Avel em fenn

Anais Le Roux a gas deoc’h betek bro Dailand e lec’h he doa veajet asambles gant e familh e miz Kerdu tremenet.
ASMR war Brezhoweb ! Muoc'h gant Florent Grouin.
An ingalded merc’hed-paotred, ur sujed zo bet lakaet er skolaj Diwan Plijidi.
Keleier ar vro hag ar bed : Metig Jakez-Vargas
Teknik an abadenn ; Sahel Frangeul
Buheziñ : Yann Boishardy

Barzh an abadenn hiniv, c'hoazh ur wezh e kompagnunezh Alan, stajiad a Skol an Emsav, e vo komz ag ar stlenneg, pe an informatig mar karet. Emrys zo bet é reportajiñ e Mirdi ar Gartenn-bost e Baod, lec'h ma oe bet aozet un devezh-studi a-ziar an IA er mirdioù. Klevet e vo eur a zen, pep hani get ur savpoent dishañvhal àr an tem-mañ. Loeiz Beleg, ivez, a gomz ag ar stlenneg, en e gronikenn 'Ar Hentoù an Antroposen'.
Goude ar c'heleier, kaset hiniv get Erwan Blanchard (ha ne oe ket Anton Burel èl m'em boe laret, ma digarez!) e klevit fin ar pennad-kaoz get Dominig Allain a-ziar an anvioù-familh.

Lan-chouk oestudio Radio Bro Gwened aveid hos abadenn hiniv! Be oe stajidi a Skol an Emsav, Elora hag Alan, Corentin, animatour nevez RBG.2, hag Emrys, doc'h an daol-veskiñ é animiñ an abadenn. Ha ne oe ket c'hoazh trawalc'h a dud, ker e kreiz an abadenn e ta Aodren Trehin genomp ivez, da laret ar c'heleier!
Ni 'gendalc'hey ar gaozedenn get Dominig Allain a-ziar an anvioù-familh e pennad-kaoz ar sizhun, ha klevet 'vo ivez an eil lodenn ag ar gronikenn Yec'hed hon doe komañset dec'h. Alan Goulven a gomz ag an alerjioù, ha penaos o aesaat.
An atersadenn hir ag an devezh zo bet kaset deomp gres da Radio Naoned: Liza Jakez-Vargas he doe aterset Brieg Marais Jegat, paotr ar skate, a-ziar e bodkast ha kultur ar skate en Naoned. Mard oc'h koutant ;)

Hiniv eh omp e kompagnunezh Alan, stajiad a skol an emsav e Roezhon!
C'hwi glevey Tangi Jehanno ag ar c'henstrollad Klamm é konz a-ziar an aperoioù Klamm, ur fest a veaj dre vro an Alré durant an hañv: moian vo monet da selaou doc'h sonadegoù digoust un tammig pep lec'h er vro-se! Kerzhit da welet o lec'hienn ma faot deoc'h gouiet hiroc'h: [https://www.klam-records.net/aperos-klam] (https://www.klam-records.net/aperos-klam)
Modarall e tispleg Alan Goulven an alerjioù, hag a vez stank er c'hours-mañ ag ar blé. Kendalc'het e vo ar gaoz get Dominig Allain e pennad-kaoz ar sizhun, ha Metig Jakez-Vargas a lenn ar c'heleier.
Abadenn kaset get Emrys

Julien Antoine a lak ar gaoz diwar an ultimate, da lâret eo ar frisbee a-stroll, da geñver an touarnamant a vo ba bro Oueloù, er Faved an dibenn sizhun a zeu.
Deus traoù siriusoc’h eo kistion ivez, da lâret ar chenchamant politikel a zo bet daou viz zo e Breizh. Perak eo aet ar maout gant an tud dehoù ? Maïwenn Raynaudon deus ar gelaouenn Bretons, a ro deomp displegadennoù ha martezeadennoù.
Domnique Allain a zo aet d’an anaon div sizhun zo. Met enrollet oa bet gant Radio Bro Gwened diwar ul levr a studi an anvioù familh e Breizh.
Stajiadez Roudour Karaez : Klervi Herve
Buheziñ ha teknik : Yann Boishardy

