Larsen ha mediator !

Larsen ha mediator 11 : Ar re yaouank hag ar rock 'n roll « The American way of life » evit ar re wenn d'an nebeutañ zo diazezet war un nebeut talvoudegezhioù eeun : daremprediñ e amezeien, dreist-holl da goulz oferenn ar barez, kaout e di dezhañ e-unan, hag e garr-tan evit mont d'ar c'hrogad base-ball pe mell-droad amerikan. Roz eo liv an dazont er fifties, ar gudenn nemeti evit ar gerent prederiet rak dazont o bugale eo ar rock ha c'hwezh ar sulfur, peg outañ. Degemer mat e Larsen ha mediator, hiziv e pledont gant ar re yaouank hag ar rock 'n roll. Playlist : Boyd Bennet and his rockets : Seventeen The Coasters : Yakety yak Chuck Berry : Sweet little sixteen Little Richard : Lucille Jimmie Snow tennet eus « 1950s preacher vs rock'n'roll music » Pat boone : Tutti frutti Little Richard and Pat Boone tennet eus « PBS History of Rock and Roll series, pt 1 » Bo Diddley :  Bo Diddley  The Robins : Riot in Cell Block #9 The Silhouettes : Get A Job Barret Strong : Money Levrlennadur : « Devil's Music, Holy Rollers and Hillbillies: How America Gave Birth to Rock » gant James A. Cosby "Our american century Rock and roll generation, teen life in the 50s" Time Life books "Les racines du rock" Florent Mazzoleni (Embannadurioù Hors collection)

Ne vefe ket bet gwall bell ar sonerien rock hep ar pezh a selaouit dres bremañ da lavaret ar radio. Rak ma zo ezhomm eus kanerien hag eus tiez-produiñ ez eus ezhomm ivez eus tud, diskoacherien a-wechoù, hag a ziviz lakaat pladenn-mañ-pladenn war an troer pladennoù evit ma vo skignet dreist bevennoù ar stadoù ha dreist ur vevenn all, hini liv ar c'hroc'hen. Degemer mat e metoù an Djs ! Playlist : Dewey Phillips - At WHBQ hosting red hot and blues e Memphis Gene Vincent : Be bop a lula Buddy Holly : That will be the day Alan Freed o kinnig e abadenn The dominoes : Have mercy baby Bill Haley : Rock around the clock Little richard : Rip it up take 1 Little richard : Rip it up Eddie Cochran : Skinny Jim Levrlennadur : "Les racines du rock" Florent Mazzoleni (Embannadurioù Hors collection) "Rhythm & blues country Rock 'n roll la musique qui vit grandir Elvis" J.C. Bertin (Embannadurioù Didier Carpentier)

E fin ar bloavezhioù 50 e seblant ar rock tonket da vont da get, milliget m'emañ e arzourien bennañ. Setu ar pezh a welimp hiziv. Kregiñ a ra ar c'heleier fall e miz Here 1957 gant Little Richard, an hini en deus berraet filosofiezh ar rock 'n roll en un drouzadell « A wop bom aloo mop a lop bam boom » a ziviz teurel e zilhad alaouret hag e walennoù d'ar blotoù evit en em ouestlañ d'ar relijion goude bezañ bet gwelet Doue er c'harr-nij a gase anezhañ da Aostralia evit un droiad. E miz Meurzh 1958 ez eo Tonton Sam hag a zegas soñj da Elvis en deus da servijout ar vammvro. Playlist : Tenacious D : Rock is dead Elvis Presley : Atersadenn a-raok e gonje ("Elvis Sails") Elvis Presley : Are you lonesome tonight ? Don Mc Lean : American Pie  Ritchie Valens : La bamba Chuck Berry, Bruce Springsteen and the E-street Band : Johnny Be Goode Eddy Cochran : Twenty flight rock Levrlennadur : "Les racines du rock" Florent Mazzoleni (Embannadurioù Hors collection) "Rock 'n roll Babylon" Gary Herman (Embannadurioù Denoël X-Trême) "Pop Rock Story vol. 1" Marion Doussot (Embannadurioù Vents d'Ouest)

