Lerc'h ha lerc'h

Perzh eo Glen, Nicolou, Bastian, Daphné ha Julien er strollad muzik Chien Denfant.
Nevez 'zo o deus embannet o albom kentañ, gant ur son rock ha kanaouennoù e galleg hag e turkeg. Deuet eo Nicolou ha Glen betek studio Radio Kerne evit displeg hiroc'h deomp.

[La Loco] (https://www.laloco.bzh/) e Kemperle a zo ur sal sonadegoù hag ul lec'h sevenadurel buhezek en ur savadur bet gwechall un ti-gar-houarn, ar pezh a ro dezhi un identelezh greantel ha degemerus. A-hed ar bloaz ar gevredigezh a ginnig ur programm liesseurt a vesk sonerezh a-vremañ, arvestoù ha darvoudoù kevredigezhel. O lakaat war-well strolladoù anavezet mat dija hag arzourien·ezed nevez. Deuet eo La Loco da vezañ ul lec'h emgav evit annezidi Kemperle hag an tro-war-droioù.
Lors Landat bet prezidant kozh ar gevredigezh hag a-youl vat bremañ a gont deomp hiroc'h warni.

Ur vrav a bodkast a gaver war lec’hienn BCD Bretagne Culture Diversité, sevenadurioù breizh. Ur podcast gouestlet da enrolladennoù hag al labour kaset a-benn gant Daniel Jekel, animatour radio bet e RBO ( d’ar mare-se) kerzh daouzek vloaz.
Anna Quere ha Tudi Crequer a lâr hiroc'h deomp.

Deskomp hiroc'h war ar systema gant Kaou Langoet.
Ur sport emgannañ a vro Rusia eo ar systema, diazezet war lusk ar c'horf hag an anal.

D’an 18 a viz Genver ‘oa roet ur brezegenn gant Kentigwern Jaouen, danvez-doktor war istor ar Grennamzer, diwar-benn ar c’hentañ bagoù ijinet evit emgannioù war vor ( e Breizh ) er XIVvet kantved.
Prezegennoù all a vo dalc’het gant izili ar gevredigezh ‘Pont-Croix 1358’.
Er programm gouestlet d’ar Grennamzer ‘vo kentelioù diwar-benn an istor evel skiant hag an arkeologiezh, ar vuhez pemdez er Grennamzer, kredennoù, ritoù ha gizioù an dud d’ar poent-se.
Ar prezegennoù-se vo kinniget gant skolveuridi pe tud tik gant o danvez. An deskarded a c’hell bezañ izel o live, n’eo ket soñjet ar prezegennoù-se evit an arbennigourien hepken.
=> [https://pont-croix1358.bzh/] (https://pont-croix1358.bzh/)

Samuel Julien a skriv pennadoù liesseurt evit ar gelaouenn ‘Bremañ’ abaoe 2013.
An aliesañ ‘tegas deomp un anaoudegezh deus istor pobloù Europa dre o glad savet, kizellet, kanet, komzet...
Faotet ‘neus dezhañ strollañ an holl bennadoù-se (ouzhpenn 100) en ul levr kaer hepken.
E ditlet en deus ‘’Skeudennoù hor melezour’’ // gant an ti-embann Levr an Arzhez.
Da brenañ digant Bannoù Heol pe er stal-levrioù l'Encre de Bretagne.

Ar sizhun e tizoloomp buhez bemdez ha kefredioù Elina Vandenbroucke,maerez an Trehou Kerne.
Met ivez he doare da welet he rol maerez

Klervi Mandon eus ar strollad [Nous Toutes] (https://www.noustoutes.org/) Kemper diwar-benn an darvoud War-Sav evit an devezh a-enep ar feulsterioù graet ouzh ar plac'hed a vez bep bloaz d'ar 25 a viz Du.
Hag enskrivet eo bremañ ar c'henasant pe kentoc'h an diouer a genasant e termenadur an tagadennoù seksel hag ar gwal. Distreiñ ~a raimp war an dodenn-mañ gant Klervi.

Petra eo se daeadenn ar 1 000 familh ?
Mazeaz ar Brun a lâr hiroc'h deomp en abadenn Lerc'h ha lerc'h

119 skignadenn e 78 lec’h e Penn-ar-Bed setu pezh vo kinniget deoc’h kerzh mizvezh an teul-film hag a zo o tostaat.
Un darvoud broadel kenurzhiet war skeul an departamant gant ar gevredigezh Daoulagad Breizh.
Penaos vez graet neuze vit aozañ un darvoud ken bras gant kement a gevellerien ?
Elen Rubin, renerez Daoulagad Breizh a lâr hiroc’h deomp