Larsen ha mediator !

N’eo ket nevez kemmeskañ stiloù sonerezh disheñvel, se eo ar sonerezh, levezonioù koazhet hag adtufet evit krouiñ un dra nevez. Meur a wech hon eus komzet en abadenn eus strolladoù a gemmeske ar stiloù sonerezh, Sly and The Family Stone pe Parliament Funkadelic gant ar funk hag ar rock, Miles Davis ha McLaughlin gant ar jazz hag ar rock, Bad Brains pe The Clash gant ar reggae, an dub hag ar punk, Anthrax gant ar rap hag ar metal, Afrika Bambaataa gant ar rap hag ar sonerezh elktronek. Niverus eo bet ar strolladoù oc’h arnodiñ a-raok ma teufe ar rock fusion da vezañ mainstream e-kreiz ar bloavezhioù 90...
Playlist :
- Mother’s Finest : Fire
- Aerosmith : Walk This Way (foñs son)
- Run DMC (ft Aerosmith) : Walk This Way
- Fishbone : One Day
- Living Colour : Which Way to America ?
- Beastie Boys : Rhymin’ & Stealin’
- Body Count : Freedom of Speech
Levrlennadur :
- “Rock fusion” - Jean-charles Desgroux – Embannadurioù Le mot et le reste
- “Fusion music de Miles Davis à Rage Against The Machine” – Manuel Rabasse – embannadurioù GM editions
- “Dictionnaire illustré du rock” – Christophe Goffette – Embannadurioù Larousse

E fin ar bloavezhioù 80 eo ral ar strolladoù rock eeun, re “arty” eo The Pixies, mont a ra re bell al leurenn hardcore gant al luskad straight, ha Guns N’ Roses, goude bezañ mezhekaet ar strolladoù hair metal, a zeu da vezañ ur joke d’e dro. Daou luskad a zifoupo neuze : e Seattle, ar grunge pounner ha teñval, hag e Kalifornia an neopunk. Gant strolladoù evel Green Day, The Offspring pe Rancid hon eus ar vandenn-son peurvat evit un nozvezh oc’h ober skate en ur evañ boutailhadoù bier. Gwiskit ho pragoù baggy, ho T-shirt hir, ho lunedoù heol, setu ni loc’het evit ar west coast, Kalifornia here we are !
Playlist :
- Bad Religion : What Can You Do ?
- NOFX : Please play this song on the radio
- Green Day : Basket Case
- The Offspring : Come out and play
- Pennywise : Same old story
- Pulley : Lifer
- Lagwagon : Violins
- Face To Face : Sensible
- Blink 182 : What ‘s my age again ?

Mezheven 1994. Emañ ar c’hazetenner Andy Pemberton oc’h en em soñjal en ur evañ ur banne kafe. Bez en deus da sevel ur pennad evit e gelaouenn Mixmax, arbenniget er sonerezhioù elektronek. Nevez selaouet en deus an ton “In Flux”, ur meskaj tonioù soul, funk, RnB ha jazz, torret gant breaks taboulinoù ha scratch. Skrivañ a ra Pemberton «Gant e veskaj pbm, spoken word, violoñsoù, trouzioù iskis, soniou bout ha luskoù gorrek en deus ar selaouer ar santimant da vezañ en un trip, an trip hop eo ! Elektro hag hip hop kenteuzet kement ma ne c’heller ket anavezout nag an eil nag egile”. Setu, bez e oa ar Bristol Sound, hiviziken e vo an trip hop.
Playlist :
- DJ Shadow : In Flux
- U.N.K.L.E. : Unkle Main Title Theme
- Dido : Here With Me (tennad son)
- Bjork : Human Behaviour
- Lamb : Gorecki
- Sneaker Pimps : 6 Underground
- Madonna : Frozen (tennad son)
- Hooverphonic : Mad About You
- Smoke City : Underwater Love
Levrlennadur :
- “On vous raconte l’histoire de la scène musicale de Bristol” - Louise Marchand - Les Inrocks 12/06/23
- “L’odyssée du rock” – Florent Mazzoleni – Embannadurioù Hors Collection

