Enklaskoù « Splann ! » da selaou
Radio Breizh
Eskopti Gwened : un eskob bet « dibaseet » gant an tu dehoù hag ur « person CNews » I Sofa gant Radio BOA 2/3
Enklask nevez Splann ! diwar-benn an tu-dehoù pellañ e eskopti Gwened.
E 2005 e oa bet anvet an Aotrou ‘n eskob Centène gant ar pab. Abaoe neuze, an den didrouz-se en deus laosket e eskopti da zegemer lod eus ar virourien vrudetañ er relijion gatolik e Breizh. Diwar-goust al luskadoù araokaour e-barzh e Iliz.
Da skouer, bras eo levezon an abad Fagot, a oa bet beleget e miz Kerzu 2012 gant an Aotrou ‘n eskob Centène. E 2026 e oa en e iliz Sant Padern e oa bet filmet oferenn ar Yaou Bask evit bezañ skignet war-eeun gant CNews.
Setu eil tamm an eskemm get ar c’hazetenner dizalc’h, diazezet war e enklask embannet get Splann ! e kompagnunezh Pierre-Yves Bulteau. Plujadenn e ekosistem an tu dehoù-pellañ katolik er Mor-Bihan etre lefevristed, royalisted hag all… war ur foñs ideologel ha politikel kalet.
Lizher-kelaouiñ : douaroù labour-douar takad kizidik, labouret en intañsif #33
Petra zo nevez hervez Splann ! e miz Here ? Un abadenn gant Enora Molac ha Caroline Trouillet.
Fokus Splann !
Etre Sant-Maloù ha Kankavenn : douaroù labour-douar takad kizidik, labouret en intañsif
Dastumet evidoc’h
Ur “guichet unique” evit ar c’hleuzioù lakaet e plas ar miz paset
1000 den o vanifestiñ etre An Naoned ha Kernitron al Lann enep un toull bac’h evit an dud dibaper
Sec’hor e Penn-ar-Bed
Souten bras ‘zo d’ar studier ag Aod an Olifant Vassiriki Doumbia, e-dan OQTF e Sant Albin an Hiliber
Eskopti Gwened : doareoù nevez ar relijion gatolik a c’hiz kozh | Sofa gant Radio BOA 1/3
Enklask nevez Splann diwar-benn an tu-dehoù pellañ en eskopti Gwened.
En ur labourat war pardon Feiz e Breizh eo, en doa komprenet ar c’hazetenner Julien Meffre e oa ur sujed donnoc’h d’ober. Tudennoù “identitaires” talvoudus a sferenn an tu-dehoù pellañ radikal a oa bodet. E miz Gwengolo 2026 e vode tro 2.000 a dud.
Ar sizhun-mañ, setu penn kommañs an eskemm gant ar c’hazetenner dizalc’h, diazezet war e enklask embannet gant Splann ! e kompagnunezh Pierre-Yves Bulteau. Plujadenn e ekosistem an tu dehoù-pellañ katolik er Mor-Bihan etre lefevristed, royalisted hag all… war ur foñs ideologel ha politikel kalet.
En eskopti Gwened, doareoù nevez ar relijion gatolik a c’hiz kozh | Peoc'h ba'l loch ! gant RTG
E-barzh an abadenn-mañ hon eus lakaet ar gaoz gant Tomaz Laken war lodenn gentañ enklask « Splann ! » : « En eskopti Gwened : doareoù nevez ar relijion gatolik a c’hiz kozh : Feiz e Breizh, pirc’hirinañ evit gounit tud d’o mennozhioù ».
Da gomañs : abalamour da betra enklaskiñ war dachenn eskopti Gwened ? Kozh a-walc’h eo an istor. Daou vloaz zo en doa remerket Julien Meffre war ar rouedadoù X e yae ur bern tud eus ar Strollad PNB da birc’hirinañ war hentoù Feiz ha Breizh.
