2 vunutenn evit kompren

Gouzout a ouzit pegen a-bouez eo deuet da vezañ hor pellgomzerioù ezhoug en hor buhez. A-drugarez dezho e kavomp hon hent, e talc'homp soñj deus deiz ha bloaz hor mammoù kaer hag e chomomp kelaouet ! 2 viliard hanter, setu an niver a dud er bed a-bezh o deus ur smartphone, ur pellgomzer speredek. Hag en o zouez pet a zo drammet, adiktet gant o mekanik bihan ? Kalzig sur mat ha n'eo ket ur souezh. Savet eo ar smartphonoù EVIT desachañ hon evezh ar muiañ posubl hag e ya mat-tre en-dro. 1 eurvezh 42 a gasomp war hor pellgomzerioù dre geitad e Frans. Ouzhpenn 2 eurvezh ha kard evit ar re dindan 35 bloaz !

Setu erru eo mare spontusañ ar bloaz. Mare ar sifern ! Vaccin ebet, hag estreget ur banne dour tomm, mel, sitrons ha rhum, 'neus ket a louzoù efedus kenebeut ! Padal eo anavazet ar c'hleñved abaoe mare an Ejipt kozh da nebeutañ. Ha n'eo ket souezhus : bep bloaz eo tapet un den gour gant ar sifern etre 2 ha 4 gwech, hag ar vugale a c'hell bezañ siferniet betek 10 gwech ar bloaz.

Peurliesañ ne talc'homp ket soñj deus hor buhez a-raok 4 bloaz, ha nebeut tre a envorennoù hon eus etre 6 hag 8 vloaz. Ha perak 'ta neuze ? Normal eo disoñjal evel just hag eo diaes-tre derc'hel soñj deus un amzer ken kozh hag ar bugaleaj bihan. Met hor bloavezhioù buhez kentañ a ro deomp nebeutoc'h a eñvorennoù eget dleet pa kemeromp e kont an dregantad a ankouadennoù normal.

Tost e pep lec'h er bed e vev ar maouezed hiroc'h eget ar baotred. N'eus nemet en un nebeut broioù afrikan tapet kalz gant ar SIDA e varv yaouankoc'h ar maouezed. Dreist holl neuze e vev hiroc'h ar maouezed hag an diferañs a c'hell mont betek 15 vloaz e Bro Rusia ! E Breizh ez eus 6 vloaz a ziferañs memes tra. Ar maouezed a vevo betek tost 85 bloaz. Hag ar baotred betek un tamm ouzhpenn 78 vloaz. Met perak an diforc'h bras mañ ?

Snouziñ ? Petra an diaoul eo ar verb-mañ ? Snouziñ deus ar ger saoz snooze a dalv tamm pe damm kousket. Ar ger snooze a zo ivez anv unan deus touchennoù ho tihuner ! An douchenn a ro urzh d'an dihuner ober trouz en-dro 5, 9, pe c'hoazh 15 munutenn goude an trouz kentañ.

Perak hon eus krec'higelloù, krec'higennoù, roufennoù ? Torroù bihan ar c'horc'henn eo ar roufennoù. Torret 'vez ar c'hroc'henn 'blam ma kouezh tamm ha tamm an derme. Ha kouezh a ra peogwir e ya 2 brotein diwar wel gant an amzer o tremen.

Perak eo dibosubl breugeudiñ en egor ? Ar respont zo roet gant Chris Hadfield, an astraer 'noa sonet kanaouenn Space Oddity gant David Bowie pa oa en efor en SEE, ar savlec'h egor etrebroadel.

An astrofizisianed a soñj dezho e varvo an Heol a-benn 5 miliard a vloavezhioù. Er c'hozmos ez ur penn hag ur fin d'an holl draoù. Evitomp-ni tud munut, n'eo ket gwall blijus soñjal e fin an Heol ha fin ar vuhez war ar voul-douar met bez eus marvioù bravoc'h eget reoù all. Betek hen e soñje deomp e oa re vihan an heol evit mervel e-giz un tan-arvest. Met a-drugarez da araokadennoù ar patromoù roadennoù e c'hell ar skiantourien embann ne yao ket an heol diwar-wel didrouz.

Tenn a ra ar pesked o anal e-giztomp, e-giz an holl loened ! Ar pal : euvriñ oksijen ha skarzhañ dioksidenn garbon. Anat eo e vez kavet oksijen en aer, mod all ne vijemp ket bev met bez zo oksijen en dour ivez. Kalz kalz nebeutoc'h, 25 gwech nebeutoc'h eget en aer. Ken ral eo e kemer an tenn anal 30% deus energiezh ar pesked !

9 flanedenn pe 8 ? E-pad 76 vloaz eo bet Ploudon unan eus planedennoù koskoriad an Heol. Met n'eo ket mui. Perak 'ta ?