Keit d'ar Fil, Fil d'ar gêr

Maksim Crahé ha Neshka a zo àr-eeun ag ar FIL en Oriant, asambl get Padrig Drean ha Fanny Chauffin, daou zen hag a ra ur bouchad labour a youl-vad aveid ar festival. Padrig ha Fanny a gont an traoù a rant er festival, mes un tamm talbut zo ivez a-ziar plas ar brezhoneg er FIL, hag aveid achuiñ....un tamm c'hoari, savet get Padrig!

Ar Festival Etrekeltieg a zo 54 blez ar blez-mañ! Komañset oe bet ar gouel-se e 1971 tro-dro ur c’hoñkour evit ar bagadoù. "Gouel ar Biniou" a oa bet anvet ar festival neuze. A c'houde ar prantad-se eh eus bet ur bochad traoù o deus chanjet. Tem an abadenn-mañ e zo justawalc'h kas ur preder àr ar chanjamantoù er festival a-hed an amzer, teurel ur sell a gil hollek àr ar feson m'eo aet àr-raok.
Petra eo ar chenchamantoù pennañ a oe bet er gouel a c’houde ar penn kentañ? A fed aergelc’h, a fed ar publik, a fed spered ivez? Penaos eo ar programmadur hiriv e-keñver gwerzhall? pe c'hoazh, penaos eo aet àr-raok plas ar brezhoneg er gouel? Setu un nebeut goulennoù a zo bet lakaet ar gaoz àrne a-raok em soñjal d'ar mod ma wellont ar gouvidi dazont ar festival.
Gael Briand ha Alan Herve ha Momo Jouanno a oa bet kouviet evit kojeal ag an traoù-se.
Gael Briand a zo ezel kuzul-merañ ar fil, Alan Herve a zo a youl-vat a c'houde 45 blez ha Momo Jouanno a oe bet a youl-vat ivez ha kanet en doe er festival meur a wezh. Tud ag ar vro int o zri, anavet mat eo ar fil gete.
An abadenn a oa bet animet get Jañlug er Mouel hag Aodren Trehin.

Skipailh Radio Bro Gwened hag amied o deus pedet Eflamm Louis aveit komz a blas ar yaounkiz e bed ar c'hevredigehioù !

Hiriv eh omp arriv b’an devezh devezhañ ag ar Festival Etrekeltieg an Oriant ewit skipailh RBG. Anton Burel, Maelys Poublanc, Caroline Trouillet, Janlug ar Mouel, Enora Molac, Yuna Cojean a zo tro-dro d'an daol, ha kouviet eo bet ar sonour Louri Derrien !

Skipailh Radio Bro Gwened hag amied a zo staliet e lec'h ar c'hevredigehioù evit an abadenn !
Maria Malardé zo bet pedet evit komz a spered Diwan.
Posubl vo deoc'h selaou doc'h un atersadenn get Brieg Doujet diàr-benn ur raktre da sevel ur skol Diwan e Henbont.
Lowenna a zo bet aterset ewe diàr-benn he liamm get ar gerneveureg.

Skipailh Radio Bro Gwened hag amied a zo staliet chouk plas ar broioù kelt ewit an eil devezh !
Ar ganourez Veronique Bourjot a zo geneomp evit komz deus an abadenn "Les Irlandais de Bretagne.
Enora zo aet da welet tud yaouank i komz ur yezh minorelaet, ha Caroline 'deus traoù da larêt deomp diwar benn ar priz musik Produet e Brezh.

Skipailh Radio Bro Gwened hag amied a zo staliet dirak Teatr an Oriant ewit an devezh ketañ !
Yann-Vari An Doussal, animatour Kenleur, Loeiza ha Maelduina, dansourezed a zo geneomp. Int a gaozea deomp diàr-benn an arvest menn 'tansont : Horizon Celtique.

Ambre Thiémé ag ar strollad Digabestr a oa kouviet en abadenn Kit d'ar Fil, Fil d'ar Gêr 2022, abadenn Radio Bro Gwened o postal e Festival Etrekeltek !

Jorj Botuha ag an atalier Botuha&Hevieux a oa kouviet en abadenn Kit d'Ar Fil, Fil D'Ar Gêr 2022,abadenn Radio Bro Gwened o postal e Festival Etrekeltek An Oriant !
foto : Myriam Jegat

Thierry Jigourel a oa kouviet en abadenn ziwehañ Kit D'Ar Fil, Fil d'ar Gêr, abadenn Radio Bro Gwened o postal e Festival Etrekeltek An Oriant !