displeget 'vo ganti gant peseurt DYSoù e c'hell a re yaouank bezañ tapet rak estreget unan a zo. Hag hervez an DYS ez eus diaesterioù disheñvel diouzh ar vugale. Ganti 'vo lavaret petra 'zo kaoz d an DYSoù, penaos ober evit deskiñ bevañ gant seurt kudennoù ha dreist-holl dont a-benn da vont dreist ar skoilhoù-se diwar-goust o skol. Kristel a zo bet gopret gant Diwan ha Kelenn evit kinnig stummadurioù d'an danvez skolaerien ha skolaerezed, stummadurioù war-zu ar bsikologiezh hag ar bedagogiezh evit sikour anezho da ober gant bugale dreistordinal.
Da gaout ivez en abadenn: testeni Lomig, skolajiad anezhañ ha tapet gant meur a z/DYS.
Gant Karolina.

Bep eil Gwener e en emgav tud strollad Kastell-Paol e Ti Kastelliz. Mont a ra tud a bep seurt: lod a oar kaozeal brezhoneg mat dija, lod all a zo o teskiñ, ha bep taol bodadennoù er mod-se zo un digarez da gaout ur prantad amzer blijadurus ma vez marvailhoù a-vil-vern.
An abadennoù-se zo aozet gant kevredigezh "Accueil du Haut-Leon"

Gant skolajidi Traoñ an Elorn Sizun ha gant o c'helennerez Josia le Gratiet, z 'eus bet aozet un diskouezadeg er vediaoueg An Ti Korn. Diwar-benn Youenn Gwernig eo , a vo da vezañ gwelet betek fin miz Ebrel e Sizun.
Un digarez eo bet evito da ober anaoudegezh gant Gwenola Gwernig!
Gant Karolina.

Un dro-bourmen 'teid ar Morbig , o loc'hañ eus dismantroù kastell ar Roc'h. Ur valeadenn 6 km neus kaset an dud 'kreiz koadoù ar Roc'h, heñchet gant Paol Mingant.
Gant Karolina.

Ar gevredigezh evit merañ ha diorren an implij (AGDE) a skoazell an dud lakaet diaes en o buhez o reiñ ul labour dezho. E Plabenneg e fardont ha gwerzhont boued-mir. Ober a raimp tro al labouradeg gant Fañch Mahe a zo e kuzul-merañ ar gevredigezh.
Embannet eo ar gelaouenn-mañ gant Maëlys Poublanc.

Greomp un tamm anv eus ar pezh a zo displeget war al leurenn.
En em soñjal a ra Jean Philippe Davodeau war e istor dezhañ e-unan ha war e zarempred gant ar brezhoneg. Ar brezhoneg a zo ,barzh e familh evel 'barzh ur bern familhoù all e Breizh. Penaos 'ta ha perak n'eo ket bet desket brezhoneg dezhañ? A-benn ar fin eo ar pezh c'hoari un doare dezhañ da eztaoler e soñjoù war plas ar brezhoneg er gevredigezh a-vremañ.
E istor dezhañ eo a zo kontet war al leurenn , un istor hag a c'hellje bezañ istor tud all. Tud all a oad gantañ marteze, ar re zo bet c'hoant ganto ur poent bennak evit deskiñ pe addeskiñ brezhoneg, yezh ar vro. Ar brezhoneg a zo ul lodenn eus hon identite.
Diwar ar preder-mañ e c'hell sevel trubuilhoù ennomp a-wechoù. Evit kompren ar gudenn-mañ e klask Jean-Philippe en em harpañ war mennozhioù ar psikanaliz hag ar sokiologiezh.
Ar pezh-c'hoari-mañ a zo dezhañ stumm ur gaozeadenn etre Jean Philippe Davodeau, Jean-Pierre Bourdieu (Jean-Pierre Quere) ha Sigmund Freud (Bob Simon).

War e leve emañ Jean-Jacques Tangi met n'en deus ket dilezet e vicher vet penn-da-benn : pesketaer e oa. Bremañ eo prezidant ar gevredigezh "Kef skoazell familhoù ar re veuzet er mor - Montroulez". Kas a ra rouedoù pesketa da vro Ukraina evit diwall an dud ouzh an dronoù kaset gant lu Rusia ivez.
E eil lodenn an abadenn e vo klevet Julien Meffre a zo bet e Transnistria, ur vro etre Moldova hag Ukraina, e penn-kentañ ar bloaz-mañ. Kaozeal a raio eus ar jeu a zo eno.
An daou bennad-kaoz-se zo bet kaset gant Erwan Blanchard.

Kaoz ez eus bet eus sklisennoù, kleurc'hoù ha rozelloù e ti ar re-gozh Lanneur. An annezidi o deus kontet ur c'hofad istorioù da Vireille Arnouat da geñver un atalier diwar-benn ar c'hrampouezh e miz C'hwevrer.
Embannet eo an abadenn-mañ gant Maëlys Poublanc