Kokennig ar son

2 Istor ! Stourm al loened skrivet ha kontet gant Gireg Konan ha Rodellig Aour kontet gant Awen Plougoulm
Plijadur deoc'h!

Lakait ho potoù, ha deomp da Venac’h, e-kichen stêr ar Gwig hag al Leger. Hiziv ‘vo kaozeet eus kelc’hiad an dour asambles gant Maëlle eus Dour ha Sterioù Breizh ! Ur c'hoari zo e-barzh!
Hag un istor skrivet ha kontet gant Riwal Georgelin!

Salud deoc’h tout bugale !
Arri eo an heol ar sizhun-mañ, abaoe pell zo n’hon oa ket gwelet anezhañ ! Hiroc’h-hirañ an devezhioù ivez hag a-benn nebeud e vo miz Meurzh dija ! N’eo ket echu ar goañv toutafet koulskoude !
Hirie e tistroomp gant Valentin, eus Ti ar C’hoadoù. Gantan oamp aet o kerzhout war roudoù ar bronneged, al loened a ro laezh hag a blij dezhe kousket kalz kalz kalz e-pad ar goañv.
N’int ket dihunet tout c’hoazh me lâr deoc’h !
Istor Michou ar c'hazh gant Awen Plougoulm

Gant Valentin eus Ti ar C'hoadoù e oamp bet o vale dre ar c'hleuzioù.
Spontus eo gwelet ez eus kement-all a evned o kanañ ha plijadur zo o selaou kan an alanig kof-ruz, ar fulup, ar gaouenn...Ha Valentin, peseurt evned e c’hellomp gwelet pe klevet e-pad ar goañv amañ ? Peseurt reoù a chom er vro ?
Tan dezhi!

Deomp war-zu an aod, kostez Plaeraneg, Pempoull, Pontrev…Un emgav hon eus gant Yolann. Graet en doa ur staj e mirdi Milmarin e Plaeraneg. Er mirdi-mañ e c’haller kaout titouroù a bep-seurt war ar micherioù troet war ar mor, war pesketaerien ha pesketaerezed an Trev, war koñvers ar mor. Ha petra ‘vije pesketaet gwech all ? Ha penaos ? Ha hiziv an deiz?
Lazhañ an Heol lennet gant Nolwenn Falezan!

E miz Kerdu 'oamp bet da vizitañ bugale Skol Diwan Lannuon! Degemer mat-kaer 'oamp bet.
E fin an abadenn ur gontadenn, hini N'Dio, ur c’honikl bihan a blijfe dezhañ hadañ mell er savanenn...

E Kokennig ar Son evit kregiñ gant ar bloaz :
Ur valeadenn gant Valentin eus Ti ar C'hoadoù en heñchoù treuz diwar ar c'hleuzioù. Gwelet a reot eo posubl fardañ ur saladenn gant tout pezh e vez kavet war an hent!
Ur gontadenn kontet gant Gireg Konan : Ha perak en deus an avank al lost plat ??

Aï eo an nevez-hañv hag al laboused a vez o kanañ ! N'eo ket aes derc'hel deus anv pep hini, gouzout piv a gan peseurt melodi ! Setu neuze, dre zestennoù brav eston Madalen an Amour un tamm sell war al labous o kanañ en he jardin deus abred beure betek fin an deiz. Madalen a gas anomp en ur farsadenn hengounel ha graet gant bern tud e Breizh : ijinañ pezh a vez lâret etre loened.
Deuit ganimp da selaou pezh a lâr

Aï eo an nevez-hañv hag al laboused a vez o kanañ ! N'eo ket aes derc'hel deus anv pep hini, gouzout piv a gan peseurt melodi ! Setu neuze, dre zestennoù brav eston Madalen an Amour un tamm sell war al labous o kanañ en he jardin deus abred beure betek fin an deiz. Madalen a gas anomp en ur farsadenn hengounel ha graet gant bern tud e Breizh : ijinañ pezh a vez lâret etre loened.
Deuit ganimp da selaou pezh a lâr ar mouilc'hi, ar piged, ar goelaned hag ar richoned !

Hiriv e vo klevet kontadenn Mab Bro Iwerzhon. Marc'harid he deus choazet kontañ deoc'h ar gontadenn-mañ tennet deus al levr Kontadennoù Bro Skos.
Kontañ a ra istor mab Bro Iwerzhon a glask war-lerc'h ur plac'h gant blev du 'vel ar bran. Mont a ra war hentoù ar vro ha kejañ a ra gant Mab ar Bed. Goulenn a ra digantañ da eurediñ unan deus e verc'h. Ar roue a c'houlennas kalz a dra digantañ ha 'benn 'fin ar gont e tec'has kuit unan deus e verc'h gant mab roue Iwerzhon.