Peoc'h ba'l loch !

Plijadur oa bet e fin miz Gwengolo 2025 e ti Maria Gwegen e Koad Gwegen e Plounevez-Moedeg. He mouezh a vo klevet herie adarre evit un eil abadenn. Da gomz deus ar balioù ha pardonioù, deus ar mod he devoa desket konduiñ trakteur hag oto hec’h unan kazi awalc’h pa oa marvet he gwaz...deus ar brezhoneg e vo komzet ivez un tamm bennaket ha deus un dra kazus da vat a zo arri ganti da heul ar c’hovid.
Trugarez da Awen Prijant ha Treveur ar C’halvez o deus bountet ac’hanon da vont da welet Maria Gwegen.

E Koad Gwegen omp herie, e Plounevez-Moedeg. Ec’h amp da welet Maria Gwegen a zo bet o terc’hen menaj en Tirienoù.
En Tirienoù-se bremañ emañ Treveur ar C’halvez o sevel moc’h bio. Goude ober un tamm kont gant Treveur ec’h efomp ouzh taol da gontañ kaoz gant Maria e-skeud ober selloù a gorn etrezek an nor digor da sellet ouzh an dud a zo o tremen war an hent, war o zreid pe war o zrakteur…
En abadenn gentañ-mañ e komzo Maria demp deus he bugaleaj, deus ar maleur a oa arruet gant he zad pe c’hoazh deus ar brezel diwezhañ.
Un abadenn enrollet e miz Gwengolo 2025 gant Tomaz Laquaine-Jakez

Gouel an diskar-amzer a vo disul 16 a viz Du e bourk ar Chapel-Nevez !
Un digarez da gomz eus al labourioù bras a zo e Ti ar C'hoadoù er mare-mañ met ivez eus buhez ar gevredigezh, e-skeud kinnig dre ar munud programm an devezh kaer da zont.
Gant Rozenn an Dreo, renerez Ti ar C'hoadoù.

La chanson populaire de tradition orale en langue bretonne. Contribution à l’établissement d’un catalogue gant Patrick Malrieu.
Ar c’hanaouennoù brezhonek n’o devoa roll ebet araok na stagje Patrick Malrieu da sevel unan diwarne. Betek e varv e 2019 en devoa kendalc’het da binvidikaat e labour tezenn goude ma vije bet soutenet gantañ e miz C’hwevrer 1998. Hag e c’haller lenn ar mell labour-se war baper abaoe miz Gwengolo 2025, a-drugarez d’ar gevredigezh Dastum ha d’ar PUR, Ti-embann skol-veur Roazhon 2. Ur stumm paper eus labour Patrick Malrieu ac’h a da glokaat al labour bet lakaet enlinenn gantañ war [kan.bzh] (http://kan.bzh) gant sikour Didier Bécam ha Nolwenn Morvan.
Pennad-kaoz gant Kristian Rivoalen eus ar gevredigezh Dastum.
DIELL-SON : Padrig Malrieu bet aterset gant Noelle Simon eus Radio Kreiz Breizh e miz Meurzh 1998
Kronikenn Barzhaz gant Magali Baron : dastumad danevelloù "Gwalarn, 100 vloaz"
D’ar sadorn 13 a viz Gwnegolo 2025 e oa bet enrollet un abadenn e galleg dirak ur publik niverus e Ti ar Vro Gwengamp, gant sikour Kristian Rivoalen, Ronan Guéblez, Goulc'hen Malrieu, Nolwenn Morvan, Véronique Pérennou, Vincent Morel, Erik Marchand, Korentin Le Davay ha Marthe Vassallo.
Un abadenn da adselaou [AZE] (https://www.radiobreizh.bzh/episode/75969) .

Paskal an Intañv, prezidant ar gouel, a lavar deomp tout ar pezh a zo da c'houzout (pe dost!) war Gouel Bro Plistin 2025.
Un abadenn enrollet gant Tomaz Laquaine-Jakez e Gwengamp d'an 30 a viz Du 2025

Bec'h zo war an ospitalioù publik e Breizh evel e lec'h all. Hag e-keit-se e faot d'ar gouarnamantoù bihanaat c'hoazh an dispignoù war dachenn ar yec'hed.
« Ospitalioù publik : un distruj programmet, ur marc’had evit ar gennad prevez ». Sell aze an enklask bet embannet gant ar media dizalc'h Splann etre miz Gouere ha miz Gwengolo 2025.
Abaoe pell zo, eme tud Splann, e vez rakwelet ha lakaet en pleustr diskar an ospitalioù publik ha meur a dal a zo d’an dispenn-se. Emañ ar yec’hed evit an holl en arvar bras.
Emañ ar servijoù urjañsoù en argoll. Abaoe ma oa bet cheñchet ar mod d’arc’hantaouiñ an ospitalioù ec’h a an ospitalioù publik en-dro evel ma ra an embregerezhioù. Ha kevezerezh zo neuze etre an osptalioù publik etreze ha kement-all etre ar re bublik hag ar re brevez. En ur stad fall emañ savadurioù an ospitalioù, emañ ar re-mañ o c’hoari war goll ha tremen skuizh eo labourerien an ospitalioù…
Pennad-kaoz gant :
Caroline Trouillet, kazetennerez evit ar media Splann! he deus savet an enklask gant Isabelle Jarjaille ha Raphaël da Silva (troet e brezhoneg gant Lena Catalán)
Gael Roblin, koñsailher-kêr e Gwengamp en deus savet "ur c’hinnig-lezenn evit ober un taol-arnod reiñ da Rannvro Breizh barregezhioù fiskal a-benn stourm a-enep an dezerzhioù mezegel hag al lojeiz diyac’h"
Un abadenn enrollet e miz Here 2025 e Radio Treger Goueloù, e Gwengamp