Hiziv setu-ni e Bristol, ur gêr brudet evit bezañ kêrbenn ar graf, met ivez hini un dornad strolladoù o deus krouet ur son anvet The Bristol Sound, ur meskaj hip-hop gant un implij stank eus ar skratch, goût a rit, pa vez lakaet an dorn war ar bladenn vynil evit he fiñval ha krouiñ luskoù ha sinkopennoù. Ha kement hag ober perak nompas ouzhpennañ trouzioù strakadennoù evit reiñ da soñjal eo kozh ar pladennoù. E berr gomzoù e oa ar Bristol Sound sonioù o tont eus an hip-hop met ivez orkestradurioù a ya da glask o awen e filmoù ar bloavezhioù 50, er jazz, er reggae hag er dub., hep disoñjal mouezhioù maouezed o tont eus ar folk pe ar soul. Hag ar Bristol Sound en deus roet ar pezh a vez anvet an trip hop, ha sell ‘ta, deus Bristol e teu drinded santel an trip hop : Massive Attack, Portishead ha Tricky.
Playlist :
- Massive Attack : Karmacoma (foñs son)
- Don McCloskey : Bombs Over Bristol (tennad son)
- Black Roots : Bristol Rock (foñs son)
- Tricky : Makes Me Wanna Die
- Grandmaster Flash : Supper Rappin no 2 (foñs son)
- Massive Attack : Safe From Harm
- Tricky : Overcome
- Smith & Mighty (feat. Rudy Lee) : No Justice
- Portyshead : Glory Box
- Roni Size & Reprazent : Heroes
Levrlennadur :
- “On vous raconte l’histoire de la scène musicale de Bristol” - Louise Marchand - Les Inrocks 12/06/23
- “L’odyssée du rock” – Florent Mazzoleni – Embannadurioù hors Collection

Da heul an eil brezel-bed en em led ar sevenadur amerikan er bed a-bezh. Daou skor sevenadur zo neuze produet ha skignet a-vil vern oc’h heuliañ ar GI’s forzh peseurt lec’h ez afent : ar pladennoù hag ar comics. Gant ar re gentañ en em led ar sonerezh, gant an eil ar skiant-faltazi.
Ar ger UFO, Unidentified Flying Object e saozneg (ni-di e brezhoneg) zo bet krouet e 1952 gant Edward J. Ruppelt, kapiten er US Air Force. Hemañ a oa e penn ar c’homision lakaet e plas gant an arme evit studiañ arselloù planedoù-nij niverusoc’h-niverusañ. Divizet e oa bet krouiñ ar c’homision-se da heul testeni al loman Kenneth Arnold en doa gwelet objedoù liesseurt o stummoù en oabl e 1947. Dibaoe e oa paot an testenioù (800 e 1948) ha martezeadennoù a bep seurt a rede da heul o komz eus kentpatromoù kirri-nij sekred amerikan pe rus hag eus donedigezh ezdouaridi war an Douar, un dodenn e aour evit ar rock !
Playlist :
- The Carpenters : Calling Occupants Of Interplanetary Craft (tennad son)
- Bernard Herrmann : The Twilight Zone Theme (foñs son)
- Ella Fitzgerald : Two Little Men in a Flying Saucer (tennad son)
- Boris Vian : La Java Martienne (tennad son)
- Invasion of the Body Snatchers, sevenet gant Don siegel e 1956 (tennad son)
- Billy Lee Riley : Flying Saucers Rock ‘n Roll
- Sheb Wooley : The Purple People Eater
- The Randells : Martian Hop (tennad son)
- Buchanan & Goodman : The Flying Saucer (tennad son)
- The Ventures : War of the Satellites (foñs son)
- The Tornados : Telstar
- Dominic Frontiere : The Invaders Theme (foñs son)
- Pink Floyd : Interstellar Overdrive (tennad son)
- Jefferson Airplane : Have You Seen the Saucers ?
- Elton John : I’ve Seen the Saucers (tennad son)
- David Bowie : Space Oddity (foñs son)
- Parliamant : Unfunky UFO (tennad son)
- Meco : Star Wars Theme (foñs son)
- Space : Magic Fly

Salud deoc’h lamponezed ha lamponed vihan ar rock ‘n roll, donemat e Larsen ha Mediator, an abadenn a zezrevell istor ar rock abaoe e orinoù kinniget deoc’h gant Gaëtan. Emichañs ho po tremenet gouelioù Nedeleg a-feson, evit fin ar blead e kinnigan deoc’h teurel ur sell ouzh pladennoù dedennus, d’am meno bepred, deuet ‘maez e eil hanterenn ar blead 2025.
Playlist
- Snocaps : Heathcliff
- Kae Tempest : Statue in the square
- Ufos : UFO
-Christone « Kingfish » Ingram : Truth
- Chrissie Hynde gant Cat Power : First of The Gang To Die
- Robert Plant ha Saving Grace : Higher Rock
- Mirador : Blood and Custard
- Hollie Cook : Shy Girl

E ya, ne dremenoc’h ket e biou, klevet e vo un toullad kleierigoù o tintal en abadenn. Hag e krogomp diouzhtu gant Jingle Bell Rock, ur rock, bezomp sklaer, ne oa ket evit gwalldretiñ divskouarn familhoù gwenn ar middle class american. Ret e oa gwareziñ o c’hrennarded diouzh ar rock, ar rock hag a zo evel ma oar an holl ur gourdrouz d’ar moraliezh !
Playlist :
- Bobby Helms : Jingle Bell Rock
- The Ronettes : Sleigh Ride
- The Beach Boys : Little Saint Nick
- Clarence Carter : Back Door Santa
- Joni Mitchell : River
- Ramones : Merry Christmas I Don’t Wanna Fight Tonight
- Emmy The Great & Tim Wheeler : Zombie Christmas
- Kate Bush : December Will Be Magic Again

