Tavarn Kreiz Mintin

Jean-Michel er C’hunff eman é chom ba Lomalo met a Laoulan eman. A-viskoazh en deus kanet get tud e familh ha savet en deus ur skipailh kanourian get un nebeut àg e ganderien. Hinnezh a zisplega razh an traoù-sen.
Muzik :
Kanderien Laoulan – Couic Couic Couic mon père
Clémentine Doran – Funky Day

Eit eil lodenn an atersadenn e kaozay Dominig Pouleriquen a-ziàr ar repertoar a vez sonet geton get e vombard, ar filajoù gwezherell e-pad ar gouianv hag ar sonjoù a-zivout e gornad vro.
Musik :
« Gavotenn a vro pourlet – CD A veg da veg » - Pouleriquen /Le Padellec

Hiriv e vimp get Dominig Pouleriquen àr ribl an Ele met doc’h tu Prijeg. En en deus ‘n em staliet ba ti e dud kozh doc’h tu e vamm àrlec’h e retret. Hinnezh a gonta deomp e vuhez paizant koste Langoned ha penaos en doe komanset da sonin ar vombard pa oe krenard.
Musik :
« Sveteliai Ciemiņi » - Laurita Peleniūtė & Auļi
« Gavotenn a vro pourlet – Konkour St Iwan Bubri 2023 » - Pouleriquen /Le Strat

Eman Denise lan a nerzh ha beugon. A Verlavinez eman met heuliet ‘noe he zud doc’h tu Lokmikelig pa oe yaouank. Kontin a ra deomp he buhez labour en dachenn ha er porzh pesked ba’an Oriant.
Musik :
« Gwashan micher » - Pierre Guillevic
« Kaj » - Mehrad Hidden

Setu trede lodenn an atersadenn graet get Brieg Doujet. Intereset aboe pell get ar c’han en en deus ‘n em lakaet da zeskin kanal en ur gelenn. Aozet vez gete berman abadennoù a bep seurt : atalieroù kan, filajoù, hag all.

Damp en dro e kompagnonezh Brieg Doujet eit eil lodenn e atersadenn. Arlec’h bout bet e Alemagn eit e studioù hag ur labour ijinour, en ‘zo daet endro da Vreizh. Neuzen e gonta deomp penaos eo daet da vout kelenner, penaos en deu desket dansal dansoù a Vreizh en Alemagn et dreistoll penaost en doe impliet ur galloud dianavet ar c’houign amann.

Ni’vo hiriv e kompagnonezh Brieg Doujet. Kaojet a vo geton a-ziàr benn ar brezhoneg ba e familh ha penost eo daet ar parlant-sen da vout e barlant ketan. En a gonta deomp pesort studioù en neus graet ha traouigoù a-ziàr e labour ketan e bro Alemagn.

Hiriv e vimp e kompagnonezh Virginie Besnard ba Kilombo Mane Bihan, ur lec’h savet geti hag he hanter boutik Geraud nav ble zo . Du-sen e vez kavet yourtoù ha Tiny Houses, un atalier munuzer, ur jardin ha pradeier. He a zisplega deomp penaos a gerzha ar lec’h ha petra vez graet gete eit krouin liammoù etre an dud.

Muzik :

An Tri Pichon – Me’m eus un ti
3030 – O Outro Lado

François Le Roux zo ganet ba 1935 ba Ploe ha teskaoz neus soñj mat ag an eil brezel... Eñ gonta ivez un tammig diàr-benn brezel an Aljeri. Eñ gempenne ar c'hamionoù aze.
MUZIK
Jo Sergent - En Aljeri - KAB 97

Ni zo ba komagnunzeh François Le Roux; En zo ganet ba 1935 ba Ploe. En neus groet pasabl a vicherioù. Eid komañs oe aet de vout mevel pa oa krenard, da 14 vlez. Daet eo en dro d'ar vro eid deskiñ ar vicher go : eñ houarne ar c'hezeg b'an Ignel.
MUZIK
Pascaline Le Roux ag an Ignel : Enig bihan
Foto : Theodrore Gericault