Dilennadegoù 2024 - petra eo ho soñj ?
Radio Kerne
Clelia, animatourez sevenadurel
Emaomp gant Clelia Steczuk - Ansquer, animatourez sevenadurel e Ti ar Vro Kemper, o chom e tro war-droioù Kemper. Eus pegen a-bouez eo souten bed ar sevenadur 'vo kaoz, eus talvoudegezh ar c'hevredigezhioù a bep suert er vuhez pemdez ivez hag eus koust ar vuhez 'vo kaoz ganti ivez.
Pauline Kerskaven, karget gant ar c'hehentiñ hag an emglev e Dour ha Stêrioù Breizh
Ar pennad " [L'urgence politique est aussi environnementale] (https://www.eau-et-rivieres.org/legislative2024?fbclid=IwZXh0bgNhZW0CMTEAAR3yc45YaHI1kJ1X3VUM-NCO62AEEAkLfdDvs0wvmxKy8EhTFAw4cwyaHTU_aem_Zx93C7BNky6n-dlg-wXdqA) " a oa embannet d'an 18 a viz Even gant Dour ha Stêrioù Breizh. Ar gevredigezh a warez kalite an dour hag an endro dourek a c'halv an dud d'en em vodañ a-enep da vennozhioù an tu-dezhoù pellañ.
Ar memes sizhunvezh e oa skignet ur reportaj diwar-benn kalite an dour war aodoù Landunvez gant Envoyé Spécial war France 2. Sujed an abadenn a oa ar saotradur er mor el lec'h ma z'a an dud da gouronkañ.
Gant Pauline Kerskaven a zo karget gant ar c'hehentiñ hag an emglev e Dour ha Stêrioù Breizh e lakaomp ar gaoz war blas an endro er politikerezh. Kregiñ a ra o tisplegañ penaos eo stad an dourioù hag ar mor e Breizh.
Yann-Ber, kelenner war e leve
Emaomp gant Yann Ber Kemener, kelenner war e leve, o chom e gourenez Kraon, e Terrug. Deus ar yec'hed ha pegen diaes eo gwelet mezeien ha mezeged ispisiliazet pa vezer o chom pell eus ar c'hêrioù bras 'vo kaoz gantañ ; deus an nebeut a baizanted a chom er vro ha deus al lojeiz 'vo kaoz ivez.
Annezidi hag annezadezed Bro Roazhon ha Naoned
An dilennadegoù a vo e fin ar sizhun a vez dalc'het en un endro dibar a c’hellfe cheñch kalz traoù. Bet eo Liza Jakez-Vargas ha Morgane Cotten o kejañ ouzh annezadezed hag annezidi korn bro Roazhon ha Naoned ha goulennet o eus gante dija hag ez zafent da votiñ.