Heklev PodKast

Nevez dilojet o deus Luz hag he mamm. En he zi nevez e tremen ar grennardez hec'h amzer en he gwele oc'h ijinañ istorioù hag o skrivañ en he deizlevr. Un devezh e skriv unan bennak dianv dezhi en he journal-pemdeziek hag e krog ur c'hoari-eskemm etreze o-daou. Ar c'hoari a lako ar grennardez da guitaat he bed-kuzh tamm-ha-tamm peogwir e ranko seveniñ kefridioù an heskiner. Na vefe ket ar vouezh un tu da gas anezhi er-maez eus he bed ?Skrivet ha c'hoariet gant Gwenola Coic - Mouezhioù ouzhpenn : Mai Lincoln ha Yann-Herle Gourves - Sonerezh : Krismenn - Sikour war ar c'hoari : Thomas Cloarec - Enrollañ ha kemmeskañ : Victor Blanchard - Produiñ : Kalanna, Heklev Podkast ha Teatr Piba - Enrollet e Sal an Armorika e Plougerne e miz Gouere 2023 Gant sikour Redadeg 2022 ha Rannvro Breizh

Lulu, ur paotrig 10 vloaz, a zo o paouez cheñch skol. Bep daou vloaz e vez kaset e vamm da labourat en ur gêr nevez ha bep tro e vez ret dezhañ heuliañ. N’eo ket ar wech kentañ dezhañ kaout da ober e doull en un endro nevez, met startoc’h eo an traoù ar wech-mañ. Lulu ne deu ket a-benn da zesachañ evezh e gamaladed, daoust dezhañ bezañ ur paotr « cool » hag ur mailh war ar mell-droad. Pa vo ret dezhañ fardañ ur gwastell evit lidañ e zeiz-ha-bloaz gant e glasad nevez e vo lakaet Lulu diaes, rak ne oar ket keginañ ha ne’z eus den er gêr evit e sikour, paket ma vez e dud gant o labour d’ar merc’her ! Neuze e kinnigo Ingrid, keginerez ar skol reiñ an dorn dezhañ evit fardañ ur gwastell. Daoust da houmañ bezañ brudet fall e touesk ar vugale, e tegemer Lulu he sikour. Skrivet ha c'hoariet gant Loeiza Beauvir - Sonerezh : Krismenn - Sikour war ar c'hoari : Mai Lincoln - Enrollañ ha kemmeskañ : Jean-Mari Ollivier - Produiñ : Kalanna, Heklev Podkast ha Teatr Piba - Mersi bras da Gwenola Coic - Enrollet e Sal an Armorika e Plougerne e miz Gouere 2023 Gant sikour Redadeg 2022 ha Rannvro Breizh

Penaos dont da vezañ ur gwaz dindan un nozvezh a gont sotoni kentañ Théodore. Hemañ a zo ur mab-d'e-dadig bet disoñjet er skol gant Betty, his baby-sitter. En em gavout a ra en diwallerezh gant Rozenn, ur plac'hig disheñvel-mik. Hogen, liammet int gant ur c'hoant: tec'hout kuit a-raok bezañ kaset gant ar fliked. Kantren a reont en noz, dre an dachenn c'hoari ha betek ar bredospital. Eno emañ Mamm Théodore o chom, rak kavout a ra dezhi eo Anna Vreizh. En ur reiñ da anavezout d’e vignonez nevez e sekred e cheñcho ar paotrig hag e tiwano ul liamm etre an daou vugel.Skrivet ha c'hoariet gant Loeiza an Duigou - Mouezhioù ouzhpenn : Klet Beyer, Yann-Herle Gourves, Mai Lincoln ha Marion Gwenn - Sonerezh : Krismenn - Sikour war ar c'hoari : Mai Lincoln - Enrollañ ha kemmeskañ : Martin Delafosse - Produiñ : Kalanna, Heklev Podkast ha Teatr Piba - Mersi bras da Gwenola Coic - Enrollet e Sal an Armorika e Plougerne e miz Gouere 2023 Gant sikour Redadeg 2022 ha Rannvro Breizh

Solenn a zo 11 vloaz hag e-kerzh ar vakañsoù goañv eo bet kaset da ti he zad-kozh, en ur geriadenn war bord ar mor, goullo, bremañ m’emañ aet kuit an douristed. Ur benveg poltriji he deus kaset ganti evit ober he labour-skol. Evit kleub ar skolaj eo dav dezhi tapout poltriji tud a zo kar dezhi, mignoned pe tud he familh. Met penaos ober p’emañ hi hec’h-unan penn gant he zad kozh? Un dra bennak all a chal anezhi ivez pa’n em gav er geriadenn. Perak ‘ta ez eus bet savet ur gloued tro-dro d’he jardin gant Janine, an amezegez? Perak e vez serret o boliji gant an holl amezeien e fin an abardevezh ha pa z’eo deiz c’hoazh ? Perak ‘ta e vez alc’hwezet armel ar boutoù gant he zad-kozh ? Ha troet e vefe da foll holl re gozh ar geriadenn ? Dizoleiñ a raio buan Solenn ez eus c’hoarvezet davourdoù kevrinus er c’harter ha gant sikour he benveg poltriji ez aio war roud laer diwelus an aod wenn.Skrivet ha c'hoariet gant Mai Lincoln - Mouezhioù ouzhpenn : Klet Beyer, Yann-Herle Gourves ha Marion Gwenn - Sonerezh : Krismenn - Sikour war ar c'hoari : Thomas Cloarec - Enrollañ ha kemmeskañ : Victor Blanchard - Produiñ : Kalanna, Heklev Podkast ha Teatr Piba - Mersi bras da Gwenola Coic - Enrollet e Sal an Armorika e Plougerne e miz Gouere 2023 Gant sikour Redadeg 2022 ha Rannvro Breizh