Julien Antoine, a lak ar gaoz diwar an tournamant ultimate a vo e bro Oueloù an dibenn sizhun a zeu. Ur seurt Frisbee a-stroll eo an ultimate. Ur sujed kinniget gant Typhaine Leon, deus Radio Kreizh Breizh ha radio Treger Goueloù.
Florent Grouin, deus Brezhoweb a gont deus an heuliadenn avantur nevez kinniget gant ar chadenn internet : Nomad war an hent !
Dominique Allain, a zo aet d’an anaon pemzektez zo. Tomm e oa kalon Dominique gant sevenadur Breizh. Hiriv eo kistion deus al levr en doa embannet diwar an anvioù familh e Breizh.
Keleier : Anton Burel
Stajiadez Roudour Karaez : Klervi Herve

Hiniv e vez lidet 25 blez Ti an Oll e Pondi! Ti an Oll zo Ti Radio Bro Gwened ivez, a c'houde 25 vlez, ha neuze e oe daet Francois Louis, bet prezidant d'ar radio, d'ar studio da barlantiñ get Emrys a-ziar ar radio en amzer baset. Tre g'en hent en hous abadenn!
Modarall e klevit ivez ar lodenn ziwezhañ a gronikenn Splann aveid ar miz-mañ, ha distro eo Denez Nignol get e grinikenn nevez, Glazadur!
Aeid ar wezh ziwezhañ e komzey Jean Rannoù hag e eñvorennoù e pennad-kaoz ar sizhun...hag Erwan Blanchard a gas ar c'heleier!

An tu-dehou pellañ a glask ober e jeu er vro a-benn skignañ e mennozhioù. Met rezistañs a zo ! Setu ar pezh a vo graet da skouer ba St-Brieg d’ar 6 a viz Even gant ar Festival evit Breizh Digor ha Kengred. Anne Koadig, ezel deus ar CVA 22 ha deus Solidaires Sud Education a gont deomp deus se.
Caroline Trouillet deus ar media enklask Splann a lak ar gaoz diwar ar pesketaerezh industriel met ivez diwar teulfilm Nicolas Legendre, Violences dans les champs.
Jean Rannou, gloazet ba brezel Aljeria e 1960, a gont ar pezh en doa bevet d'ar c'houlz-se.
Keleier : Metig Jakez-Vargas
Teknik : Sahel Frangeul
Buheziñ : Yann Boishardy

Bourrapted e studio RBG! N'emañ ket e-unan Emrys: Corentin a genanima geton, hag Aodren Trehin a gas ar c'heleier tre g'en hent!
An atersadenn hir ag an devezh zo bet graet get Aodren ivez: aterset he doe Thierry Jolivet ha Jeremy Robin ag ar gevredigezh Andon a-ziar sevenadur bro Gistreberzh. Ur vro divoutin eo, dre ma tremen an harz etre Breizh-Izel ha bro ar Gallaoued enni. Mesket vez an daou gultur, èl ma klevit en atersadenn.
Un eil atersadenn a zo get Thomas Postic ag ar gevredigezh Tamm-Kreiz: Tamm kreiz en doe aozet, asambl get Dastum ha Bretagne Culture Diversité, un tolp foran aveit komz a-ziar dazonet ar fest-noz.
Distro eo kronikenn Splann ivez, get Enora Molac ha Caroline Trouillet, ha kendalc'het vo ar pennad-kaoz agt ar sizhun get Jean Rannou!

Piala Louis a gont he buhez e bro Gebek el kanourez ha gitarourez. Kent pell e sortiey he albom kentañ!
Distro eo kronikenn Loeiz Beleg, 'Ar Hentoù an Antroposenn'. Hiniv e komz ag are c'hadmiom.
Jean Rannou vo klevet aveid ar wezh ziwezhañ, mes diwallit: eñ a gontey traoù kri a-ziar ar brevel en Aljeri hag ar jahinerezh.
Ar c'heleier 'vo kaset tre g'en hent get Aodren Trehin, hag Emrys a anim hous abadenn!