Bro-Gwened hag e derouer zo ur vro hep he far pa gaozer eus ar relijion gristen : douetus eo an departamant nemetañ e-lec’h ma ya war-gresk an dud en em zisklêr katoliked. Ouzhpenn-se, dav eo kompren eo eskopti Gwened ur vro mirour a-gozh : hervez unan eus ar veleien aterset gant « Splann ! » e ranker delc’her soñj eo ganet ar skourr « tradi » e eskopti Gwened. An Aotroù Lefebvre, saver breuriez Sant Pie X, zo bet stummet gant an abad Berto, ur beleg genidig eus ar Morbihan hag en doa savet kumuniez c’hoarezed Pont-Kalleg.
Ar pezh en deus souezhet an enklaskerien : kavout a reer kalzig a royalisted e-touez strolladigoù tu-dehoù radikal a vez tro-dro Gwened.
Da c’houde eo bet lakaet ar gaoz war ar pelerinaj Feiz e Breizh e-unan. Hemañ zo heñvel ouzh unan brasoc’h : hini Chartres hag a vod ar gristenien « identitaire ».
Feiz ha Breizh a zegouezh atav e Santez-Ana-Wened. A vloaz da vloaz e kresk an niver a birc’hirined. Abaoe pemp bloaz zo e kaver pennoù bras eus un dehoù pellañ, deus Breizh ha Frañs a-bezh. Moarvat diwar intrudu Korentin Denis, unan eus diazezourien ar pelerinaj-mañ, a zo deuet da vezañ penn bras ar pelerinaj..
E-touez ar chabistroù (strollad tud o vale asambles) e kaver strolladigoù gwall vrudet e-giz Academia Christiana ha SOS Chrétiens d’Orient. E-touez ar-re-se e kaver tud eus metoù an tu dehoù radikal bras hag a c’hell bezañ feulz evit lod anezho.
A-benn ar fin e soñjer met penaos e c’hell klotañ an dro-spered mañ gant an aviel ?
Lizher-kelaouiñ : Ur metanizer skouerenn... lakaet diaes #32
Da glevout, e lizher kelaouiñ « Splann ! » e kompagnunezh Caroline Trouillet, a zo kazetennerez enno :
Fokus Splann !
Ur metanizer skouerenn… lakaet diaes
Atersadenn krouer Odour.live, kartografiezh ar c’hwezh-flaer er vro
Dastumet evidoc’h
Embregerezh Pierre Fabre a dag en difamasion La Relève et la Peste evit bout embannet e liamm get an A69.
Ar film Mathilde est députée arc’hantaouet ag 1/3 get ar Rannvro… Goude miziadoù tabut.
Pig&Run: ur redadeg evit roiñ un istor gwelloc’h d’an desevel moc’h e breizh.
Raktres lojeizoù e ospitalioù kozh Douarnenez n’eo ket asantet get razh an dud
Razh an titouroù a zo bet komzet a-ziàrne a c’heller adkavout àr lec’hienn Splann.org
Lizher-kelaouiñ : Tost echu eo gant Kerliver #31
Da glevout, e lizher kelaouiñ « Splann ! » e kompagnunezh Caroline Trouillet, a zo kazetennerez enno :
Fokus « Splann ! »
- Distro-skol diwezhañ evit kreizenn Kerliver e Hañveg ;
- Lakaet fall ar Veajourien ‘gaoz d’an diouer a rakwel àr an hin ;
Dastumet evidoc’h
- Bannieloù JA hag FDSEA staget àr dorioù-porzh ar lazhti Socopa e Gwengamp ;
- Emrenerezh a-fed boued: ankiet eo ar c’honf ha Kevre ar labourizion bio ;
- Embannet ur sintezenn àr impakt ar mengleuzioù àr an endro get an OFB ;
Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.
