Petra nevez er vro ?

Kinniget e vo lid kolier an erminig gant Lena Louarn, kañsellerez, ha Dominique Cap, maer Plougastel. Al lid a vo d'ar Sadorn 10 a viz Here 2026 e sal an Avel Vor.

En abadenn :
Julien Lamanda, livour anezhañ, en deus livet ur freskenn vraz e straed Sant-Malou e Brest.
Tomaz Laken, deus Radio Treger Goelo, a ginnig e abadenn "Peoc'h 'ba loch" a vo skignet war Arvorig FM bep Sadorn da 11 eur vintin ha bep Sul da 6 eur noz.

E lodenn kentañ an abadenn e vo klevet Jean-PIerre Le Gall, ezel eus strollad an UDB e Montroulez hag eus kevredigezh APMR , a stourm evit ma vefe kempennet an linenn tren etre Rosko ha Montroulez. Gantañ e vo kaoz eus ar vanifestadeg a vo d'ar Sadorn 26 a viz Gwengolo e Montroulez, kerzhadeg an Hin, aozet gant un ugent kevredigezh bennak eus Bro Montroulez.
Bal bastringue : setu anv un abadenn a vo d'an 29 a viz Gwengolo er Vauban e Brest, kinniget gant an Teatr Piba ha Derezo. Un abadenn sonerezh dibar, kinniget er mikro gant Loeiaz Beauvir, Marion Gwenn ha Theophile Rouzic-Plantec.

D'ar Sadorn 19 a viz Gwengolo ez eus bet aozet gouel meur skol Diwan Plougastel : fest ar Mor e porzh Tindu. Eno e vez kinniget d'an dud mont da vageal e bourzh bigi kozh Plougastel, anavezet evit al lienaj ruz. Tanguy Le Bot a zo pesketaer dre lien e porzh Tindu, hag animatour e oa d'an devezh-se.
En eil lodenn an abadenn e vo klevet eil kronikenn "Marvailhoù ha rimadelloù ar vro" gant Mikael Madeg : ar c'honter ludu _ Lambaol-Gwitalmeze.

E penn-kentañ an abadenn e kinnigo Iffig Calvez un nebeut abadennoù a vo da gaout e brezhoneg da-geñver devezhioù ar glad e Penn-Ar-Bed.
Hag en eil lodenn an abadenn e vo klevet dre bellgomz Nolwenn Horelloù, a zo unan eus aozerien Fest ar Mor, a vez aozet bep bloaz e porz Tindu e Plougastel evit skoazell er skol Diwan.

En abadenn e vo klevet :
Solange Cloarec diwar-benn program ar festival Deus'ta a vo dalc'het etre ar 24 a viz Here hag ar 1añ a viz Du 2026.
Yann Trocheris evit ar gevredigezh Diouzhtu a zo o sevel ur raktres embanennerezh niverel, pe levrioù da lenn war ar skrammoù

Silvennt Koant : lenn a ra daou istor evit ar vugale tennet diwar ar gelaouenn Rouzig
Lili-Dour, bet oc'h ober ur staj en Arvorig FM, a ginnigo ur gronikenn diwar-benn al liammoù etre ar filmoù hag ar bolitikerezh

Ar sizhun dremenet o doa gweladennet Maner Kerveatouz skolajidi eus skolaj Kerallan. Heñchet e oant gant Alfoñs Ragenes ha gant ar gevredigezh "Les Amis de Kerveatoux". Ar veaj-se e Plouarzhel a oa aozet gant o c'helennerez war ar sportoù Solenn Lavenant ha gant ar gelennerien war an istor hag ar brezhoneg Mikael Le Cloatre ha Fabrice Coupechoux.
Klevet e vo Yann Lars en abadenn-mañ ivez.

O chom e Lyon emañ Johanna Deniau ha sot eo gant Balatro, ur c'hoari-kartoù en-linenn. Displegañ a raio deomp penaos he deus troet anezhañ e brezhoneg.
Evit c'hoari : [https://www.nexusmods.com/balatro/mods/862] (https://www.nexusmods.com/balatro/mods/862)

undefined