Oadvezh aour ar britpop a c’heller lec’hiañ etre Parklife Blur e 1994 ha Be Here Now gant Oasis e 1997. Etre an daou eo un tan-arvest : un dropellad a strolladoù a zifoup war al leurenn indie gant ar soñj koñkisañ ar bed rak e verzet ho po, en ur soñjal er gevezerezh etre Blur hag Oasis, n’emañ ket an uvelezh diouzh ar c’hiz d’ar mare-se…
Playlist :
- Echobelly : Call Me Names
- Saint Etienne : Only love can break your heart (foñs son)
- Sleeper : Nice Guy Eddie
- The Verve : Bitter Sweet Symphony (foñs son)
- The Auteurs : Showgirl
- Supergrass : Alright
- Shed Seven : Going For Gold
- Black Grape : Reverend Black Grape
- Radiohead : Karma Police
Levrlennadur :
- «Le rock de A à Z» - J.M. Leduc ha J.N. Ogouz – Embannadurioù Albin Michel
- «Cool Britannia un road trip musical so british en 80 albums ! » Pascal Bertin – GM Embannadurioù

Oasis zo ganet e karter Burnage, e su Manchester, kaset eo gant daou vreur : Noël Gallagher ar sonaozour, ha Liam ouzh ar c’han. Ganet int er metoù micherour, n’eo ket gwall aes ar vuhez er gêr, feuls eo an tad gant e vibien. Kuitaat a ra ar vamm an ti met diaes eo dezhi sevel he bugale prim d’ober konerioù : da 13 vloaz emañ Noel e frankiz evezhiet goude bezañ laeret un ispisiri, da 15 vloaz eo skarzhet eus ar skolaj, taolet en doa ur podad bleunioù war ar rener. Hag e vreur, ken gwazh all eo ma n’eo ket gwashoc’h : straniñ a a ra er gêr, sniffañ a ra peg, evañ a ra wiski ha laerezh a ra a-zehoù hag a gleiz. Petra a chom evit hunvreal ? Ar vell-droad gant Manchester City, hag ar sonerezh a saveteo anezho.
Playlist :
- Oasis : Supersonic
- Oasis : Live Forever
- Tennad son eus keleier ar BBC d’ar 14/08/1995
- Blur : Country House
- Oasis : Roll With It
- Noël Gallagher’s High Flying Birds : It ‘s a Beautiful World
Levrlennadur :
- «Blur and Oasis’ big Britpop chart battle – the definitive story of what really happened» - New Musical Express – Mark Beaumont – 14/08/2019
- «Le rock de A à Z» - J.M. Leduc ha J.N. Ogouz – Embannadurioù Albin Michel
- «Cool Britannia un road trip musical so british en 80 albums ! » Pascal Bertin – GM Embannadurioù

O tizhout penn ar charts e-kreiz ar bloavezhioù 80 e tegas strolladoù evel ar Smiths pe Pale Fountains o sevenadur indie met ivez un distro d’ar gitar, gitar boud ha taboulinoù. Da heul, en un nebeud bloavezhioù strolladoù evel Blur, Suede, Elastica, Sleeper, Radiohead, Supergrass, Pulp ha The Verve a ziskouez emaint aze evit kontañ. Ganet eo ar britpop (ar ger britrock a vefe bet gwelloc’h e gwirionez) gant kevezerezh an daou strollad pennañ, Blur hag Oasis, pennadoù a vil vern er New Musical Express hag er Melody Maker ha goloioù pladennoù gant Banksy pe Damien hirst. Komzet e vo zoken eus « britart », ar pezh a ra deus ar britpop ul luskad sevenadurel breizhveuriat kentoc’h eget ul stil sonerezh, fin, ur sapre benveg marketing an hini eo a vo danevellet deoc’h hiziv e Larsen ha Mediator !
Playlist :
- The La’s : There She Goes
- Suede : So Young
- Elastica : Connection
- Pulp : Common People
- Blur : There ‘s No Other Way
- Blur : Sunday Sunday
- Blur : Parklife
- Oasis : Don’t Look Back In Anger
Levrlennadur :
- «Blur and Oasis’ big Britpop chart battle – the definitive story of what really happened» - New Musical Express – Mark Beaumont – 14/08/2019
- «Le rock de A à Z» - J.M. Leduc ha J.N. Ogouz – Embannadurioù Albin Michel