Afer Imerys Groñvel : micherourien klañv gant ar boultrenn
Reuz zo atô en-dro d’ar maengleuz Imerys e Groñvel. Tamallet ‘zo bet d’an embregerezh bezañ polluet an dour hag an douaroù en-dro d’ar vaengleuz dija hag ar wech-mañ ’zo bet lakaet war-wel penaos ’zo kalzig micherourien ha zo chomet klañv goude bezañ bet o labourat en uzin e-kichenn, gant ar poultrennoù fall a teue en o skevent.
Ur wech all c’hoazh eo bet lakaet an dra-se war-wel gant ar media breton Splann. Ar gazetennerez Caroline Trouillet a zo ’vont da gontañ deomp deus an afer-mañ.
Un atersadenn gant Anton Burel (Radio Kerne).
Lizher-kelaouiñ : Erik Tegnér a bep tu, etre bresañ bier ha krouiñ ur media breizhat #30
Da glevout, e lizher kelaouiñ « Splann ! » e kompagnunezh Caroline Trouillet, a zo kazetennerez enno :
Fokus « Splann ! »
- A vraserezh an houbl d’ar raktres mediatek: raktresoù diharzh Erik Tegnér ;
- Gwiaderezed an huñvre, ur c’hwepat e bro Dreger.
Dastumet evidoc’h
- Savet e vo da vat ar savadurioù luks e Sant-Maloù ;
- Prezidant nevez ar CFTC a vehe digor d’an tu dehoù-pellañ ;
- Jiboes d’arar veganed ;
- 142.500 euro a zleay ur c’hazetenner evit bout testeniet àr boazioù Vincent Bolloré.
Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.
Dalc’h an dour e Breizh : Manon Deniau pedet gant Radio Naoned
En abadenn Gouloù -noz war Radio Naoned e oa bet aterset unan eus kengrouerezed « Splann ! », Manon Deniau d’an 23 a viz Gwengolo 2025.
Asambles gant un ezel eus Dour ha Sterioù Breizh he doa renablet ar c’hudennoù hag a laka kalite an dour en arvar en hor bro. Al labour-douar stank-ha-stank, ar skuilhañ hañvouez, diskar ar c’hleuzioù hag ar girzhier ha da heul an efedoù war an endro hag ar yec’hed a weler o tont diwar-se : fall a-walc’h an dour da evañ, bezhin glas war an aodoù ha saotret an dour kouronkañ war draezhennoù zo.
Kaoz zo bet ivez eus ar mengleuzioù hag eus o efedoù bras war galite an dour. Un afer dianavezet a-walc’h, setu ma oa bet gouestlet dezhi un enklask hir gant « Splann ! » e miz Du 2024.
📻 Gouloù-noz gant Radio Naoned, abadenn nevez bro-Naoned ha bro-Roazhon, atersadennoù ha kronikennoù. Kinniget deoc’h gant Liza Jakez-Vargas klokaet gant Tangi Poisson hag ar radioioù keveler.
Lizher-kelaouiñ : Hañvouez a-leizh e Park-mor an Hirwazh #29
Da glevout, e lizher kelaouiñ « Splann ! » e kompagnunezh Caroline Trouillet, a zo kazetennerez enno :
Fokus
- « Feulster er parkeier » get Nicolas Legendre, da welet en replay àr France TV hag un atersadenn get ar c’hazetenner da lenn àr lec’hienn « Splann ! » ivez ;
- An demokratelezh e park-mor an Iroise : ken bresk evit ar vevliesseurted ?
Dastumet evidoc’h
- Mirdioù naturel bis: talvoudegezh ar c’hazetenniñ ;
- Raktres lezenn àr ar labour-douar: bresk an demokratelezh, c’hoazh hag atav… ;
- Keleier skiantel àr servij publik ar c’hleweled : kouezhet en ur pech ;
- E aer Indre (bro An Naoned) e vez sammadoù Chrome VI re uhel.
Er podkast mañ e vez klevet ivez deiziataer « Splann ! » hag doéré ar raktresoù e-taldoc’h.