Bec'h zo war an ospitalioù publik e Breizh evel e lec'h all. Hag e-keit-se e faot d'ar gouarnamantoù bihanaat c'hoazh an dispignoù war dachenn ar yec'hed.
« Ospitalioù publik : un distruj programmet, ur marc’had evit ar gennad prevez ». Sell aze an enklask bet embannet gant ar media dizalc'h Splann etre miz Gouere ha miz Gwengolo 2025.
Abaoe pell zo, eme tud Splann, e vez rakwelet ha lakaet en pleustr diskar an ospitalioù publik ha meur a dal a zo d’an dispenn-se. Emañ ar yec’hed evit an holl en arvar bras.
Emañ ar servijoù urjañsoù en argoll. Abaoe ma oa bet cheñchet ar mod d’arc’hantaouiñ an ospitalioù ec’h a an ospitalioù publik en-dro evel ma ra an embregerezhioù. Ha kevezerezh zo neuze etre an osptalioù publik etreze ha kement-all etre ar re bublik hag ar re brevez. En ur stad fall emañ savadurioù an ospitalioù, emañ ar re-mañ o c’hoari war goll ha tremen skuizh eo labourerien an ospitalioù…
Pennad-kaoz gant :
Caroline Trouillet, kazetennerez evit ar media Splann! he deus savet an enklask gant Isabelle Jarjaille ha Raphaël da Silva (troet e brezhoneg gant Lena Catalán)
Gael Roblin, koñsailher-kêr e Gwengamp en deus savet "ur c’hinnig-lezenn evit ober un taol-arnod reiñ da Rannvro Breizh barregezhioù fiskal a-benn stourm a-enep an dezerzhioù mezegel hag al lojeiz diyac’h"
Un abadenn enrollet e miz Here 2025 e Radio Treger Goueloù, e Gwengamp

« Al loened fall zo start da lac’ho »
Pell zo e oac'h o c'hortoz anezhi marteze ?
Pempvet pladenn ar strollad Loened Fall a oa bet embannet a-raok an hañv 2025.
Marthe Vassallo, kanerez ar strollad a zispleg deomp ar penaoz hag ar perag eus ar bladenn nevez-mañ.
Peoc'h ba'l loch zo un abadenn produet gant Radio Treger Goueloù.

E penn kentañ miz Gwengolo 2025 ‘m oa bet ar blijadur da vezañ resevet e-barzh ti Mari-Pier ha Robert Kallareg e Plouigno. Gwall jentil e oant bet o tegemer ac’hanon goude ma oa deuet ganin ur skipailh mekanikoù e-leizh gante da filmañ ac’hanomp. Gaby Kerdoncuff, bet e-mesk krouerien Radio Kreiz Breizh, a oa deuet da c’hoari war digarez emañ o sevel ur film diwar-benn ar radio.
Klevit aze un tamm deus buhez Robert Kallareg hag a zisplego deoc’h da gomañs dre benaos e oamp en em gavet asambles dre chañs. An dra-se a oa e miz Eost 2025 war digarez Gouel ar Sant-Loup e Gwengamp.
Un abadenn enrollet e miz Gwengolo 2025 gant Tomaz Laquaine-Jakez

Ne vo ket Ferat Mehenni evit dont da Garaez e fin ar miz-mañ. Setu ar pezh a oa bet roet da c’houzout disul gant aozerien Gouel al levrioù e Breizh. Ar barzh ha politikour kabil a oa bet lakaet da brezidant ar saloñs e penn kentañ ar bloaz. Hag abaoe ez eus savet meur a vouezh a-enep ar choaz-se. Un dizemglev a oa bet taolet sklêrijenn warnañ digwener a-drugarez d’ur pennad embannet enlinenn gant ar gazetenn Ya ! Ur pennad skrivet gant un den ezel eus ar Gevredigezh Frañs Palestina Kenskoazell Kreiz Breizh hag a zo displeget ennañ dre ar munud pegen tost eo Ferat Mehenni hag e luskad dizalc’hour, ar MAK, ouzh Stad Izrael met ivez ouzh an tu dehoù pellañ gall.
Patrice Marquand, skriver ar pennad, en devoa respontet digwener da c’houlennoù Tomaz Laquaine.
Evit c’hoazh n’o deus ket aozerien Gouel al levrioù e Breizh embannet petra zo kaoz ne zeuio ket Ferat Mehenni da Garaez ha n’o deus ket respontet d’hom goulennoù.
Roet he doa Radio Kreiz Breizh da c’houzout da aozerien ar gouel ar sizhun dremenet ne gemerje ket perzh er gouel ar bloaz-mañ evit an abegoù displeget er pennad-kaoz.