Kazi echu eo hon ergerzhadenn er bloavezhioù hanterkant met a-raok kuitaat oadvezh aour ar rock'n roll emaomp o vont hiziv da vukañ ar gouleier war strolladoù a eil renk. Oh ! Na vil eo lavarout kement-mañ, lakaomp kentoc'h strolladoù a galite n'o deus gallet tizhout ar brud a oa dleet dezho abalamour d'ar plas kemeret gant « stars ar rock 'n roll ». E gomprenet ho peus, hiziv plas d'ar re chomet e skeud ar « steredennoù ». Playlist : The Johnny burnette trio : The train kept a rollin  The phantom alias Jerry Lott : Love me  Screamin' Jay Hawkins : Little demon Dale Hawkins : Susie Q Link Wray : Rumble Link Wray : Batman theme Barbara Pittman : I need a man Joyce green : Black cadillac Bob and Lucille : Eeny, meny miney moe

Evit klozañ gant ar rummad kentañ-mañ gouestlet da wriziennoù ar rock'n roll ha d'ar bloavezhioù hanter-kant e kinnigan ur veaj vihan deoc'h hiziv gant meur a arliv. Kregiñ a raimp diouzhtu gant an hini a c'hellfemp lezanviñ « maeronez ar rock 'n roll », ur seurez, sister Rosetta Thorpe, a ginnige dija er bloavezhioù 40 riffoù gitar akuit war he gibson en ur ganañ ar gospel. Playlist : Sister rosetta Tharpe : Shout sister shout Sister rosetta Tharpe : Strange things happening every day  The dixieaires : Joe Louis is a fighting man Buddy Johnson : Did you see Jackie Robinson hit that ball ? Les Brown : Joltin' Joe Di Maggio  The million dollar quartet : I shall not be moved Janis Martin : Drugstore rock 'n roll Sparkle Moore : Skull and cross bones Levrlennadur : "Les racines du rock" Florent Mazzoleni (Embannadurioù Hors collection) "Rhythm & blues country Rock 'n roll la musique qui vit grandir Elvis" J.C. Bertin (Embannadurioù Didier Carpentier) "R'n'R antédiluvien" (Embannadurioù Bdmusic/9ème Art+)

Tro 'm eus bet dija da gomz deoc'h eus ar pezh a oa anvet The race records, ar sonerezh enrollet evit ar re zu, deuet da vezañ the rythm and blues records. Komzet 'm boa deoc'h ivez eus Syd Nathan e Cincinaty hag e di-embann King records a rae covers, enrolladennoù nevez ma karit, eus an tonioù enrollet evit ar re zu e versionoù sivilizet evit ar re wenn. Hiziv e selaouimp versionoù all eus tonioù rhythm'n blues gwennaet a-raok mont war-zu Memphis pa antreas ur paotr yaouank anvet Elvis er studio sun. Playlist : Jenerik : The Beatles vs Joan Jett vs Cypress Hill vs House of Pain vs RATM - Mash Together - Mashup by Faroff Etta James : Dance with me, Henry  Georgia Gibbs : Dance with me, Henry  Lavern Baker : Tweedlee Dee Georgia Gibbs : Tweedlee Dee Fats Domino : Ain't that a shame Pat Boone : Ain't that a shame Smiley Lewis : I hear you knocking Gale Storm : I hear you knocking Arthur Crudup : That's all right mamma  Elvis Presley : That's all right mamma Bill Monroe : Blue moon of kentucky Elvis Presley : Blue moon of kentucky

Setu-ni en em gavet e 1954, gant ur paotr a entano kalon ar c'hrennardezed hag a aweno doare en em wiskañ ar baotred. Met n'eo ket ganet ar rock p'en deus Elvis bountet dor ar stuidioù Sun e Memphis, amañ e oa dija a-raok, Elvis a voe e dreizher, ur seurt soner fleüt Hamelin o kas ar bed a-bezh d'e heul. Ur paotr koant, goullo e chakodoù, setu ar pezh a oa ezhomm evit cheñch red an amzer. Playlist : Elvis Presley : Heartbreak hotel Elvis Presley : First appearance on « Louisiana Hayride » Elvis presley : Jailhouse rock Jerry Lee Lewis : Whole lotta shakin' going on Carl Perkins : Honey don't Sun Records : The return of Jerry Lee Jerry Lee Lewis featuring Jimmy Page : Rock 'n roll Trailer ar film Elvis ha Nixon

