Kreiz Mintin

C'hwi ouia dija, ar ster Ele a ra an disparti etre ar vro pourlet hag ar vro Chtou. Damp d'ar vro pourlet neuzen, da Velonn. Eh imp ur wezh ohpenn get Charly Vouedeg. Hinnezh 'neus kaojet geniñ a-ziàr ar skol, ar brezel ha traoù-erell. Setu neuzen eil lodenn un atersadenn kaset da benn get Jañlug er Mouel.

Eit ur wezh n'on ket chomet ba Bro Gwened eit gober an atersadenn-mañ. Oet on tre beteg Poullaouenn eit rañkontriñ sonerion. Ur sonadeg oe kanniget ba un davarn duhont. Ur sonadeg get ur strollad nevez. Ur c'hwartet neuzen, get Gildas Buhe, Glenn Merdy, Philippe Gloagen ha Pierrick Tardivel. Ni'beus keneret un tammig amzer ba Tavarn ar C'hariboù eit kaojal. Displeget eo bet diñ petra eo ar strollad-sen, pesort muzik vez kanniget gete ha petra eo spered ar strollad.
n abadenn kanniget get Jañlug er Mouel

Fin Mae ! Ba fin ar sizhun-mañ e vo ur pardon bras er vro pourlet. Ur pardon hag a zo daet da vout ur fest vras, ur fest a bouiz eit sonerion ar vro. A goste d'an overenn ha d'ar predision e vez organizet ur c(hoñkour sonerion daou-ha-daou hag ur c'honkour eit ar zañserion. Ma'meus graet abadennoù Kreiz Mintin dija a-zivout ar pardon-sen : kani Sant Iwan Bubri neuzen organizet tro dro d'ar chapel. Koste Bubri e vez kavet meur a chapelioù ha me am boe c'hoant da ouiet hirroc'h a-zivout ar chapelioù-sen. Oet on da welet Monig ar Boulc'h neuzen ha ni beus kojet a-ziàr ar chapelioù, ar zent ha toud an traoù. Ha ba fin an abadenn-mañ evo klevet un istoer Yann ar Baluc'henn kontet get Daniel Doujet.
Un abadenn kaset da benn get Jañlug er Mouel

Ag un dachenn vihañ ba tal ar vourc'h tre beteg Paris ha d'an Asamble Nasional. Oet on da atersiñ Aimé Kergeriz. Hinnezh oe anavet er vro ha bermañ eméñ ba e retret. Maer Pleheneg oe bet, kuzulour an departamant ha depute de heul. Durant an abadenn kreiz Mintin-mañ e vo kontet deomp toud an traoù geton : e vugaleaj durant ar brezel, e skolaj, e vuhez labour. Ba fin an abadenn e vo ur gronikenn Yann ar Baluc'henn kontet get Daniel Doujet hag Anaik Lukas hag un istoer farsus da heul. Tapit ur gadoer, un tasad kafe, lakit ar c'hi ba porzh eit bout trankil.
Un abadenn kaset da benn get Jañlug er Mouel

Ola Natali ! Sur-awalh eh oc'h é lakaat ho potoù hag ho chupenn eit mont da labourat ! C'hwi ho po un tammig amzer ba ho oto eit selaou an abadenn Kreiz Mintin-mañ. Sur afond ! Ho oto emañ nevez ha sur e vez an DAB+ ba ho ^post radio ha neuzen e vo aes da selaou get ur son a galite. Neuzen e vin c'hoazh get Aimé Kergeriz da Bleheneg. Ni beus kaojet a-zivout ar bolitikerezh, ar brehoneg, buhez an dud hag a-zivout un asosiasion ba Pleheneg. Ba fin an abadenn e vo ur gronikenn Yann ar Baluc'henn hag eit achiv toud e vo ur gronikenn-erell get Herri er Borgn a-ziàr brehoneg ar Skorff.
Un abadenn Kaset da benn get Jañlug er Mouel.

Eil emision sawet get archiveù a-ziàr an ognon :
Job Ezanno aterset get Loeiz Konan : ognon an Ardewen , ar beizantereħ 'kostȩ ar mor, ar vuhȩ gwerall ... ( eil tamm -achumant)
Sonenneù lâret get : Pier er Floc'h / Suzanne Gwegan / Bejeb Philippe / Sofi en Huñseg
Emision kampennet get Maxime Morvan Crahé

Ola ! Peneost e ya an traoù geneoc’h hiriv Martine ? Gwell da ma soñj ! Arlec’h tiommder ar sizhun baset eo bet fresk ar week-end. Avel ha glav àr an dro. Hag hiriv emañ brav ha klouar an amzer. Sur a-walh eh oc’h e lakaat ho potou. Prest eo ho pelo ba ar c’hardi. Gozig prest da vont da blasenn an ti ker d’ar marc’had èl pep lun ba Ploe. Gorteit un tammig ! Arriv eo eur ho abadenn Kreiz Mintin muian karet. C’hwi yay pa vo achiv ! Oet on da anrejistriñ ur vaouez hag a vez anavet mat geneoc’h bermañ. Ana a Laoulan. Ni beus kaojet hon daou
àg ar c’han, ar c’horal ba ar Gemene, an dañs, ar loened gouez hag ar sivi ha traoù-rell
ba fin an abadenn e vo klevet ur gontadenn kontet get un den da Garnasenn, Pier Bakon.
Ale ! EL kustum martine ! Kit d’ho veranda, Digorit an nor eit non pas bout diranjet get ar c’hazh. Tosteit d’ar post. Arriv eo termen an abadenn Kreiz Mintin. Un abadenn Radio Bro Gwened ba berton ar vro get tud ar vro eit razh an dud.
Muzik :
Ma Mamm Gaer
Boubacar Traore - Je chanterai
Denise Le Noay - O Laoulan
Angine de Poitrine - Fabienk Later
Un abadenn kaset da benn ha kaniget get Jañlug er Mouel

Un euriad asambl get Padrig Drean, é komz a varħonieħ , ag é varħonegeù dastumet ér liwr newę-sortiet : Kromennoù .
Emision kampennet hag animet get Maxime Morvan Crahé.
Sonenneù : Lisa Leblanc / Jaylann / Youenn Gwernig

Un euriadig asambl get Marie-Claire Gwilhemot a Laoulan é komz a hé buhę, Laoulan gwerall hag istoerieù a bep sort .
Muzik ha sonenneù : Denise Noay / Kanderaoù Laoulan / Thérèse ha Raymond Darcel
Emision kampennet get Maxime Morvan Crahé
Limaj: bretagne-devouverte.com

Un emision sawet get tammeù archiveù :
Valentine Kalvę a gomz demp a hé gwaz Armand, gourenour a Langedig, asambl get Rose er Mank, aterset get Monig er Boulc'h ér blę 1998.
Pier Flejeù, gourenour a Bloe aterset get Loeiz Konan ér blę 2002.
Sonenneù ha kanenneù : Monique Konaneg / Edouard Saoz / Jeanne Dili / Pier er Floc'h / Jeanine Kemener
Emision kampennet get Maxime Morvan Crahé