Liesvouezh

Daoust hag eo ur redi stourm ma vezer LGDTE+ ?
Lod n'o deus ket c'hoant da enebiñ ouzh ar feulsterioù graet outo, n'o deus ket c'hoant da anavezout ez eus feulster zoken, lod all zo erru skuizh da stourm hag o deus kavet doareoù da vevañ e peoc'h gant ar bed, lod all c'hoazh o deus ezhomm da stourm evit gellet bevañ.
Rosalie, Valentin, Eno, Liza ha Loïc a zo kentoc'h stourmerien·ezed hervezho ha pep hini 'neus h·e mod da stourm.
Un abadenn gant Morgane Bramoullé.

Daou dra boutin a zo d'an holl vouezhioù a glever en heuliadenn Queeromp : bezañ brezhoneger·ez ha bezañ L, G, D, pe T.
Met peseurt liamm a zo etre an div vinorelezh ma z'eus unan ?
Er rann-mañ e vo kaoz eus ar vezh hag eus al loc'h, kaoz e vo eus petra 'ra d'ur vuhez bezañ minorelaet, peseurt stourmoù a zegas, peseurt nerzh ivez.
Un abadenn gant Valentin, Metig, Loïc, Liza hag Eno kaset da benn gant Morgane Bramoullé.

Michel de Montaigne, ganet e 1533, a skrive en e levr Les essais, "Notre vie n'est que mouvement". Da lâret eo, fiñval, er c'horf, er spered, er galon eo bevañ. Paouez da fiñval eo mervel.
Ar prederour Paul B Preciado ganet tost 500 vloaz war lerc'h e 1970, a labour, en e levr Un appartement sur Uranus, war tem an treuziñ e liamm gant an dreuzidentelezh. Displegañ a ra penaos n'eo ket treuziñ, mont d'ur poent A betek ur poent B, met kentoc'h bevañ el lec'h treuziñ-mañ. An dra-se eo bevañ da vat, treuziñ, fiñval. Ha gwir eo evit an holl draoù a vev.
Queeromp, hon identelezhioù o fiñval gant Liza, Loïc, Rozalie ha Metig.
Un abadenn gant Morgane Bramoullé.

Coming out, un dro lavar e saozneg implijet bremañ e meur a yezh evit termeniñ ar fed da embann e vezer treuz, div, gay, lesbian d'ar re all.
E brezhoneg e c'hellfer lâr "emziskuliañ".
Perak e vez lâret "coming out" ? Berraet eo bet an dro lavar, "Coming out of the closet" a oa ar frazenn orin. Gallekaet eo bet e "sortir du placard". An armel a vefe al lec'h lec'h e vez kuzhet ar sekredoù mezhus. Chom en armel a dalv neuze chom hep embann e identelezh gant an aon da vezañ mezekaet gant an dud tro-dro, da goll h·e labour, h·e zi, mignoned·ezed ha kerent.
Tud zo n'o deus diaezamant ebet da gompren ha da lâr int queer. Tud all ne rint morse o c'homing out. Hervezh ur studi graet e 2019 gant ar Yale School of Public Health ez eus 83% eus an dud LGDTE+ er bed a guzh piv int.
Emziskuliañ n'eo ket anat neuze.
Loïc hag Eno a gont an dra-se da v/Morgane Bramoullé.

Petra eo ar gumuniezh LGDTE+ ? Peseurt talvoudegezh he deus evit an dud LGDTE+ ?
Daoust hag eo ur glogorenn lec'h ma c'heller kejañ gant tud a vev traoù heñvel, lec'h ma c'heller kaout darempredoù karantez, lec'h ma c'heller riboulat ha flirtiñ hep ma 'vefe dañjerus.
Daoust hag eo ur strollad evit gellet stourm ha kaout ostilhoù evit en em zifenn ha klask gwellaat an traoù ?
Liza, Eno, Metig, Valentin, Loïc ha Rosalie a respont da v/Morgane Bramoullé.

Ar stourmerez yaouank Gwenola Gerard-Seznec a zo ganeomp evit klozañ gant an heuliadenn Liesvouezh gouestlet d'ar spi dre ar stourm.
Gwenola he deus kemeret perzh d'an emsav Fridays For Future.
Un emsav neus diwanet un tamm pep lec'h e Frañs.
Hini Kemper a zo deuet da vezañ ar Pennduigoù Glas.
Gwenola a zo c'hoazh o stourm eno.

Evit ar pevare rann e vo klevet ur wech c'hoazh, Maxime Touze dilennad en tu enep e ti-kêr Douarnenez, ezel eus ar strollad Unvaniezh Demokratel Breizh ha kelenner istor ha brezhoneg er skolajoù publik.
Ha klevet e vo ivez Claire Cariou stourmerez evit an endro.
Displegañ a raio deomp ar pezh he deus lakaet e plas en he stourm, dreist-holl gant ar gevredigezh [Côte Waste] (https://cotewaste.fr/qui-sommes-nous/) hag hec’h embregezh [L'éclaireuz] (https://leclaireuz.com/) .
Sonerezh :
Meydan - Change
Gwendoline - Conspire

Maxime a zo dilennad en tu enep e ti-kêr Douarnenez, ezel eus ar strollad Unvaniezh Demokratel Breizh ha kelenner istor ha brezhoneg er skolajoù publik.
Kontañ a ra deomp e engouestl er politikerezh ha displeg a ra deomp e sell war ar politikerezh broadel met dreist-holl rannvroel ha lec'hel.
Sonerezh :
Meydan - Change
Gwendoline - Conspire

Youn Jardin milite depuis des années pour défendre la cause des palestiniens et des palestiniennes avec l'association France-Palestine Solidarité. Il a défendu l'hôpital de Douarnenez en 2014 en créant un comité de soutien et reste engagé au Secours populaire qui aide les plus démunis.
Une vie à militer, porté par l'espoir d'un monde plus juste.
Musique :
Meydan - Change
Gwendoline - Conspire

Evit kregiñ ganti e vo klevet Diane Lefebvre psikologourez e Konkerne evit rann gentañ.
Lakaet e vo ar gaoz war ar yec'hed spered hag an eko-anken.
Sonerezh :
Meydan - Change
Gwendoline - Conspire