Larsen ha mediator 8 : The doo wop  Kemerit 4 pe 5 paotr yaouank , du o c'hroc'hen, unan anezho a vo an unkaner, gant ur vouezh tenor skañv o kanañ ar sonenn, un tenor all hag ur bariton oc'h heuliañ gant « ohh », hag « ahh » hag erfin ur bariton boud evit an doop-doop ha setu ur strollad doo-wop ho peus ! Playlist : Jenerik : The Beatles vs Joan Jett vs Cypress Hill vs House of Pain vs RATM - Mash Together - Mashup by Faroff Fluffy hunter : The walkin' blues Frankie lymon and the teenagers :  Why do fools fall in love ?  The swallows : It ain't the meat Two Fords Classic Car Commercials (1950's) The cadillacs : Speedo The capris : Morse code of love The Cordettes : Lollipop The Bobettes : Mr Lee Blue Moon : The Marcels Nat Williams & The Dry-Dells Drake's Fruit Pies Commercial

Larsen ha mediator 6 : Seks ha rock 'n roll ! Kenderc'hel a reomp hor beaj e gwriziennoù ar rock 'n roll gant ur ger stur mil anavezet « seks and drugs an rock 'n roll ». Nann n'omp ket degouezhet c'hoazh da vare ar bloavezhioù 70 gant dirolloù Led zeppelin pe The Eagles e kambroù o letioù pe a-dreñv al leurenn. Hogen an tiez embann pladennoù bras « the majors » o deus laosket un toullad tiez embann bihan « the indies » kreskiñ tro-dro New-York, e kalifornia, en New orleans pe e Memphis. Tem ar c'hanaouennoù a c'hell bezañ diveret e daou c'her « Seks hag alkol ». Ar sonerezh tomm-mañ, friant, blizoniel, ne zirenk ket re ar vourc'hizien e keit ha ma chom kenfinet er metoù minorilezet. Met klevout a ra ar yaouankiz gwenn ar pladennoù skignet er radio, ha gwashoc'h c'hoazh : prenañ a reont ar pladennoù. Pa glev tadig ha mammig ar pozioù gadal e krog an traoù da drenkañ. Diefed eo linenn ar segregasion a-enep gwagennoù ar radio ha netra ne c'hell mirout ouzh ar yaouankiz gwenn da zañzal war al luskoù hudur-mañ. Playlist : Jenerik : The Beatles vs Joan Jett vs Cypress Hill vs House of Pain vs RATM - Mash Together - Mashup by Faroff Fats Waller : Hold tight Tampa red : Let me play with your poodle Julia Lee : I din't like it for the first time Dinah Washington : Long John blues Dinah Washington : Short John Willie Mabon : I don't know Annisteen Allen : Yes I know Oscar McLollie : Hot Banana

Larsen ha mediator 7 : Seks ha rock 'n roll ! (2) Kenderc'hel a reomp hiziv hor beaj e deroù ar bloavezhioù 50, pa zeu war-wel plas an orged er rock 'n roll. Emaomp o vont da selaou adarre kanaouennoù o respont an eil d'eben evel ma oa bet gwelet gant Caldonia deuet da vezañ harozez meur a ganaouenn, ar wech-mañ a raimp anaoudegezh gant « Sixty minute man ». Ha klevet 'vo un nebeut kanaouennoù fentus adarre o tennañ d'ar gadalerezh. Playlist : Jenerik : The Beatles vs Joan Jett vs Cypress Hill vs House of Pain vs RATM - Mash Together - Mashup by Faroff Big mama Thornton : Hound dog Rufus Thomas : Bear cat Roy Brown : Good rockin' tonight Wynonie Harris : Keep churnin 'till the butter comes The Dominoes : Sixty minute man Ruth Brown : 5-10-15 hours The Du droppers : I can't do sixty no more The Checkers : Don't stop Dan