Ali lenn ar sizhun

Ali lenn ar sizhun, ur romant aes ha skañv daoust d'an tem skrijus. Kinniget gant Maryse Evrain eus mediaoueg an Ursulinezed. Les gens heureux lisent et boivent du café gant Agnès Martin-Lugard.

Maryse Evrain eus mediaoueg an Ursulinezed 'ba Kemper a gas ac'hanomp d'an tu all d'ar Mor Atlantel gant romant Richard Ford, Canada, en deus tapet ur priz Pulitzer.

Dibabet ez eus bet gant Per Mens Pegail eus mediaoueg an Erge Vras ul levr gant unan eus ar skrivagnerezed gwellañ er mare-mañ, Carole Martinez, bet tapet ganti meur a briz dija, en o zouez Renaudot des Lycéens ha Goncourt des lycéens. La Terre qui penche gant Carole Martinez.

Ouzhpenn ar romantoù zo e bed al lennegezh. Ar bandennoù treset a c'hell bezañ teñzorioù leun a varzhoniezh. Pêr Mens Pegail, mediaoueger en Erge Vras, a ali deomp lenn ur vandenn dreset a blij dezhañ kalz. Love in vain gant Mezzo ha Jean Michel Dupont, istor kriz ur bluesman.

Maryse Evrain a lak ac'hanomp da veajiñ ar sizhun dre levr Calum Toibin, Nora Webster, maouez iwerzhonad o tizoloiñ ar sonerezh klassel. Tu zo emprestiñ al levr e rouedad mediaouegoù Kemper kummuniezh.

Le Chemin des âmes gant Joseph Boyden, ur skrivagner a vro Ganada a gont istor an Amerindianed hag ar minorelezhioù. Kinniget gant Per Meñs Pegail eus mediaoueg an Erge Vras.

Ronan Debel, mediaoueger en Ursulinezed e Kemper, a zo paotr al lapoused hag an natur. Kinnig a ra deomp un atlas brav-eston gouestlet da vronneged Breizh. Atlas des Mammifères de Bretagne, ed. Locus Solus

Mario Vargas Llosa 'neus bet tapet priz Nobel al lennegezh. E roman Le héros discret zo kinniget deomp gant Per Meñs Pegail eus mediaoueg an Ursulinezed.

Le Merveilleux, ur romant skrivet gant Jean François Chabas. Kinniget gt Pêr Meñs Pegail, eus mediaoueg an Erge Vras.

La route du thé, embannet gant Transboréale gant Philippe Devouassoux & Julie Klein. Kinniget gant Marye Evrain eus mediaoueg an Ursulinezed