E Ruz ha Du

Echu ar c’houlzad gant Stad Roazhon ! Poent eo da Erwan, Maudan ha Tangi ober ar bilañs kentañ. Disoc’hoù fall ar skipailh pennañ, met ivez an trec’h e kib Gambardella gant ar re yaouank ha peseurt sell evit an dazont : setu ar pezh a vo klevet en abadenn.

Disoc'hoù etre zo bet ar miz-mañ gant Stad Roazhon. Gant disoc'hoù mat a-enep d'ar skipailhoù gwan, ha disoc’hoù fall a-enep d'ar skipailhoù kreñv. Peadra da gaout spi evit an dazont pe er c'hontrol da vezañ ankeniet ?
Maudan, Erwan ha Tangi a glasko respont d'ar goulenn-mañ.

Gant disoc'hoù diwezhañ Stad Roazhon eo pellaet traoñ ar renkamant. Met n'eo ket bet trawalc'h da adstagañ gant redadeg Europa. Neuze, echu eo dija ar c'houlzad evit Stad Roazhon ?
Setu ar pezh a vo gwelet gant Maudan, Erwan ha Tangi.

Gwelloc'h an disoc'hoù gant Stad Roazhon ar miz-mañ = imoret gwelloc'h Maudan, Erwan ha Tangi.
Krogadoù kentañ Habib Beye, c'hoarierien ar greizenn stummañ o reiñ lañs d'ar skipailh, peadra a vo da lavarout gant harperien Stad Roazhon.

Evit Stad Roazhon e krog ar bloaz nevez e-giz 'oa bet echuet ar bloavezh 2024 : matchoù kollet. Ar pezh a c'hell bezañ digalonekaus evit an harperien-ezed Ruz ha Du. Met n'eo ket trawalc'h evit Maudan ha Tangi da zilaoskel o c'hlub muiañ karet.
Disoc'hoù fall, c'hoarierien nevez, dazont Sampaoli : setu deus petra 'vo kaoz en abadenn-mañ.

N'eo ket bet aes lodenn gentañ ar c'houlzad gant harperien Stad Roazhon. Met erruet poent ober un tamm bilañs. Peseurt sell war ar c'hoari ? Peseurt c'hoarier zo bet mat ha pehini zo bet fall ? Ha spi a c'hellomp kaout evit eil lodenn ar c'hampionad ?
Maudan ha Tangi a glasko respont d'ar goulennoù-mañ.

Cheñchamantoù zo bet e penn ar skipailh Ruz ha Du nevez zo : ur gourdoner nevez zo erruet, Sampaoli e anv. Peadra da gaout spi en dazont ? Setu ar goulenn savet gant Maudan, gant Erwan, Glen ha Tangi.

En eil abadenn E Ruz ha Du e tistroio Maudan Erwan ha Tangi war disoc'hoù Stad Roazhon ar miz paseet. Klasket 'vo gwelet peseurt c'hoarierien o deus tennet gounid deus ar sistem nevez ha peseurt re zo bet lakaet diaes, a-raok echuiñ o tigeriñ an diviz war an dazont, gant Julien Stephan pe get.

Bec'h dezhi Roazhon !

Evit abadenn gentañ E Ruz ha Du e kinnig Maudan distreiñ war merkato Stad Roazhon ha penn-kentañ ar c'houlzad gant Tangi ha Saig.