E-kreiz un hañvezh tomm-gor emañ an daou vignon Yuna ha Lomig, 10 vloaz, o c’hortoz mont da vakansiñ. E-keit-se e teu ar gêriadenn da vezañ un dachenn vrav evit bevañ o avañturioù. Un dachenn leun ha sekredoù kuzhet hag a gejadennoù kevrinus. Skrivet ha c'hoariet gant Thoms Cloarec - Mouezhioù ouzhpenn : Mai Lincoln ha Yann-Herle Gourves - Sonerezh : Krismenn - Sikour war ar c'hoari : Mai Lincoln - Enrollañ ha kemmeskañ : Jean-Mari Ollivier - Produiñ : Kalanna, Heklev Podkast ha Teatr Piba - Mersi bras da Gwenola Coic - Enrollet e Sal an Armorika e Plougerne e miz Gouere 2023 Gant sikour Redadeg 2022 ha Rannvro Breizh

Troioù-kaer Yang Yang : Rann 2: an amprevaned.O c’hoari el liorzh eman Yang Yang, pa tizolo ur voest-hud a-drugarez d’ur c’hwil du… ur vouest a c’hello kas anezhañ lec’h ma faot dezhañ.Skrivet ha c'hoariet gant Marion Gwenn - Sonerezh : Perynn Bleunven - Sikour war ar c'hoari : Thomas Cloarec - Enrollañ ha kemmeskañ : Gwenole Peaudecerf ha Gweltaz Foulon - Produiñ : Kalanna, Heklev Podkast ha Teatr Piba - Mersi bras da Gege Gwenn ha Gwenola Coic - Enrollet e Sal an Armorika e Plougerne e miz Gouere 2023 - Gant sikour Redadeg 2022 ha Rannvro Breizh

Troioù-kaer Yang Yang : Rann 1 : al levr-burzhudus.Yang Yang ‘zo ur paotrig sarpant, ne oar ket lenn ha ne blij ket dezhañ ar skol. Gant sikour e vamm-gozh hag un tamm burzhud… e teuio a-benn da zeskiñ lenn ha muioc’h c’hoazh.Skrivet ha c'hoariet gant Marion Gwenn - Sonerezh : Perynn Bleunven - Sikour war ar c'hoari : Thomas Cloarec - Enrollañ ha kemmeskañ : Gwenole Peaudecerf ha Gweltaz Foulon - Produiñ : Kalanna, Heklev Podkast ha Teatr Piba - Mersi bras da Gege Gwenn ha Gwenola Coic - Enrollet e Sal an Armorika e Plougerne e miz Gouere 2023 - Gant sikour Redadeg 2022 ha Rannvro Breizh

Ur pemoc'hig lipous eo Padrig met aet eo skuizh o tebriñ chips bemdez. Penaos ober neuze evit dizoloiñ blazioù nevez ha tañva meuzioù saourus ? Fardañ boued marteze ? Met se 'zo afer ar re vras ha re vihan eo Padrig 'vit poent. Nemet e yafe de c'houlenn un tamm skoazell digant al loened all evel-just !Skrivet ha c'hoariet gant Klet Beyer - Sonerezh : Perynn Bleunven - Sikour war ar c'hoari : Mai Lincoln - Enrollañ ha kemmeskañ : Martin Delafosse - Produiñ : Kalanna, Heklev Podkast ha Teatr Piba - Mersi bras da Mich Beyer ha Gwenola Coic - Enrollet e Sal an Armorika e Plougerne e miz Gouere 2023 - Gant sikour Redadeg 2022 ha Rannvro Breizh

Ur c’hi a feson eo Balthazar. Gouest eo da gas e gefridi da benn digudenn. Diwall a ra mat e dachenn ha gwareziñ a ra e dud. Un deiz bennak e ra anaoudegezh gant ur c’hazh, un enebour touet sañset. Goude ar sach-blev, e teu mare an eskemm. Ha ma cheñchfe e savboent war e vuhez a-drugarez d’ar bisig-se ? Skrivet ha c'hoariet gant Yann-Herle Gourves - Sonerezh : Perynn Bleunven - Sikour war ar c'hoari : Thomas Cloarec - Enrollañ ha kemmeskañ : Gweltaz Foulon - Produiñ : Kalanna, Heklev Podkast ha Teatr Piba - Mersi bras da Gwenola Coic - Enrollet e Sal an Armorika e Plougerne e miz Gouere 2023 Gant sikour Redadeg 2022 ha Rannvro Breizh

Etre mirdi an dinozored hag un diskouezhadeg bigi morlaeron eo bet stank mat dibenn sun Tremeur. Un toullad istorioù ha mojennoù digredus a zo bet kontet dezhañ. Dizoloet en deus ivez gant bagadoù tudennoù kevrinus ha tropelladoù anevaled bammus an amzer dremenet.Skrivet ha c'hoariet gant Klet Beyer - Sonerezh : Perynn Bleunven - Sikour war ar c'hoari : Thomas Cloarec - Enrollañ ha kemmeskañ : Gweltaz Foulon - Produiñ : Kalanna, Heklev Podkast ha Teatr Piba - Mersi bras da Mich Beyer - Enrollet e Sal an Armorika e Plougerne e miz Gouere 2023 - Gant sikour Redadeg 2022 ha Rannvro Breizh