D'ile d'aillou

Den cete emicion, "d'ilë d'âillou" rfe le voyaije qe j'fite cete sézon 2016-2017 e rpâsse tout léz sujit q'on të vu : le pâs d'sète, Le repèrtouère rassérë den l'peyz de Piermè, léz chanson en dvizée, Nouè, léz rimandèle, la derouine, léz ère pour mënë la danse, l'avant deûz, l'ouvraije à Jean-Michel Guilcher

D'eune avant deûz notée à l'armonica den l'payz de Doul à eune avant deûz sonée ao violon en Vendée, dun tamm kreiz de Bâsse-Bertêgne à eune marchouâze du Haot-Pouétou, d'eune chantouere du bâs d'la Viene à eune chantouere de Begane su léz bord d'la Vilene, c'é "d'ilë d'âillou", vôtr emicion qi caoze déz muziqe coutumiere rassérée ilë e pé âillou.

Le 27 du mouâz d'Mars dèrnier defuntit Jean-Michel Guilcher. I tet chèrchou en ethnolojie, i tet un grand specialist d'la danse coutumiere en France. J'some o Marc Clérivet, qi mnit sa téze su la danse coutumiere en Haote-Bertêgne, pour caozer o lu de l'ouvraije e d'la vie à Jean-Michel Guilcher. "D'ilë d'âillou", c'é vôtr emicion qi caoze déz muziqe coutumiere rassérée ilë e pé âillou

D'eune ére de muziqe qi sèrt aossi ben à mnë l'avant deûz, qe la polka e la pilée-menu, à eune aotr ére qi sèrt à mnë la mazure e la bourée, d'un jouou d'armonica de Lozère à un sonou d'violon du Daofinë, c'é "d'ilë d'âillou", vôtr emicion qi caoze déz muziqe coutumiere rassérée ilë e pé âillou.

Cédric Malaonaï é o nouz den ce "d'ilë d'âillou" pour caozë d'la derouine. La Granjagoul a miz à pllace eune monterrie su cete bouzine, c'é l'coup d'recoutë léz rasèrrie fete en Bertêgne ou ben âillou en France. "D'ilë d'âillou", c'é vôtr emicion qi caoze déz muziqe coutumiere rassérée ilë e pé âillou.

D'une jouou d'armonica de Saint-Morice à un bouèzou meniao qi chante, d'un 'j'entend l'rossignolet" de Qhenneu à un "chante rossignolet" de l'Aveyron, d'un sonou d'violon déz ile Shetland à un chantou d'blues, C'é d'ilë d'âillou, vôtr emicion qi caoze déz muziqe coutumiere rassérée ilë e pé âillou.

Anet, c'é un "d'ilë d'âillou" specia pour Nouè. D'eune chantouere de Joslein à un sonou d'cabrète du Limouzin, d'eune chantrie de Nouè en franco-provença à eune aotr en occitan, D'eune "perdriole" en anglléz à eune tecniqe de chant déz saami, C'é d'ilë d'âillou, vôtr emicion qi caoze déz muziqe coutumiere rassérée ilë e pé âillou.

Anet, eune emicion speciale pour la dèrniere banie de Dastum su l'peyz de Piermè. C'é don eune chëminnrie su léz rote du peyz, méme si j'alons toucome fere eune pëtite croche par l'Ardéche e l'Pouétou. C'é d'ilë d'âillou, vôtr emicion qi caoze déz muziqe coutumiere rassérée ilë e pé âillou.

D'eune chanson de Piermè à eune chanson du Tarn, d'un pâs de sète du peyz de Foujere à eune seven-step polka du Haot de l'Anglletére, d'eune cochinchine danouâze à un concertina irlandéz, c'é d'ilë d'âillou, vôtr emicion qi caoze déz muziqe coutumiere rassérée ilë e pé âillou.

Den cete emicion, "d'ilë d'âillou" rfe le voyaije de l'anée e rpâsse tout léz sujit q'on të vu : léz ére, le repèrtouère, la bouzine, le violon, léz gavotou...